بنات ساعدونا ولو بدعوة مشكله عويصه

كيفكم بنات ****لله انكم بخير وصحه وسلامه
عندنا مشكله كبيره بالعايله :44:وكالعاده مالي بعد الله غيركم لانه بجد حسيتكم اخوات وتساعدون بحلول من قلب الي صاير اخوي زواجه بعد 27 يوم ومن اسبوع تخانقت خطيبته مع اخته وصرحه ثنتينهم غلطانات يعني زوجه اخوي واختي الي صار انه اختي لسانها طويل وسبت مرت اخوي واخوي جا لا شعوريا ودز اختي علي سريرها فقط يعني ماضربها ولا سوا لها شي واختي هذي اخر العنقود عمرها 17 سنه وابوي يموت فيها اول ماجا ابوي من شغله جات اختي تبكي بهستيريا مو طبيعيه واخوي ضربني عشان خاطر عيون زوجته وبنتك انهانت ببيتك وحسيت نفسي يتيمه ماحد دافع عني وكلام كبيييييييييييير مره خلا ابوي يشب نار ببيتنا واول ماجا اخوي البيت ابوي علي طول طرده وقال له انقلع تفضل زوجتك علي اختك لا وتضربها وانا حي اطلع من بيتي وشوف لك مكان تتزوج فيه ومالك شي عندي والمشكله ابوي مجهز شقه باثاثها لاخوي والحين طرده وين يروح اخوي باقي 27 يوم علي زواجه فقط وفلوس يادوب ممكن عنده 20 الف ماتكفي يطلع يستاجر شقه وياثثها ويدفع باقي الحجوزات لصالحه الحريم وقصر الرجال ولو دبر عمره وتسلف ابوي مابيحضر زواجه
كلمنا ابوي حاولنا نفهمه الغلط مو بس من اخوي وزوجته حتي اختي غلطانه مارضي يقنع لا انا ولا امي ولا اخواني حتي اعمامي كلمناهم ولا في فايده واخوي علي قلبي يقول انا متخوف ماابي اقول الموضوع لاهل زوجتي لو جا ابوها بيتفاهم مع ابوي اخاف يطرده وتكبر المشكله يعني متقفله بوجيهنا من كل مكان ابوي مو راضي يتنازل عن رايه ماخلينا احد ماوسطناه ولا في فايده واخوي اكثر من مره يبي يجي يراضيه ويصرخ عليه ويطرده بيتنا شاب نار وامي سكرها مرتفع واحنا حالتنا حاله حتي اختي متندمه تقول ماتوقعت ابوي يكبر السالفه كذا وحتي يوم حاولت فيه ماسمع لها عطونا حل تكفوووووون لو دعوة منكم الله يصلح الحال بين ابوي واخوي لاننا متازمين مره تخيلو حتي لو سوا اخوي الزواج ابوي مانعنا نروح يعني لا هو بيحضر عرس ولده ولا بيخلينا نروح فشله قدام جماعتنا والناس واخوي المسكين من وين بيدبر عمره حتي لو بياخذ قرض لو شي بيطول وفوق هذا مابيكفي يبيه له علي الاقل 100 الف عشان يستاجر شقه وياثثها من والي ويدفع باقي حجوزات الفرح وهو مامعه الا 20 كانو بيسافرون فيها ياااااااااااااااارب رحمتك ارحم بحالنا يارب ادعو لنا لا تنسونا من دعائكم تكفون وربي يسعد كل وحده بترد علينا بحل
للمعلوميه المعرف مشترك