عمري لك
الله يبارك فيج يا قلبي وعقبالج ان شاءلله يا رب......طريقتج حلوة وسهله بس ولله انا اضايق من الخلطات الي فيها زيوت عشان جيه نطيت على خلطة النيل والورس لانه مافيها زيوت..بس بسالج اختي الغاليه احينه انتي تستخدمين هالخلطة كل يوم ولا في ايام محدده ....ويوم تغسلينها تفركين ولا ما يهم.. والنتايج متى تتطلع....اسفة على كثرة الاسئلة...ويزاج الله الف خير


ماهناش
هلا ولله فيج..شجعتيني يعني انتي مجربة هالخلطه انزين يالغاليه ا ذا ما عليج كلافه حطيلي الخلطه اكيد هاي هيه الي ادور عليها...والصفار شو سالفته يعني كل البنات الي استخدمو هالخلطه صار فيهم نفس الشي ولا شو.....خلاص ماعليه بشوفها كيف وان شاءلله بدعيلج من كل قلبي سواء استفدت ولا ماستفدت..ويزاج الله الف خير


شمس العشاق
هلا بج زود يالغاليه .....دخيلج اختي تخبري يدوتج وامج الله يطول بعمارهن شو هيه المقادير بالضبط وكم يوم لازم استخدم الخلطه عسب اشوف النتايج ويوم ادهن جسميه بها كم اطول....اترياج حبيبتي تردين عليه خبر لاني صدق محتايه ابا ابدا اهتم بعمري....ويزاج الله الف خير وان شاءلله تنالين مرادج يارب

اهلين اختي
شوفي هذا الموضوع راح يفيدك
الموضوع للاخت الغصون
وبعنوان وصفة ممتازة للبياض
وإليكي نص المشاركه
وصفة ممتازة للبياض

كيف الحال خواتي
اليوم يبت لكم هذة الوصفة العجيبة واتمنى الكل يستفيد
والوصفة عبارة عن :
ورس مطحون
نيل مطحون
صندل مطحون
سفيداب مطحون

تاخذ المقادير بكميات متساوية وتخلط مع ماء الورد
وتدهن الوجه كل يوم لمدة اسبوع
وبعد ذلك يوم وترك وان شاء الله بتشوفين البياض والنضارة
مع تحيات
ام عدول

ان شاء الله تستفيدين من الموضوع

ريميه

ر ي م 100
مشكوورة اختي الغاليه ما قصرتي بس هاي الخلطه للويه..انا ابا شي للجسم ومجرب...بس علميني انتي مجربتنها يعني استفدتي منها في ويهج...يزاج الله الف خير على المروور بس اتمنى تردين عليه



بنات وين التفاعل الله يجزيكن الف خير ساعدوني عسا الله يساعدكن ويعطيكن لي في بالكن

بصراحه انا مابعد جربتها
جبت الاغراض بس باقي الورس ما حصلته

وناويه احطها على الجسم مو الوجه بس
بيني وبينك مع ذا البرد مستحيل اسوي شي اذا جاء الصيف يكون خير ان شاء الله

خبرينا اذا استخدمتيها

ريميه

مرحباااااااااااا مفنودت ابوظبي

صراحه اذا استخدمتي هذي الخلطه مع حمام بتكون النتيجه روعه بس لازم يكون عندج وقت مثلا تريد شهر بس النتيجه بتكون طالعه من قبل بس للزياده
انا خواتي وبنات عمي والكل تقريبا يستخدمهااااااا تعرفين خاصه عندنا في العين
مشهوره هذي الخلطه
وهذي طريقتهاااااااا
نحن مانحط لها مقادير معينه لانها كلها مواد طبيعيه

1-هاتي لوشن بيبي جونسن (لانه يساعدج في ازالت النيل والورس عند الاستحمام)
2-نيل مطحون
3-ورس مطحون (على فكره يمكن الورس يسبب حساسيه خذي شوي منه وفركيه على قطعه من جسمج وانتظري كم يوم اذا سبب حساسيه استغني عنه ويكفيج النيل واللوشن)
الطريقه:
تاخذين النيل والورس بس النيل يكون اكثر من الورس و الوشن وتخلطينهم مع بعض وتدهنين جسمج كله وتكون لج بجامه وفراش خاص بهن على اساس ماتخيسين المكان ونامي يعله نوم العوافي
والصبح متى تقومين على راحتج تسبحي وبعدها استخدمي اي مرطب للجسم انتي ترتاحين له
واستخدميه كل يوم_ وكل اسبوع حمام مغربي (ودعي لي)والله يسعدج