بنات ساعدوني بمشكلتي الله يساعدكم >_<

رائدة 2010 :

اختي تابعي برامج الموضة في التلفزيون وفي النت طبخات وكل شي ما يجي احد من بطن امة عالم

اختي تابعي برامج الموضة في التلفزيون وفي النت طبخات وكل شي ما يجي احد من بطن امة عالم

تفاصيل ..! :

والله اللي تبي تتعلم بتتعلم واذا انتي وصلتي لهذي الحالة معناته ابشرك قررتي تتعلمين اول شي لازم يكون عندك ثقة بنفسك وللاسف هذا الشي ماتلقينه بالسوق حبوب تاكلينها ويصير عندك ثقة بالنفس !! الثقة بالنفس تجي اذا قعدتي مع نفسك وفكرتي انا وش عندي شغلات حلوة بنفسي ؟؟ شخصيتي + شكلي + حياتي بشكل عام مافي بنت بالدنيا ماعندها اشياء تميزها عن غيرها لاتقولين ماعندي شي وانا دلخة وما اعرف !! كلنا كنا مانعرف وتعلمنا مع الوقت ... كيف ؟؟ اقولك كيف اول شي تعلمي التنظيم .. لازم يكون عندك وقت لكل شي بتسوينه بيومك شغلك , دراستك , اهلك , انتي شخصيا وعنايتك بنفسك ان كانت من الداخل او الخارج نترك شغلك ودراستك واهلك ونركز عليك انتي ماتعرفين تشترين مكياج ؟؟ والانترنت وش وظيفته بحياتك ؟؟ ماسنجر وصديقات وسوالف وبس ؟؟ مايصير !! افتحي قوقل واكتبي عن اي شي يخطر ببالك .. كريم اساس .. بودرة .. شدو ...الخ ادخلي المنتديات وابحثي باقسام المكياج وعطي نفسك وقت كافي تركزين بتجارب البنات والمعلومات اللي يقولونها خذي نوتة وقلم وسجلي اسماء المنتجات اللي عجبتك واسم الماركة وابحثي عنها بالنت وكيف طريقة استخدامها ادخلي اليوتيوب وتعلمي منه .. عندك مئاااات المقاطع التعليمية للمكياج ..استفيدي منها لاتشترين شي من المكياج من الغالي لمجرد انه غالي مو كل غالي يستحق نشتريه ونحط فيه فلوس عندك ماركات روعة وسعرها جدا معقول وتعطي نتائج ممتازة بورجوا + ريفلون + لوريال + نيفيا + ريميل + ماكس فاكتر + نكس كلها تلقينها بسنتر بوينت روحي اشتري مكياجك بعد ماتكتبين بالنوتة اني وش تبين بالضبط ولاتشترين اشياء كثير .. خذي اللي تحتاجينه فقط وجربي مرة واثنين وعشرة لين تتعلمين وتصيرين فنانة لدرجة انك بتوصلين لليوم اللي مايقنعك مكياج احد على وجهك الا شغلك بالنسبة لشعرك اعتني فيه بالزيوت الطبيعية والماسكات والشامبو المناسب اذا ماتعرفين هذا انتي سجلتي بالمنتدى اسألي وبتلقين جواب لكل سؤال تحطينه تحسين شعرك شكله حوسة ويبيله ترتيب روحي لمشغل وقصيه قصة مرتبة واصبغيه بلون حلو طبيعي بدون مبالغة بالتخصيل والخرابيط اللي بتزيد مشكلة شعرك اكثر عودي يدك على طريقة مسكة السشوار والفرشاة لين تضبطينها لاتقولين ما اقدر وما اعرف .. حاولي لين تقدرين بشرتك والسمار اللي فيها تقدرين تحلين مشكلتها بالعناية روحي بودي شوب وخذي سكراب منعم للبشرة مع ليفة الاستحمام اللي بشكل قفازات و خذي شور جل ريحته حلوة واستمتعي بحمامك واذا طلعتي من الحمام دهني جسمك بكريم مرطب البشرة ماتصير مبقعة ومسمرة الا من الجفاف حاربي الجفاف وبترجع بشرتك احلى من قبل عودي نفسك تكونين أنثى بكل شي اهتمي باظافرك وبشرة يدينك باستمرار سوي بيديكير ومنيكير كل شهر بالمشغل واذا صعب عليك سالفة المشغل على الاقل خذي مبرد للاقدام موجود بكل الصيدليات وانتي بالحمام وجلدك رطب افركي كعب قدمك بالجهة الخشنة تمام لين تروح الاجزاء الناشفة وبعدين نعميها بالجهة الناعمة واذا طلعتي من الحمام دهنيها بفازلين والبسي شرابات على طول موضوع اللبس وانك ماتعرفين تختارين .. استفيدي من اقسام الازياء والصور وجربي تختارين ستايل بصورة عجبتك واشتري شي قريب منها كم مرة سوي كذا لين يصير لك ستايلك الخاص وتبدعين بالاختيار بعدين اسألي البنات عن اللبس واستفسري عن افضل محل للبنطلونات مثلا او التيشيرتات او لبس العيد !! لاتستحين من السؤال .. ماراح يضرك شي اسألي وخذي معلومات كافية بالسؤال بتوفرين على نفسك الجهد والوقت والاهم من هذا كله انك بتوفرين على نفسك القهر اذا حطيتي فلوسك بشي مايسوى ادخلي مع الوالدة المطبخ وتعلمي منها الطبخ خذي وصفات من المنتديات وطبقيها وصوريها وحطيها بقسم الطبخ بتلقين تشجيع يوصلك للسماء اكتشفي مواهبك وحسي بقيمتك كأنثى شوي شوي مع الوقت بتتغير حياتك 180 درجة والكل بينبهر باللي وصلتي له بشطارتك الموضوع محتاج منك مجرد الالتفات لنفسك والاهتمام بالمحاولة اذا كنتي صغيرة بالعمر نفترض انك توك بالثانوية ترى بهذا العمر كثير بنات تزوجوا وصاروا ربات بيوت عمرك مو عذر انك ماتعرفين لاتقنعين نفسك انك صغيرة البنت من بعد سن 12 سنة المفروض انها تكون كبرت وتعدت مرحلة الطفولة وبدت تتعلم من امها وخواتها كيف تكون مسؤولة وكيف تجهز نفسها للمستقبل اعذريني على الاطالة بس حبيت انصحك نصيحتي لاختي الصغيرة او لبنتي بالتوفيق حبيبتي الله يسعدك

والله اللي تبي تتعلم بتتعلم واذا انتي وصلتي لهذي الحالة معناته ابشرك قررتي تتعلمين اول شي لازم...