رينام11

رينام11 @rynam11

عضوة جديدة

بنات ساعدوني أنا أدمرت خلاص.....................

الأسرة والمجتمع

بنات انا مدمرة نفسيا و الله ما اعرف شو أقول بالضبط....أنا من يوم صغيرة اهلي ينتقدوني مرة ....لحتى صرت أخاف و أخجل كثير و ما عندي جرأة و ما أطلع و صعب اتأقلم مع الناس....أنا بتزوج قريب و راضية بزوجي رغم أني ما شفتو و لا شافني إلا بعد الملكة....ما عندي ثقة بنفسي أبدا و خصوصا شكلي....بقولكم ليه لأن أهلي و فيه بعض زميلات المدرسة ينتقدوا شكلي مثلا يقولون هذي أختك ما تشبهك....أنا و الله ما أعرف أحكم على شكلي بس و الله أحيانا أشوف نفسي جميلة و أحيانا عادية....بنات أنا لما أروح محل فساتين لأقيس و الله ما عندي جرأة أشوف المرايا لأني خايفة أشوف شكلي غير و ما يعجبني.....أنا عندي رغبة أعرف نفسي و نسبة جمالي....بنات تخيلوا أمي أنتبه إلها أحيانا تناظر كثير في شكلي و هذا يربكني و لما يزورني خطيبي(زوجي) تناظرني بعيون كلها شرار كأني مفشلتها و أرتبك كثير...و خطيبي ما أعرف أخذ منو شي لأن تصرفاتو لما يجي يزورني أحس أني مو عاجبته و لا يناظر فيني و لا يبتسم لي و لا يتكلم معي و مطنشني....أنا لما اتصور أحس مو أنا أكون بشعة عيون ما تبين و ملامحي غير ما أعرف ليش؟


من كلامي راح تفهموا أني بشعة...بس و الله أني فعلا اشوف نفسي جميلة أحيانا و مرة و ملامحي حلوة و أكون فرحانة و مستانسة و مرات لا....على سبيل المثال:أتذكر وحدة قالتلي اذا حطيتي مكياج راح تصيرين أحلى وحدة ....و في مرة وحدة سألتني أنت شو جنسيتك؟ و لما خبرتها استغربت و قالت ما شاء الله...و فيه بنات و أساتذة يسألوني من أي مكان أنت؟ و هالأشياء تزيد ثقتي بنفسي....والله موغرور أنا أحيانا أشوف نفسي و لما أشوف وحدة بالتلفزيون جميلة مرات أعتبرها عادية لأني أشوف نفسي أحلى عنها....بس لما أشوف صور الهم أو لحد أعتبره عادي أشوفهم حلوين بس أنا أطلع بشعة.

أنا أريد أعرف نفسي و حتى لو كنت مو جميلة بنظر الناس ...لأني يمكن أنا مريضة نفسيا و أشوف نفسي على غير شاكلتها....شو تفسيركم لتصرفات الناس معي....أنا تعبانة و أحس مرضي نفسي و في نفس الوقت ما أحب أظلم خطيبي يمكن أكون مو حلوة بنظره و أخاف أنو أخذني لأن صرف كثير و ما يريد يكنسل و بنفس الوقت ما أريد أظلم نفسي يمكن أنا اكون فعلا جميلة

الله يخليكم ساعدوني وش اسوي كيف أصير أنسانة طبيعية أحس أني مجنونة ... لو وحدة بس تعيش حالتي ليوم واحد بتحس فعلا بمعاناتي..أدعو لي بالتوفيق
12
26K

يلزم عليك تسجيل الدخول أولًا لكتابة تعليق.

تسجيل دخول

خلصت الاسامي صراحه
الجمال شيء نسبي ممكن وحده تشوفك حلوه وحده تشوفك لا يعني كل شخص وذوقه
المهم نظرتك لنفسك وامكن الي فيك وسواس لانه الوسواس ترى انوااااااااع
وزوجك لازم يكون مقتنع فيكي احسن من انه بعد الزواج يتركك لازم من الحين تعرفي اذا مو مقتنع ولالا
ربي يوفقك ويفرج همك
ابتسمي
فرحة تجدد
فرحة تجدد
اذا جالك خطيبك اتمكيجى وأرسمى حواجبك وكحلى عيونك وحطى مسكرا وروج خفيف وراح تكوني أحلى وحده أنا متاكده انك حلوه لكن ماعندك ثقه بنفسك ويأما بنات بشعات بمعنى إلكلمه اتزوجو وازواجهم طايرين فيهم وانتى حلوه لكن عدم ثقتك فى نفسك تبين لك انك مش مقبوله وهذا اكبر خطا
ستروبري-22
ستروبري-22
والله والله كانك تتكلمي عني
حتى انا زيك بكل شي قلتية الحل انك ما تهتمي بكلام الناس
نبرة صدق
نبرة صدق
جيبي ورقه وقلم

واكتبي الاشياء الحلوه فيكي وانتي شوفي بنفسك

اكيد انتي حلووووووه بس عندك وسواس لانه مافيه احد شين

حتى الشينه يجي جسمها حلو او ابتسامتها حلوه

احمدي ربك على النعمه تتكلمين وتمشين واهم شئ الصحه والعافيه

بوسي يدك مقلوووووووووبه على النعمه
raadds
raadds
حبيبتي لازم اتكون ثقتك بنفسك اكبيرة ولا تهتمين لكلام الناس اقفي قدام المراية وشوفي نفسك وشيلي الوسواس من راسك ومثل ما قالت الاخت فرحة تجدد لما يجي يزورك خطيبك حطي مكياج خفيف وشوفي كيف راح تطلعين وخلي الابتسامة دائما على وجهك