بنات ساعدوني أنا بخلاف مع أمي ونفسيتي تعبانةتعديل الموضوع ..

راح أشرح لكم موا شكلتي مع أمي بالتفصيل وإنتوا حكموا في يوم قبل أسبوع إمي عازمة جيرانها عزيمة حريم عصرية وقلت خل أروح لها اساعدها وأقهوي معاها جو الحريم وقعدت أقهوي بعدين بنتي دخلت علينا عند الحريم عمرها 4 سنين وخذت حلا بروحها وفجأة نزرتها أمي بصوت عالي وإنحرجت بنتي وركضت داخل وهي تبكي وتنهد ورحت لها وسميت عليها وهديتها ورجعت لأمي والحريم وكلمت أمي شوي ية تراج احرجتي بنتي وهي ما تقصد علما بأن بنت أخوي طول ذاك الوقت عند الحريم وإمي ما قالت لها شي عمرها سنة ونص وكانت تأخذ من الحلا ومحد نزرها فقلت لأمي بنتي شوف بنت أخوي عند الحريم فدخلت بنتي بعد جاهل شعرفها العيب فسمعتني مرت أخوي جان ترد بصوت عالي بنتي راعية البيت ومحد يقول لها شي ما رديت ولا شي علشان حاشمة الضيوف فخذيت بنتي بهدوء ورجعت بيتي وبيت بو عيالي أكرم لي ومن عقبها أمي زعلانة والمفروض أنا أزعل وإنقلب الموضوع على رأسي وركبوني الغلط علما بأن أساس المشكلة مرت أخوي لما علقت جدام الحريم بصوت عالي وأنا أقدر أرد واقول هذا بيت أبوي ومحد له الحق يرفع صوته بهالبيت بس حشمت الحريم وطلعت أنا وبنتي فساعدوني شسوي وهل أنا غلطانة نفسيتي زفت أحس بالإهانة وكأني مطرودة من بيت أبوي وبعد ثلاث أيام من هالمشكلة رحت لبيت أهلي ولقيت ظامي قاعدة على سجادتها وحبيتها على رأسها جان تقولي رضيتي ترى هذا بيت فلانة إاللي إهي بنت أخوي غصبن على اللي يرضى واللي ما يرضى وقتلها بهدوء وهذا بيت أبوي اللي يجمعنا وترد أمي تعيد كلمتها وحز بخاطري هالشي ورديت طلعت من البيت وأنا منهارة ....................أه تعبانة ونفستي زفت رجاء شالحل خواتي والله لايبلاكم مثل ما بلاني بمثل هالأهل أستغفر الله إنا لله وإنا إليه راجعون