بنات ساعدوني الله يفرجها عليكم ودعواتكم لي

السلام عليكم ورحمة الله وبركاته
اخواتي الله يسعدكم ردو علي انا جديده بهذا المنتدى 
انا متزوجة وعندي بنت لي تقريبا 3 سنين متزوجه 
زوجي شكاك جدا عرفت هذا الشي من أول يوم تزوجته 
وعصبي جدا حتى بشهر العسل كان يعصب بطريقه جنونيه لم أخبر أحد وصبرت 
هو بسبب عصبيته دخل السجن بمشاجره ورمي من سلاحه عليه لكن الحمد لله الرجال ماصار فيه شي 
السنه الاولى معاه كان فيه مشاكل لكن مو بكثره يشك فيني وكرهت جوالي لأنه سبب المشاكل 
اكتشفت بهذي الفتره جوال ثاني معه حلف لي أنه جوال ايام السجن ماصدقته لأن هو قالي انه باع جواله بالسجن قبل مايطلع بس كنت ابي احافظ على بيتي 
بعد ماولدت رجعت لبيتي وكانت وحده تتصل على جواله كلمتهاا وتكلمت معاي على علاقتها بزوجي حلف انه مايعرفها رغم انها اعطتني معلومات عنه وبما أنه حلف صدقت 
لكن زوجي ضل يسئ معاملته معي أكثر ولايحترمني ويشك فيني بشكل لاتتصورونه لدرجة يبحث في البيت ويقول إن رجل كلمه باني ادخل رجل غريب بيته وأنه راح يطلقني أنا حاولت مايوصل الكلام لأهلي ولا ادخل احد بيننا أخشى على بيتي ..
انا أصبحت عصبيه من تصرفاته واستفزازه لي بالكلام الجارح واذا عصبت وغلطت لو بكلمه وحده أخبر والده ويخبر اخواني وانا ما اشتكي لأحد رغم أن غلطه بحقي أكبر 
وتمادى الوضع إلى أن أصبح ينام في غرفه لوحده بحجة بنتي تزعجني وصار يلف ويدور بتصرفاته 
وكرهت حياتي إلى آخر مشكله طلبت أن ياخذني لبيت أهلي لأنه ووعدني باليوم اللي قبله بالنوم معي ولكن رفض وقلت أنه بنتي نامت الين حصلت مشكله واتصل على اخوي يجي ياخذني وكانت في ساعه متاخره بالليل 
ولما جاء اخوي  تكلم معي حكيت له كل شي سواه معي وزوجي ماتكلم لما سأله اخوي عن تصرفاتي معه ماتكلم لاني الحمدلله ماكنت مقصره معه بشي من كثر حبي له أحب اسوي له كل شي 
مع العلم زوجي كريم لما ازعل يراضيني لكن في اليوم الثاني يكرر نفس الغلط ولايحب البيت يجي الساعه 11 ويجلس ساعه أو نص ساعه وينام ويصحى الصباح 
انا ببيت أهلي 7 شهور ولم يتصل او يسأل حتى عن بنته ولم يتدخل أحد في الموضوع من أهله لأنهم عارفين ان ولدهم غلطان بحقي 
إخواني بيطلبون الطلاق وأنا مو حابه هذا الشي يصير وش اسوي هل اتصل عليه ؟ أو اترك اخواني يتصرفون ؟
أول ماجيت بيت أهلي ارسلت اعتذر علشان ماتكبر المشكله رغم أنه هو سبب المشكلة ومارد على رسالتي 
هل أنا غلطانه يابنات ارجوكم عطوني رايكم بمشكلتي وادعولي