بنات ساعدوني ع فهم هالمشكلة بليز مره تعبت

السلام عليكم كيفكم بنات بدات انا متزوجه ولد خالتي وهو الوسطاني الكبير كان متزوج وحده تصير بنت خالي والصغير كان فبعثه ولا تزوج المهم تزوجت والحمدلله عشات حياتي فجاه انجبرت اني اعيش مع اهله ومع سلفتي واخوه بنفس البيت صاله وحده ومطبخ واحد بس الغرف كل واحد له غرفه يعني انا محبوسه فغرفتي وهي كذلك المهم هي اكبر من زوجي بسنه وصح انها بنت خالي بس بحكم فارق السن الكبير بيني وبينها م كنت اجلس معاها ولا اعرفها هي اكبر مني بكثير تقريباً 10 سنوات المهم بدات اسولف نعاها وكذا وبعض اطباعها ما كانت تعجبني بس لانها اكبر مني احترمها المهم جا اخوه الصغير وخطب اخت سلفتي الكبيره يعني بنت خالي الثانيه وهم كلهم اخوات واختها اللي خطبها الصغير اكبر مني ب5 سنوات انا اصغر وحده فيهم تزوجت عمري 15 سنه المهم مالكم بالطويله تزوجت وانا كنت حامل فبنتي كان عمري 16 وقمت بزواجها وفيها حتى السنتيانه انا لبستها والله ي بنات وقت التصوير انا كنت معاها وازبط شعرها المهم هي ذي البنت من زمان احسها مو طبيعيه فيها شي تجاهي بس انا م افهم كنت تحبهم واسوي قروب انا وياهم ويطلعون منه كل مره المهم العروس تزوجت وسافرت مع زوجها امريكا وانا نقلت الرياض وكانت سلفتي الكبيره معاي بنفس الحي بس البيوت بعيده شوي سكنت عندها فبيتها لمدة شهر لين لقيت بيت ونقلنا وانا ساكنه عندها كنت اخم البيت وانظفه واذا بنتي كسرت عليها سي اشتريت لها شي احسن من اللي قبل اغسل مواعينها وكنت احس هالشي من واجباتي بما اني ساكنه فبيتها يعني زي الاجره وكانت تدس عني العسل والله العظيم ي بنات والكورن فلكس عاد من حبي لهم م اكلهم الاثنين وكانت تسبني قدام زوجها تقول يع انتِ طويله مو حلو عظامك كبيره ووالله ي بنات مافي انحف مني فالعيله وعظامي هزيل وطولي 159 وهي 154 قمت ضحكت قلت لها البسي ساعتي شوفي تجي قدك ؟؟؟ لانها هب عريضه وقصيره والاحظها حتى بالمخطط تسبني بصوت عالي قدام زوجها وزوجب المهم طولت اعرف.. حملت الاخت اللي فامريكا فجاه جيب ابغى اسلم عليها واتطمن عليها لقيتها حاظرتني قمت مسكت جوال ماما ابغى اشوف اش سبب الحظر قلت يمكن حذفت رقمها كالعاده لا والله طلعت حاظرتني انا بس !!!! رحت قلت لاختها قلت والله كنت ابغى اسلم ع فلانه وارسلت لها طلعت حاظرتني ابداً م تفاجأت اختها ولا شي قالت ااه ودت جوالها عند محل تبغى تصلحه مع انو اش دخل الحظر وخراب جوالها ولي انا اللي حظرتني الوحيده ؟ فجاه القى الفجر رساله منها تسب فيها وتقول مين انتِ وشلك دخل فيني وش تبغين فيني انا ماني فاضيتلك عندي اشياء اكبر من اني اعلق معاك فمشاكل !! والله العظيم ي بنات واقسم بالله العظيم كذا كلامها قمت رديت عليها قلت الغلط عاللي يبغى يسال عنك وحظرتها ونسيت منها لمدة 9 شهور لانه كنت ادرس جامعه فنسيت منها تماماً المهم عرفت انها ولدت وعرفت انها غيرت رقمها رحت اخذت رقمها وباركت لها واقسم لكم ي بنات اني قلت لها اسفه تخيلوا ع ايش اتاسف بس قلت لها اسفه ي اختي ويلعن الشيطان بس واحنا اخوات واقارب قالت لا عادي الله يسامحك يعني سامحتني مدري ع ايش !!!!!!
