بنات ساعدوا بنتي ماتقدر تنام من الالم تعبنا اكثر من سنتين وحنا في مأساه

السلام عليكم
معذره على كتابتي في هذا القسم لان عددى كبير جددا متواجد هنا وانا بأمس الحاجه لكثير من الاراء
بنتي (7 سنوات ) من اكثر من سنتين تعااني من الم في البطن شديد ماتقدر تنام .. سمعنا عن دكتور شاطر في المواساه الدكتور هيثم اول شي قال هذا شي نفسي ولا فيها شي .. بعدين استمر معها الالم رجعنا له اخذ تحاليل ابوال دقيقه (مزرعه) واتضح ان معها جراثيم في الابوال وخوفنا قال ممكن يأثر على الكلى اذا استمر وظل يتكلم كثيير عن الوضع المخيف الي حنا فيه .. عطانا ادويه وقال كل شهر تحليل ( مزرعة ابوال) وظلينا كل شهر نعمل تحليل الا انا الوضع مستمر الم في البطن احيانا نتيجة التحليل سليمه ومع ذالك تبكي من الالم .. رحنا لدكتور متخصص مسالك بوليه وعطانا انواع من الاشعه ..من ضمنها اشعه نوويه للكلى لان خايفين على الكلى لايصير فيها شي نتيجه الالتهاب والجراثيم المتكرره الي تعاني منها بنتي .. وقسطره وتحاليل ابوال .. وطلع كلللل شي سليم الحمدلله .. الحين بدى الالم يرجع لها وكل ليله مو عارفه تنام من الالم .. ولاحظت ان اسفل السره من البطن فيه انتفاخ .. وهو نفس المنطقه الي تتألم منها .. بنات تعبنا نفسيا :( ولا عارفين نروح لمن ؟؟ هيثم يخوفنا بالكلام حتى ان فيه مره قال لااازم تتنوم وظلينا على اعصابنا لين شافنا كذا جددا خايفين عليها قال يالله نعمل تحليل من جديد طلع نسبه خفيفه من الالتهاب مايستدعي التنويم .. لما سافرت رجع لها الالم طوول الليل مسكينه ماتقدر تنام وديتها لدكتور بعد التحليل قالي كلام يخووف بنتي معها جراثيم في الابوال وقالي ممكن يأثر على الكلى وان لاااازم يكون فيه سبب لتكرار الالتهاب ولا حنا عارفين ... شنو نسوي ؟؟ نتابع عند اي دكتور ؟؟ دكتور باطنيه والا مسالك بوليه والا دكتور اطفال عام ؟؟؟ واي دكتور تنصحون فيه ؟؟مالقينا نتيجه رغم متابعتنا لاكثر من سنيتن .:( الله يجزيها خير الي تسااعدني وتدلني على دكتور شاااطر او حتى على الاقل تعطوني حل للوضع الي حنا فيه ...