مبرووووووووووووووووك حبيبتي

وبعدين نصيحة خليه يشوفك ويكلمك ترى ايام الملكة لاتتكرر

احلى ايام العمر




اما بالنسبة للقاء الأول
انصحك تسشورين شعرك عند كوافيرة
وانتي مكيجي نفسك مكياج وردي بسيط
عشان يعطيك نعومة من ناحية ويشوف شكلك الحقيقي بعد
لان مكياج الصالونات كأنه قناع

وبعدين الرجال ما يحبون المكياج الثقيل
انتبهي

والبسي فستان بسيط
ساتان او شيفون يعطي انوثة واغراء :42:
انتبهي تلبسين جنز او سبور
اوبس

انبسطي وابتسمي وخليك حبوبة
مو تكشرين !!

بعدين يقول ياويلي شكلها ثقيلة دم ...

بالتوفيق
والله يسعدك ويهنيك يارب ...

انا احس بدون مكياج ازين ..:)

شوفي أنا الخلط وكذا مايعجبني .. يعني مليون شئ بخلطه لأ :p
المهم
هذا جدول عجيييب مرره :32: :
فيشيال (بخار)
بعده سكرب طيب .. خليه طبيعي ملح وسكر بالتساوي
وإفركي جهك بعد ماتبليه شوي مويه وركزي ع أنفك وجوانبه
وبعدين نص او أقل ليمون (الأصفر الكبير) ومرريه ع وجهك بشويشش مره
وأفركي خشمك بقوه شوي وبحذر طيب
وربي هذه الخطوه رهيبه تنظف من قلب وتحسين بإشراق وكأن وجهك إنتفخ :icon32:

وبعدين الميلك المنظف من (همالايا) اللي أستعمله ..أو أي نوع وحطي ودلكي
بأصابعك دقيقه وبعدين بليفه خشنه (أنا أستعمل بدي شوب) دلكي وجهك ورقبتك
طبعا بس الرقبه مره بشويش عشان ماتسمر وركزي مره 2 ع الأنف أفركيه بقوه
هو راح يكون متحسس شوي بس مو مشكله سوي بحذر وبعد ماتغسليه كلو بيخف
كذا راح يكون وجهك بيرفكت ومشرق مرره وانفك يلمع لمعة نظافه :icon32:

يعني راح تكون 3 ستيبز بعد غسل الوجه بالغسول:
1- فيشيال (بخار الوجه)
2- سكرب بالملح والليمون
3- تنظيف بالميلك

4- أي ماسك حطيه وانصحك بهذه الماسكات

1- إخلطي بالخلاط خيار وشوي حليب طيب وخليه بعلبه وكل يوم حطيه
ع فيسك ورقبتك وعيونك سواء شرايح أو مطحون والأفضل مطحون 20د
(يفتح ونضاره)

2- شرايح برتقال بارده مرريها ع وجهك كله ورقبتك وحطيها ع عيونك 20د - 60د
(تفتح وتعطي نضاره وبشره عجيبه أطلق من كل مستحضرات التجميل العالميه)

3- عسل حطيه قبل النوم ع وجهك ورقبتك وعيونك بس بشويش ع عيونك
عشان لاتظهرلك ثنيات كنها تجاعيد 20د - 90د وبعدها إدهني وجهك ورقبتك
بزيت زيتون وخلاص نامي فيه (كل يوم قبل النوم)
(نضاره وهي من الطب النبوي غير كذا يعالج الحبوب ومايخليها تطلع كمان)

ولو تبغي ماسك زياده هذا وأنا أشوف اللي فوق تكفي بس جربيه :
4- م وسط لكل من : سدر - نشا - طحين أسمر وفنجان كوفي مويه معدنيه (صحا)
وغسلي وجهك فيه

بعد ماتخلصي من أي ماسك ماعدا اللي قبل النوم مرري ثلجه ع وجهك وإمسحي
بقطنة موية ورد
والسكراب مره وحده بالأسبوع واليوم اللي تعملي فيه السكراب لاترطبي وجهك باي شئ
إلا الأيام اللي بعده مو مشكله
كل يوم سوي واحد منها بس خلي يومين راحه مثلا السبت والأربعاء راحه
هذه ماسكات بسيطه .. وماتاخذ وقت بالتحضير .. وماتاخذ وقت وهي ع وجهك
والأهم نتيجه فتاكه

اللبس ..
ماذكرتي لون بشرتك بس طالما إنك فاتحه
الألون اللي راح تنورك وتعطيك إشراق البرتقالي الهادئ .. الوردي .. السماوي.. الخربزي
الذهبي كمان ينور
اللبس يكون تنوره تحت الركبه لأنه دوبه أول مره مايصير شخلعه :icon20:
ولو إنك قصيره خذيلك صندل مرتفع شوي مو مره طيب لاتاخذي عالي أبدا
أو فلات لو طولك مناسب
والبلوزه خليها فخمه وشياكه ومو مشخلعه..
وحلق .. ولو لبستي حلق لاتلبسي سلسله زي
غلطة بعض البنات خليه يعرف يركز ع شئ (أنا أشوف الحلق أفضل من السلسله
يعطي طله حلوه خصوصا لا صار لامع وناعم)
وخاتم أو إسواره والخاتم أشوفه أفضل لنفس السبب + يجمل الأصابع

والميك آب ...