المهم عدت الايام الاخت الكبيره حمل بعد انقطاع لمدة 9 سنوات وعلمتني اليوم وانا كان عندي موعد بكره حللت طلعت حامل معاها 😂😂 وهالشي سبب لها ازمه نفسيه كرهتني بعدها المهم حملي م كان تمام ويومياً دم رحنا الصيفيه فابها وانفتح رحمي 3 سم وانا بالشهر الثالث وقالوا لي الطفل بيطيح والله م حزنوا ولا شي احسم يتمنون لي الشر كذا شي غريب لكن ربي ثبته لي وطلعت بمثبتات يارب لك الحمد المهم كلنا السلفات والاخوات عايشين بفلة اهل زوجي وكل واحد له غرفه حات الاخت من امريكا وتجمعوا الاخوات قمت حضنتها بقوه وهي كانها ميته مدري كيف ي بنات اوصف لكم المهم مرت 3 ايام وبهالثالاثه ايام من غيرها تقول لي لا تنادين زوجك عاد دقي لا تنادين زوجك كذا عاد دقي والشبكة فبيت اهله مررره معدومه م اقدر اكلم اهلي الا اذا طلعت الحوش المهم كل مره تقول لعد تنادين وانا اقول لها مافي شبكة تقول خلاص مافي داعي تنادين المشكلة زوجي يعرف اني م ازين صوتي ولا انعمه لو نعمته بيدخل علي يكسر فمي .. اخر يوم قبل م تسافر جده عند اهلها لقيتني عند باب الفله انادي بنتي تلبس جزمتها لاننا طالعين .. والله العظيم ي بنات بدون مبالغه رمت فرشة الاسنان من يدها ولا غسلت فمها وطلعت عندي تقول اش عندك عند الباب ؟؟ قلت انادي بنتي تلبس جزمتها قالت قد قلتلك في شي اسمه حوال قلت لها الجوال مافيه شبكه ي بنت الحلال .قالت حتى ولو لعد تنادين قمت لا شعورياً صحت عليها باعلى صوت قلت اش يعنننييي ؟؟؟ باطلع ع زوجك وزوجي برا ؟؟؟؟؟ المشكلة ازواجنا كلهم اخوان وزوجها بذات كنا ننام ع فراش واحد مره كاننا اخوان .. زوجي يقول لما سمعت الصياح ع بالي الجيران لكن جاه اخوه ومسك يده قال ي فلان تكفى احنا اخوان ومالنا دخل فالحريم .. يعني زوجها كان عارف انا تكرهني وبتنفجر لكن انا الطيبه اللي احبهم وما اشتكي لزوجي لانه قلبي سليم والحمدلله المهم جات بعدها مسكت كرسي ولدها ورفعته علي تبغى تضربني فيه تخيلوا تضربني فيه وانا حامل ورحمي مفىح وكل يوم دم وتعب نفسي ياخي الله لا يسامحهم مريت فابشع سنه بحياتي اخر شي ناديت ع ام زوجي وجات مسكتها ولما حات مسكتها تخيلوا كسرت الفازات وصيحت وانهارت جا زوجي اخذني وطلعنا نتمشى بعد مرور اسبوع تجعت من جده هي واختها وقعدوا معانا بنفس البيت وزوجي سافر ع الرياض لمدة اسبوع وراجع كنت لوحدي م قدروا يقعدون فجده وازواجهم معاي بنفس البيت وانا كان ودي اروح عند اهلي بس كنت ممنوعه من الدرج واهلي شقتهم بالدور الرابع فصعبه علي اروح وكل يومين موعد يعني لازم اطلع من البيت .. رجعوا عندي وكانوا زي الحزب علي الكبيره والصغيره والله بنات وربي شاهد علي الساعه2 بالليل كنت اشم ريحة بخور وريحة قهوة ويتجمعون هم وازواجهم وانا لحالي بالغرفه والله م يكلموني ولا شي واذا دخلت المطبخ اسويلي فطور وهم فالمطبخ تقوم الصغيره تنادي الكبيره وتقول امشي نطلع يعني حركات مسلسلات 😳😳 المهم حرضوا اخواتهم وابهم وامهم وكلهم صاروا يكرهوني وبعدوا عني ولا عرفت اش قصدهم وليش هم سووا كذا كان فراسي علامة تعجب بسس وماني مصدقه وعاد ك اعطيتهم اهتمام زايد همي اللي فبطني وقبل ما تسافر ذيك ع امريكا تخيلوا م طاوعني قلبي انها تسافروما سلمت عليها قمت حضنتها عند الباب وودعتها اااااههه احس باهانه بس عند ربي م يضيع شي ..