بنات ساعدوني شوفو الخاله (الضالمه)وش سوت في بنت اختها

السلام عليكم اخواتي صديقتي صاحبة المشكله وارجوكم اللي عندها حل او اي شي لا تبخل


القصه تقول صاحبتها ديمه


بنت في العشرين من عمرها تدرس في الجامعه انسانه عاديه خلوقه هاديه جميله عايشه مع اهلها خواتها متزوجات ولها اخوان ولله الحمد اخلاقهم كويسه
وناس مسالمين لا لهم ولا عليهم والطيب يغلب عليهم

المهم مشكلتهم ان امها من سنين طويله صار لها مشاكل مع اهلها مالها ذنب فيها اخوها قطعها ونقل من الرياض هو وزوجته وعياله

مابقا لها علاقه مع اخوانها الا اختها الصغيرة اللي مربيتها زي بنتها وكانت عايشه معها وتزوجت وصار لها عيال وبنات

مرت السنين ويكبر ولد الاخو الكبير ويجي يدرس بالرياض وبالصدفه صار يجي عند عيال عمته اللي كان ابوهم مقاطعها ومرة انبسط عليهم ودرى ان هالناس مافي قلبهم شي فتحو له بيتهم وقلوبهم وعاملو زي ولدهم

بعد كم سنه تم الولد دراسته الجامعيه وفي ذاك اليوم بالصدفه وهو في بيت عمته لمح بنتها ديمه وعجبته

راح قال لامه وابوه ابوة فرح لان حس ان اخته طيبه ويبي يرجع العلاقه معها

بس قالو امه وابوة نبي نسأل عن البنت يعني وش اخلاقها وزي كذا مافيه الا اختي الصغيرة اللي لها علاقه معهم خل امك تكلمها وتسألها


دقت الام على اخت رجلها الصغيرة وقالت لها السالفه تدرون بنات الضاهر انها انفجعت وطلع المستخبي

تدرون وش ردت عليها وش قالت؟؟؟؟؟؟؟؟؟؟؟؟































قالت بنت اختي ماتنفع لكم ولا اهلها يناسبونكم الله يستر عليهم لا دين ولا صلاة

والبنت غامضه مادري وش وراها وكلام من كذا


الولد انصدم وهو كان من قبل قايل لولد عمته اني بخطب اختك ونبي نسأل خالتك الصغيرة وبعدها راح قال لولد عمته الرد الولد قال لاخته


بعدها فترة راحت العمة اللي هي خالة ديمه وخطبت له وحده من جماعة رجلها هي من زمان وهي منهبله عليها واقنعته فيها والبنت هذي اكبر منه بعد

ديمه تقول انا ماهمني ولد خالي لاني ماعرفه ولا شفته والله يوفقه لكن انا قاهرتني هالانسانه اللي شايلينها بعيونا ونحبها ونموت فيها ونحب عيالها وبناتها وندعي لها بقفاها وضهرها

وين هذي تعرف الدين ؟؟؟تسوي كذا انا على الاقل اذا سافرت برا الحمدلله عباتي ونقابي ما فصخهم وهي تلبس لك بناطيل وترمي طرحه على راسها وتقول انا الحمدلله خاف من الله واتحجب وش هالدين ؟؟

ليه؟؟؟ليه تسوي كذا حسبي الله عليها ونعم الوكيل



القصه اطول من كذا بس انا اختصرتها لكم ارجوكم ارجوكم تكفون انا من الحرة اقولكم شاركو لو بدعوة على هالانسانه الضالمه