صح كلامك عادى تقدرى تجيبي قد ماتبغى اهم شي الفتره بينهم كافيه وصحتك تستحمل انا جبت 3 الحمد لله والدكتور يوم شاف الجرح في اخر ولاده قال ماشاء الله ممتاز وتقدرى تخلفي 6 لو تبغى

بالنسبه لى جربت الطبيعي وصعب مررررررررررررررررررره لكن مازلت متخوفه من القيصري اول شي متخوفه من التخدير لا التخدير الكامل ولا ابرة الظهر كل واحد اصعب من الثاني وغير كذا الالم اللى بعد العمليه والتعب هذا اللى مخوفني ،، لانه الطبيعي صح انه الم وتعب بس بعد ماتولدين الحمدالله ماراح تكونين تعبانه مره واسبوع بالكثير بعد الولاده وتكونين عادي جداً تطلعين وتجلسين ومافيه اي خوف لكن العمليه اغلب اللى اعرفهم يجلسون اسبوعين تعبانين مره وبعدها يالله يتحركون ويالله يجلسون
وشي طبيعي انه الولاده الطبيعيه افضل من اسمها طبيعيه

انا والده مرتين قيصري والثالثه بالطريق
احلى شي بالطبيعي مع العلم اني ماولدت طبيعي بس مريت بكل مراحل الطلق الى اخر لحظه
انفتح الرحم 6 بس وعليها وبدا نبض ولدي يقل فخافو وحولوني عمليه بدقيقه..
والقيصريه الثانيه نفس الشي حتى انهم قالو لازم قيصري ياعمري انا قلت لهم لا بانتظر ويوم شافو النبض
قالو مو على كيفك..ودخلوني العمليات..
وطبعا اذا سويتي مرتين قيصري خلاص.. الباقي قيصري..هنا تجي المشكله انه يتحدد لك تاريخ معين وتروحين
وانتي لامعك الم ولا شي وتقولين لهم هذي انا وكأنك والعياذ بالله راايحه الاعدام..
يعني الانسان لما يكون كويس مثال يعني انتي لما يكون عندك تسوس في سن من اسنانك بس مايعورك وانتي عارفه انه لازم تلحقين عليه ممكن تطنشينه خوف من البنج وهي كلها شكه ابره ويشيلون التسوس صح..ومع ذلك ممكن ماتروحين عشان بس انتي تقولين مدام مافيه الم خليني تاركته
بس ضرسك وجعك من غير شعورك بتروحين وتفتحين فمك وتقلين خلصوني تعبت..
نفس الشي الي خلاص انكتب عليها قيصري..مافيها الم وتروح برجلينها للمستشفى وتقعد قلقانه وليلتها ماتنام تفكر بالبنج والعمليه..
هذا من ناحيه...
من ناحيه ثانيه..بعد العمليه تقعدين اسبوعين الحركه صعبه وتصيرين تمشين وانتي مدنقه وماسكه بطنك كل الوقت قعدتك صعبه نومتك صعبه وشيلك للبيبي صعب..
وترضيعه صعب..
الطبيعي اول يوم ببالغ شوي يومين وانتي يارب لك الحمد تتحركين وتاكلين وتشربين..لا دوخه ولا الم الا الم الخياطه الي من تحت ولا اعتقد انها تقارن بفتحه بالبطن..
والقصه طويله..قولي امين يارب تولدين طبيعي وتسهل عليك ولادتك..وماتحتاجين للقيصري ابد..
وبعدين من قال ان الي تولد قيصري ماتخرب من تحت..الا تخرب ونص اذا اهملت نفسها زيها زي الطبيعي ويمكن القيصري اكثر
لان مضاعفات العمليه والالتصاقات والشمم والالتهابات وممنوع القومه بسرعه وممنوع تشيلين شي ثقيل لمده سنتين ويمكن اكثر
واعرف وحده بعد سنه سوت نفسها قويه ودفت غسالتها دفه بسيطه وانفتحت عمليتها وسوتها من جديد كأنها عمليه ثانيه..
طولت بالهرج بس قلت اعطيك من خبراتي المتواضعه..

انا والده 2 قيصري والان حامل بلثالث
وربي مره ماتحسي بالم الا الاسبوع الاول وترجعي زي مانتي بنت
ولا بطن ولا جروح تحت ولاتهابات وفطريات غير ان كاتتغيري من تحت اان شايفه ان القيصري احلى واريح
والله يقومنا كلنا بلسلامه يارب

تكفون ياللي ولدوا طبيعي فهموني آلام الطلق وش هو بالضبط يعني آلام من تحت والا تقصدون الظهر تكفون اشرحولي اللي تحسون فيه بالضبط وهل فيه بنج او لا ؟؟ والله اني من زمان نفسي اسال بس خفت ما احد يعطيني وجه الله ييسر لكم وييسر لي الولاده ياااااااااااااا رب ......