رجعت الرياض لقيت الكبيره رساله لامي رساله طووويييله كاته خلي بنتك تعتذر مني انا واختي ي عمه لانها قلت ادبها علينا وخربت سمعتي عند عماتي وعند زوجها !! قمت انفجرت وارسلت لها رساله كلها سب انقهرت ع ذيك الايام وهم يتحاشونب وانا مو عارفه السبب طيب تعالوا كلموني فهموني !!! ارسلت رساله خلاص ابغى اخربها معد ابغاهم تعبووووني يعني انا فهم كبير وهم يدورون تفاهات واشاعات يطلعونها ياخي انا اصغر منكم ولا فكرت بهالاشياء انتوا كبار كبروا عقولكم الملوثه ذي المهم سبيتهم وتكلمت فكل شي انهم يسبوني قدام ازواجهم وصبرت وسكت وكان في اشياء اكبر المفروض انا اسوي مشاكل عليها بس لاني طيبه وانسى سكتت المهم جاتني ولاده مبكره والحمدلله ع كل حال ولدته فالسادس وطلع عنده نزيف فالدماغ من الدرجه الثانيه والثالثه وكلها خطيره ممكن تسبب عمى او اعاقه عقليه او حركيه او وفاه وممكن استسقاء وعنده التهاب دم وعنده ثقب فالقلب وعنده جرثومه فعيونه وعنده فقر دم شديد وولدت كمان عمليه صعبه جداً وتعبت وتنومت 4 ايام ولا حتى زارتني الاخت ولا طبتها بعد م طلعت البيت قلبي معورني ع ولدي جاتني البيت يىم شفتها بكيت ابغى احضنها يعني الاظفير عمره م يطلع من اللحم والله ضميتها بقوووه وهي فالته يدينها وطلبت لها سمك لانها تحبه وهي حامل حامل بالسابع كانت كب شوي تمسك بطنها قدامي وتقول شوووفوا كيف بنتي تتحرك ووواااووو يعني كانه اول مره يتحرك ؟؟؟ م تحملت المنظر اللي هي تسويه قدامي لانه باين انها تقهرني ياخي المفروض تحترم مشاعري ولدي فالحضانه وانا بطني مقطع ع طول ناديت زوجي بصياح وبكت وجا شالني ع الغرفه لاني م اقدر امشي المهم بعدها بيومين ارسلت لها ع الواتس السلام عليكم ي فلانه والله اني احبك واللي بينا سوء تفاهم تعاليي عندي محتاجتك حياتي كانت صعبه ابكي ابكي ابكي ابكي بسسسسس تدرون اش ردت ؟؟؟. قالت لي شكلك نسيتي رسالتك ؟؟؟ وارسلت لي الرساله حقتي قمت قلت لها حسبي الله ونعم الوكيل انا همب ولدي الحين بعدين اتفاهم معاك وحظرتني الاخت المهم ولدت هي وولدي الحمدلله سليم 100٪ ولا تاثر فيه شعره كله بفضل الله ثم بفضل الصدقه والدعاء طلع ولدي بعد ولادتها بيوم اخذت ولدي وع طول رحت ازوها واشتريت لها هديه كبييييره ومكلفه سلمت عليها وطلعت وفتحت الحظر بعدها لما قرب العيد ولما جات اختها من امريكا رجعت تحظرني بدون سبب وتضاربوا معاي بالعيد وكلام وقرقر تخيلوا رحوا سووا كبده صباح العيد وانا طلعت مع زوجي اتمشى ع البحر ع بال م يجهز الفطور رجعت صليت ودخلت تلمطبخ اخذت مويه ورحت تجلس فجاه لقيت سلفتي الكبيره تصييييح تقول لي حسبي الله عليك الله يشلك !! قلت عمى اشفففيييه ؟؟؟ قالت كبيتي الملح ع الكبده !!! قلت والله مو انا وبكيت عند خالاتي وربي ي بنات مو انا اللي ياخذ من عندي اعز م املك مو انا واختها الصغيره داون الله يشفيها قالت انا حطيت الملح وطبخت قالت لاااا انتوا تحطونها فيها عشانها مريضه م تفهم !!! المهم ي بنات تعبونننننيييييي م اعرف ودي تفتوني طولت عليكم بالسالفه اعرف سامحوني بس فيني شي فقلبي ابغى اطلعه ابغاكم تعلموني اش هالسالفه الغريبه وش تتوقعون اشبهم علي ؟؟؟ وليش سووا كذا وليش هجموا علي هالهجوم البشع والله كل شي كتبته بصدق ولا نقصت ولا زودت شي 😭😭☝🏻