بنات ساعدوني الله يخليكم كيف اعمل الحمام المغربي في البيت

تفضلي
http://forum.hawaaworld.com/showthread.php?t=15130&highlight=%C7%E1%CD%E3%C7%E3+%C7%E1%E3%DB%D1%C8%ED

تسلمي اختي العزيزة المندوبة جمانة على الرد والله يسعدك ويهنيك يارب بس برضه ابغا اسال لاني مالقيت في الرابط ايش اسوي ببقية الاشياء الموجود انا لمن اشتريت الصابون كانت عبارة عن مجموعة زي ماكتبت طيب الصابون ايش اسوي فيه هو جامد مو سائل كمان الطين متى استخدمه الي عندها رد وسوت الحمام المغربي المشكلة اني في مديتنا مافيه صوالين يعملو حمام مغربي يعني لازم انزل جدة ساعدوني الله يخليكم

انا اعرف ثلاث طرق وراح اقولك عليها وكلها راح تفيدك الطريقه الاولى خيمة البخار (شكلها اسطواني وتدخلي فيها ويكون جسمك جوه وراسك برا)
ما ادري الي تقولين عليه البخار الي عندك زي هذه الخيمه او لا اذا هي الي تقصدين
تمام لان الطريقه الاولى تعتمد عليها

الطريقه الاولى:

اول شي ركبي الخيمه وخليها لحد مايطلع البخار بعدين ادخلي فيها من عشرالى ربع ساعه واذا تقدرين اكثر احسن وحاولي انك تعرضي وجهك للبخار الي خارج من الخيمه بعدها اطلعي من الخيمه وضعي قناع الطين على وجهك ووزعي الصابون السائل على باقي الجسم وبعدها ارجعي اجلسي في البخار عشره دقايق اذاخلص الوقت اطلعي منها وافركي جسمك بحركه دائريه بالليفه زي ماتبغي بعدها غسلي جسمك ووجهك وغسلي جسمك بماء دافي وبعده ماء بارد عشان يشد جسمك ويقفل المسامات0

الطريقه الثانيه:

اول شي قفلي كل منافذ الهواء وبعدها عبي البانيو مويه دافيه مره من السخان اقرب للحراره يعني يادوب تتحمليه الوقت الي يتعبا فيه البانيو سوي فيه بخار وحطي القناع الطيني بعدين ادخلي في البانيو بس بسرعه لانك لو جلستي تتحسسي المويه ماراح تدخلي لانها حتكون حاره شويه عليك اذا دخلتي خليكي لمدة ربع ساعه بعدها اطلعي وضعي الصابون السائل على جسمك وخليه عشره دقايق من غير ماترجعي للمويه اذا مر الوقت افركي جسمك بحركه دائريه وبعدها اغسلي جسمك بالمويه الي كنت فيها وبعدين بمويه دافيه وبعده مويه بارده عشان تتقفل المسامات ويشد جسمك0

الطريقه الثالثه:

الي اغلب الناس تستخدمها وانا ما احبها لان ماتفيد مره وهي انك تقفلي منافذ الهواء وتطلعي بره الحمام لحد مايكثر البخار وتجلسي فيه ثلث ساعه وبعدها تحطي الصابون السائل والقناع الطيني وخليكي عشره دقايق وافركي جسمك0

انا بصراحه جربت الطريقه الاولى والثانيه اما الثالثه لا لانها موعاجبتني ومو مقتنعه فيها0

القناع تقدري تحطيه في اي وقت وهو سهل بس اخلطيه بمويه وخليه على وجهك لحد مايجف0

وبالنسبه لصابونه انا ما استخدمها لان احس مالها داعي خلاص الصبون السائل يكفي

اهم شي عشان ماتعرضي نفسك للخطر ويمكن تتعبي من ا لحراره قبل ماتسوي الحمام كلي حوامض او اشربي عصير ليمون وخلي عندك ملح لوحسيتي بدوخه خذي شويه
وعشان تسويه كويس خلي احد يساعدك بالفرك ويكون قريب منك

رسايل مون :27:

ممكن تمسحي جسمك بعد الحمام بزيت جونسون لانه بصراحه ينعم البشره
اما كريمات التخسيس ماعندي اي فكره عنها ممكن غيري يفيدك