بنات ساعدوني

وعليكم السلام اختي
مشكلتك حلها بسيط
نوميهم وروحي اشتغلي بهدوء وراحة وقولي لهم لو حاصو الببيت ياويلهم

ممكن تسوي تحدي النظافة احنا كنا نسويها والي يفوز اعطيه هدية وهدايا ترضية او اشغليهم افتحيلهم فلم وفشار و رتبي على كيفك

البركة في البكور نامي بدري وقومي بدري واشتغلي حاجه عميقة و حاجات سطحية و عيالك لابد من تعليمهم عالأقل خدمة أنفسهم

قسمي تنظيف البيت
الاسبوع الاول نظفي المطبخ تنظيف عميق طبعا اسبوع لانك تقولين انه يحتاج تنظيف عميق وعندك اطفال فما راح تقدرين تخلصينه في يوم فكل يوم نظفي جهه ورتبيها وطلعي كل شي ماتحتاجينه بالاضافه لعملك اليومي والعنايه بالاولاد بعد اسبوع بتلقين مطبخك مرتب ونظيف ومنظم ولافيه كراكيب
انتقلي لغرفه ثانيه نفس الشي (مع المحافظه على نظافة المطبخ )فلنفرض غرفة نومك افرزي دولابك طلعي اللبس والشنط وكل شي ماتستخدمينه وكنسي غرفتك ومسحي الغبار
وهكذا الى ان تخلصين البيت كله
خذي وقتك مش معقول بتنظفين وتنظمين بيت كامل في يوم وليله
طيب كيف بتحافظين على نظافة البيت
*غرف النوم للنوم فقط ممنوع ياكلون فيها او يشوفون التلفزيون
*تحديد غرفه جلوس فيها التلفزيون والالعاب وصندوق لجمع الالعاب وسلة لجمع المهملات
وحطي فيها سفرة مشمع وحطي فوقه سفرة عاديه اللي تنرمى اللي بياكل يحط اكله على السفره عشان بقايا الاكل ماتطيح على الفرش او البلاط ويتعود على النظام
غرفة النساء نظفيها وسكريها بالمفتاح نفس الشي مجلس الرجال ودورات مياه الضيوف تقفل
الغسل حددي له يومين يوم للابيض ويوم للملون
مثلا الخميس ابيض الجمعه تسفيط الملابس
السبت الملون الاحد تسفيط الملابس
بعد وجبة العشاء ماتطلعين من المطبخ الا بعد
غسل جميع الاواني
مسح الاسطح
كنس الارضيه
في نهاية اليوم لازم الاطفال يجمعون العابهم في صندوق الالعاب والاوراق والمناديل والعلب في القمامه
انت الام وانت ربة المنزل لازم تكونين صارمه في تنظيم البيت وتحديد وقت الوجبات ووقت النوم عشان تقدرين ترتاحين وتلقين وقت
عودي اطفالك يساعدونك لو يجمعون اللي طايح او عطيهم مناديل مبلله يمسحون الغبار او يطلعون القمامه
اتمنى اكون افدتك موفقه 😊🌷

الله يجزاكم خي