أنا من سافرت في الصيفيه لدوله اوربيه أخذت من جده سوق البوادي
من محلات عبي عبايه لونها بيج وأخذت من عندهم طرحتين طرحه عشان البسها والطرحه
الثانيه وديتها الخياط وسويت لي نقاب ويوم سافرت كان شكلي بالعبايه مألوف
عشان اللون لأني تعقدت السنه اللي قبلها سافرت بعبايتي السودا وكنت ملفته
للأنظار وصرت معلم للأثار للأجانب وطاحو فيه تصوير غير كذا الأطفال يوم يشوفوني يصرخون وتحرجت كثير وما أخذت راحتي في الخروج غير كذا أغلب السياح اجانب
ماشفت خليجين أبد عشان كذا كانو مستغربين بعبايتي السودا بعدين البيج أغلب
الأجانب يلبسون هذا اللون ولون يصبر ما يتوسخ بسرعه
والله يوفقك

حبوووبه انا اشتري من نجوم العلياا وكمان( مكس و عند ليز كلايبورن ومانجوو .. بس ترى مو دايم تلقين عندهم )


وناويه ان شالله اذا رجعت للرياض امرر سوق طيبه كم وحده قالوا لي ان فيه حجابات عمليه هنااك

اهلين اختي
الحين ابسألكم وش الفكره والغرض من الحجاب؟؟
اليس الستر
طيب مااجمل ان يجتمع الستر مع الاناقه والشكل المرتب
لماذا؟؟
حتى نعطي الغرب فكره جميله عن ديننا وحجابنا الجميل الساتر الذي يخرج المرأه بشكل مرتب وانيق وحتى تكوني واثقه من نفسك ومرتاحه في اي مكان تروحين له
(هذا رأيي الشخصي ويحتمل الخطأ والصواب)
المهم انا من رأيي انك تاخذين بلايز او جاكيتات طويله لحد الركبه تقريبا او مايسمونه دقلات السفر بشرط ان تكون فضفاضه وغير شفافه يعني ماتخصر الجسم ولا تشفه
والبسي معها بناطيل مناسبه يعني خوذي كم دقله وكل دقله معها بنطلون مناسب لها
اما الحجاب فأما ان يكون قطعتين او 3
القطعتين عباره عن الطاقيه الحجاب القطني اللذي يلبس على الرأس (يكون ماسك على الرأس)
والقطعه الثانيه وهي الطرحه ويجب ان تكون متناسبه مع الطاقيه واللباس والطرحه تلف على الطاقيه بحيث يخرج الطرف الامامي من الطاقيه وتلف على كامل الرأس ثم تشبك بمشبك ملابس او دبوس او بروش وهو اما ان يكون اللف كحجاب بدون تغطية الوجه او ان يكون لثام بطرف الطرحه ويشبك بشكل مريح والافضل ان يكون لثام لان الله في كل مكان ولم اجد مايضايقني مع لبس اللثام او النقاب لافي امريكا ولا في اي دوله اخرى خلال سفراتي
ال3قطع تتكون مثل السابقه ولكن القطعه الثالثه هي النقاب بدون ان نعمل لثمه بالطرحه
وافضل مكان للدقلات والحجابات هو مركز النمر بالعليا بالرياض فعندهم تشكيلات كبيره ومتخصصين بلوازم الحجابات وفيه اكثر من محل
والله يوفقك اختي وترجعين لنا بالسلامه

صالون رواء عندهم زاوية كاملة (حجابات الكويت+حجابات تفصيلهم)=رخيصة وعملية وحلوة

اللَّهُمَّ إِنِّي أَعُوذُ بِكَ مِنَ الكَسَلِ وَالهَرَمِ وَالمَأْثَمِ وَالمَغْرَمِ وَمِنْ فِتْنَةِ القَبْرِ وَعَذَابِ القَبْرِ، وَمِنْ فِتْنَةِ النَّارِ وَعَذَابِ النَّارِ، وَمِنْ شَرِّ فِتْنَةِ الغِنَى، وَأَعُوذُ بِكَ مِنْ فِتْنَةِ الفَقْرِ، وَأَعُوذُ بِكَ مِنْ فِتْنَةِ المَسِيحِ الدَجَّالِ، اللَّهُمَّ اِغْسِلْ عَنِّي خَطَايَايَ بِمَاءِ الثَّلْجِ وَالبَرَدِ، وَنَقِّ قَلْبِي مِنَ الخَطَايَا كَمَا نَقَّيْتَ الثَّوْبَ الأَبْيَضَ مِنَ الدَنَسِ، وَبَاعِدْ بَيْنِي وَبَيْنَ خَطَايَايَ كَمَا بَاعَدْتَّ بَيْنَ المَشْرِقِ وَالمَغْرِبِ.

اللَّهُمَّ رَحْمَتَكَ أَرْجُو فَلاَ تَكِلْنِي إِلَى نَفْسِي طَرْفَةَ عَيْنٍ، وَأَصْلِحْ لِي شَأْنِي كُلَّهُ، لاَ إِلَهَ إِلاَّ أَنْتَ. اللَّهُمَّ إِنِّي أَسْأَلُكَ عِلْماً نَافِعاً وَرِزْقاً طَيِّباً وَعَمَلاً مُتَقَبَّلاً.

والله يااختي الحجاب مافيه عيره عبايتك اخذيها معاك ....ويمكن يكون اللون الاسود غريب شوي بذيك الاماكن فعشان كذا خوذيه اي لون ثاني مثل البيج الغامق مثلا.....وانا انصحك تلبسين حجابك على طريقة اخواتي المصريات الملتزمات لانه مريح وساتر