بنات أنا ماعندي غيركم بأحكي له مشكلتي وياليت تفهموني وتساعدوني بطلبي اللي بالأخير..
أنا كنت على علاقة مع شاب ووالله كانت علاقة شريفه طاهره لحد ممكن ماراح تصدقوه وتتخيلوه إنه فعلا هالعلاقة بين فتاة وشاب المهم لنا حوالي 4 سنوات وأهله هم اللي كانوا معارضين الله يسامحهم عرض السماء وطولها ولأسباب.. المهم قعد يحاول ويحاول وحسينا فعلا مافيه أمل إلا بالله سبحانه فجأة وبدون مقدمات طلع أبوه موافق وقاله ولا يهمك ومن هالكلام بعدين تقدم لي بس الله يسامح أبوه بأسلوبه واللي سواه لدرجة نزل راس ولده بمجلسنا قدام أهلي وطبعا أبوي تردد كثيييير ووافق بالبداية بس عشاني بس وصلت لحد أبوي اتخذ قراره براسه وردهم ومسك الولد وقاله مالك نصيب عندنا وعطاه فلوس النظره الشرعية لأنه حتى النظره سويناها وخلاص على إن كل شي تمام بس سبحانك يالله مايصير إلا المكتوب... طبعا تعبت وتعب هو قعدنا فتره تقريبا شهر ونص مع بعض بعدين إتفقنا إننا لازم نترك بعض لوجه الله لاغير ومن ترك شيئا لوجه الله عوضه الله خيرا منه.. والله يابنات هذا كان مبدأنا في الفراق واتفقنا ع أشياء كثيره كلها في طاعة ربي.. هو قالي بيروح يخطب بنت خالته لأنها صغيره وماأدري وشو بس طلبته يؤجل الموضوع هذا لين بعد حوالي سنة بس عشان أقدر أسلى عنك وأنساك ومايزيد الجرح بقلبي ووافق وطلبته يتقرب من ربه أكثر وكلام كثير....
طولتها بس عشان تعرفون شوي من معاناتي.. ومشكلتي اللي أبيكم تساعدوني فيها....
بنات أنا صرت أتحلم فيه كثييييييييييير حتى بنوم الغفوة لازم يمر علي بالحلم بموقف وأحلام مرررررره حلوووووه وأفكر فيه كثييييير وأتخيله في كل شي وأكثر الأيام أحن له فيها يوم الجمعه.. والمشكله إنه ولد جيراننا وصديق أخوي.. وكلما رحت وجيت أشوفه أو سيارته أو بيته..
بنات مشكلتي بهالأحلام اللي دايم أتحلم فيها هي اللي تخليني أفكر فيه ودي تساعدوني باللي تقدروا عليه أبي أفسرها وأرتاح إذا تعرفوا رقم أو موقع لمفسرين ثقة ياليت يفسروا لي أحلامي.. أنا حاولت مع فهد العصيمي بس مررره صعب التواصل معاه حتى بالمنتدى أبي حتى لو رقم جوال لأي مفسر ثقة تكفووووون ولكم مني كل دعوه صادقه..... سامحوني طولت عليكم بس والله حتى أختي ماأحب أتكلم معها بهالموضوع ولاتحرموني من دعواتكم بظهر الغيب..
أم ريفانا @am_ryfana_1
محررة
يلزم عليك تسجيل الدخول أولًا لكتابة تعليق.
لا تفكرين فيه ومآتحلمين
و دآئماً أسألي الله ان يعلق قلبك به وحده سوآه لا بأحد من خلقه ..
و دآئماً أسألي الله ان يعلق قلبك به وحده سوآه لا بأحد من خلقه ..
زمزم مكه
•
رقم مفسر ماعندي بس حبيت انصحك طول ماانت تفكري فيه ماراح تنسيه انتو اتفقتوا
انكم تسيبوا بعض لوجه الله فحاولي شوي شوي انك تنسيه
واشغلي نفسك بشيء ثاني وصدقيني لو ربي كاتبه من نصيبك حيرجع لك 00
وبالنسبه للأحلام فهي من كثر ماتفكري فيه وهذا من الشيطان فتعوذي بالله من شره واكثري من الأستغفار فهو
دواء لكل داء 00
انكم تسيبوا بعض لوجه الله فحاولي شوي شوي انك تنسيه
واشغلي نفسك بشيء ثاني وصدقيني لو ربي كاتبه من نصيبك حيرجع لك 00
وبالنسبه للأحلام فهي من كثر ماتفكري فيه وهذا من الشيطان فتعوذي بالله من شره واكثري من الأستغفار فهو
دواء لكل داء 00
الصفحة الأخيرة
اختي انتبهي يمكن هذا الشيطان بس عشان تتعلقين في ولد جيرانك اكثر