بنات ساعدوني عسى الله يسهل عليكم

يمكن الأربطه عندج مشدوده !!!

اغلب لحوامل يحوشهم شد بس انتي شوفي اذا منيه لي باجر ما صار شي ولين الحين مستمر العوار حاولي تراجعين دكتوره او متخصصه علشان تطمنين وان شاء الله مافي الا الخير

مشكوره حبيبتي وما قصرتي انا اذا قاعده ماكو عوار بس اذا مشيت عوار من تحت يشد علي وايد حتى رفس البيبي من تحت وعسى الله يسهل علينا وعليج

عيل حبيبتي لا تحاتين دام ان العوار يختي في قعدتي
فتأكدي انه شد من الاربطه صوب الرحم

انتي حاولي تنسدعين وترفعين ريلج علشان ترخين عضلاتج ويارب يختفي العوار وترتاحين :)

على فكره حبيبتي كاشونه دامج كويتيه ودي اسئلج
عند منو تراجعين ؟؟ انا دكتورتي تزوجت واستقالت من يبت ولدي
والحين قاعده اراجع عنده دكتوره يديده مدحوها لي اسمها امل عبدالعزيز

انتي عند منو تراجعين ؟ وفي أي مستشفى ؟؟

مشكوره على ردج والله ريحني يمكن علشان امس افتر بأفنيوز
المهم انا اراجع عند الدكتوره فرجينيا بالمواساه وايد زينه تهبل انا افتريت لا يظل هادي ودار الشفا وارتحت اخيرا بالمواساه والله خوش معامله وخوش دكتوره واستشاريه يعني مو اي شي صج اهي رومانيه بس تهبل مره اكبيره والله ما شفت دكتوره تذكر الله نفسها كله الحمدالله ما شالله روحي له ترى والله وايد زينه الله يسهل علينا وعليج

عادي هالعوار لان الجنين يضغط عالرحم لانه كل ماله يزيد وزنه
والرحم للحين مو متوسع لزياده هالوزن فيجيكي هالالم بعدين الرحم
بيبتدي يتوسع وبيروح منج هالشي بيتكرر يمكن بالشهر مره
لانه الجنين يكبر والرحم توه ما توسع بتحسين بهالثقل لكن الرحم بعدين يتوسع
وعادي انا صار فيني جذي وسالت الدكتوره وهي قالت لي هالشي
شوفي لا تخافين الا لي نزل ماي او دم لا سمح الله