أشوف الأساسيه
(الآيلينر - الماسكرا (بس حطي قبلها ع رموشك زيت زيتون مسحه وبعدين حطيها)
ماراح تتكتل وتظهر طبيعيه وكأنها رموشك وإمسحي لما تنشف الزيت لوفيه زايد (سوي بروفا أوكي)
والبلاشر و الروج المشمشي ..اللون هذا ينور وجهك ولو كان باهت
ولو إحتجتي فاونديشن حطي بس يكون خفيف وبلون بشرتك عشان لايظهر مصطنع وكونسيلر
لو الهالات بايخه وع أي شئ مو حابته بوجهك

والشعر ..
إرفعيه بنعومه وحطي ورده أو اللي مثل البروش حجمها وسط
أو إستشوريه وفليه او خليه ويفي مع إكسسواريز ناعمه فيه وصغنونه تكون أحلى
ولو عندك مساحه بالجبهه حطي غره
وماتنسي قبلها حمام زيت .. لو بس زيت عافيه يخلي الشعر سايح مع السشوار

والعطور إخلطي وبتكون مميزه مثلا مسك مع عطر فرنسي او عوده مع عطر فرنسي كذا يعني
فيه عطر يهبل بزوجي هو إيفوريا من كالفين كلاين وريحته أنثويه مره وكأنه رجالي بنفس الوقت
يعني قوي بس عجيب مره

وسينما من إيف سان لوران ريحته دافيه ومره حلوه
وبويزن هيبونتك من ديور برضوا دافيه
ع فانيليا ومميزه

وعطور فالينتينوالقديمه
وكثير غيرها

اول شي الف الف مبروك
والله يجعله زوج الدنيا والاخرة يارب
ويارب يشوفك ملكة بعيونه ,,


بكل بساطة
1- صلي وادعي ربك انه يحببه فيكي ,, واقري قران واستغفري ربك << هذي اللي من جد بتنور وجهك

2- اشتري كرتون موية وخليه بغرفتك وكل شوية اشربي قارورة الين تكملي لتر ونص باليوم

3- اشتري انواااع الفواكه والخضار ,, ومن يوم تصحي جهزي سبت مليان فواكه وخضار وكلي منها

4-بالنسبة للهالات اشتري كريم الهالات حول العين من فيتشي ,, مررة ممتاز

5- بالنسبة لشعرك يتهيالي افضل شي تزيتيه على نظافة

وتستخدمي ماسك حور الجنان (( 3ملاعق لبن +2م كاكو+2م زبدة+ 1م نشا +1م عسل)
لانها مرررة ترطب الشعر ,, ومن الحين لين وقت الشوفة بيكون شعرك اترطب زييين ,,من الخضار والفواكه والمويا والماسك
بيطلع شي خيالي

6- اغلي بقدونس في موية ,, وخذي مويته وحطيها في بخاخ وحطيها بالتلاجه
وكل مارحتي المطبخ رشي وجهك



سوي دلكة قبلها بيوم لو تحبي تدي جسمك لمعه

بالنسبة للعطر
انصحك ب بخاخ عود شمس من اجمل ,, بيطلعك قمة في الفخامه

البسي فستان نعوووم

سشوري شعرك عند الكوفيرة

حطي اساس نيفيا او ماكس فاكتور لانه يبين طبيعي

واعملي ميك اب نعوووم

البسي عدسات وركزي عالمسكرا والكحل وروج وردي حلو والاضاءة تحت الحاجب
ورتبي حواجبك صح

البسي اكسسوار نعوووم

البسي خلخال مع صندل نعوم وواطي ,, عشان لاتطيحي بالكعب

أختي انصحك نصيحه

بما أنها اول مره يشوفك خليه يشوفك على طبيعتك بدون مكياج وغيره أفضل

لاتنسين أنك بتعيشين معاه في بيت واحد طول عمرك وبيشوف كل شي سواء كنتي بمكياج او بدونه

لأني أنا سويت نفس الشي وخليته يشوفني حتى بدون حمره"الروج"

أهم شي ان ملابسك مرتبه عليك، وعطرك.