بنات سؤال محرج أحمممممممممممم ، كيف تغسلون الشماغ والغترة ، معليش زوجة جديدة ..

ولا يهمك كلنا مرينا بالتجربة

اولا الشماغ لاتفكينه غسليه وهو على ثنيته يعني خليه مثلث اذا زوجك دقيق غسليه بيديك حطي صابون وماء في بلاستيك وصبي على الشماغ واضغطي بدون فرك ثم اعصريه وغسليه بالماء بنفس الطريقة

واذاما كان دقيق اغسليه بالغسالة الكهربائية اللي عبارة عن حوضين خليها تدور دورتين فقط يعني دقيقة وحدة فقط وغسليها بالماء ثم انشريها

والغترة نفس الشي
والله يعينك استمتعي بحياتك الجديدة

يووووووووووووووه
الله يعينتس
شوفي حبيبتي انا بالنسبه للشماغ انقعه لمده ساعه بمويه دافيه ووشويه من شامبو الشماغ
وبعد ساعه افركه فرك خفيف واشطفه واحط شويه كمفورت بماء الشفط
اما بالنسبه للغتره انقعها مع تايد لمده ساعه بعد
وبعدين افركها واشطفها واحط مع مويه الشطف شويه نيل
وبس
واحيانا الغتره ممكن اغسلها بالغساله ماتتاثر
بس ماتطول بالغسل
وبس
واتمنى اكون افدتس

هلا اختي مبرووك الزواج وسامحينا لو متاخره :)

الشماغ والغتره على اليد اصحي تحطينه بالغساله يتمرمط ويطلع زي حق الهنود ولا مية بخاخ نشا يوقفه ولا تفكين طبقتة الي كان مكوي عليها الي زي المثلث
المهم فيه شامبو خاص للعبايات والشمغ هذا غسلي فيه او الشامبو الي عند محلات ابو ريالين الي يجيك احمر لونه ممتاز بعد .. المهم اغسلي واشطفي بعدين حطي داوني ولاتحطينه في النشافه اعصريه بيدك الله يعطيك العافيه :) وانشريه على علاقة ملابس

يسلموووووووووووووووووووووووووووووووووووووووووووووووووووووو الله لا يحرمني منكم والله إنكم فعلا أخواتي ، الله لا يحرم صاحبات :27: الأنامل من الجنة قولو آمييييييييييييييييييييييين ..

احسن حل يوديه للمغسله لاني ا غسله معليش بس اكويه مستحيل لانه مهما اكويه ما يعجبه خاصه ها لي يسمونه مرزام