بنات ساعدوني بمشكلتي مع خطيبي تكفون

أنا بدخل بالموضوع على طول أنا انخطبت وصار كل شي وملكنا
كنت عااااادي جدا ومافي اي مشكله وبعدين صرت اسمع كلام ومن مين من اقرب الناس لي يعني الكل كان حاسدني عليه وكيف جا وكيف خطبني ومن هالكلام اللي تحسين ان الكل منقهر منك طيب بعدين قلنا بنسوي الخطوبه وقررنا نسويها بفندق فخم وكبير المهم ماعليناوالكل صار يقول ليييييه وش هالخساير وبنته تدلع عليه وماله داعي طيب هم وش دخلهم فيني مدام ابوي يبي يسوي لي وانا والله اني ماطلبت اني اسويها بفندق كنت بسويها بمكان عادي بس الوالد قال لا بسويها بالفندق طبعا الخطوبه كلها على حسابنا المهم وصارت مشاكل بسبب هالكلام اللي جاني منهم لحد ماحسيت ااني كررررهت نفسي وكرهت الزواج كله يعني حسيت انه جاتني عين منهم او حسد يعني كأن الكل ماكان وده اني اتزوج وخصوصا من اهل ابوي بصراحه فيهم لقافه مو طبيعيه
المهم وخلصنا خطوبه وكل شي واللحين صار لي شهرين تقريبا بس انا اكررررهه مااحبه نفسسسسس احساسك بالضبط مااحب اكلمه ولما اكلمه اكلمه من غير نفس ولازم نتهاوش بعد على اقل شي هو بعد مافيه شي اخلاق ورجال صحيح فيه بعض التصرفات واسلوبه مايعجبني بس مو هنا المشكله انا مابيه حتى لما يقولي بجي اقوله لا نفسسسسك بالضبط اتضايق منه مررررره بس اسمع طاريه او اسمع احد يسولف عن الزواج اقوم على طول ومااحب اسمعهم لااسولف ولااضحك معاه حتى اذا جا عندي مااحبه يقرب مني ابداااا حتى يدي بالموت اخليه يمسكها اتنرفز منه بقوووووه ماني قادره اتحمل والمصيبه لما قلت لاهلي اني ماابيه وماني مرتاحه قالوا لي غصب تاخذينه ليه توافقين من الاول طيب انا وش عرفني انه بيصير فيني كذا شي غصبن علي مو بكيفي يقولون لي مو لازم ترتاحين ولاتحبينه حتى اذا ماتبينه تاخذينه على شانه وش نقول للناس يعدين وش يقولون عنه انا ووووووووش دخلني بالناس طيب انا اخرهمي الناس بس للاسف تفكيرهم ماادري كيف الناس ماراح تنفعني لما اتزوج وحياتي كلها مشاكل واللحين احسن من بعدين بس ماني لاقيه احد يفهممممممني ةربي تعببببببت نفسيتي تعبت كل مااقول لاحد يقولون لي تتعودين بعدين انا اعرف نفسي خلاص مافي امل انا اذا من البدايه كذا مستحيل اتقبله بعدين والله مااحد حاس باللي انا حاسته اصبر لحد متى يعني أنا سمعت عن وحده صار لها سنه وللحين ماتعودت عليه ولاتحبه نفس حالتي بالضبط اجل انا متى بتعود عليه مافيه امل اصلا اكرررررررررررهه من جد ماني عارفه وش اسوووووي احترت في ناس يقولون لي افتحي الموضوع معاه وقولي له وناس تقولي افتح الموضوع مع اهلي اول واقولهم اذا هم ماتصرفوا انا بقوله بنفسي ومو عاااارفه وش اسوي مليييييييت المشكله حتى هو طفش صار يقولي انتي وش فيك مغصوبه علي فيك شي قولي انا مااااقدر اتكلم اسكت وماارد عليه بس على شان اهلي هو وش ذنبه بعد والله ماالومه بس غصبن عني حاولت كثييير بس ماقدرت خلاص مستحيل اتقبله احس بضيقه كل ماكلمته او جلست معاه او حتى بس اسمع طاريه او طاري الزواج اصلا كرهت الزواج كله؟؟؟؟وربي اني احتررررت
قولوا لي وش اسووووووي وش الحل؟؟؟؟