يابنات أنا أعالج في مجمع أرام بالرياض ركبت تقويم اسنان
وبعد سنتين تفاجأت ان دكتوري طلع من المجمع نهائيا
<< ما ندري انطرد أو اهو طلع من نفسه الله وحده اللي يدري
المهم تم حجز موعد لي من قبل المجمع عند دكتور آخر جديد على أرض الوطن دارس بألمانيا
<< وما أدري عن شطارته بهالتقويم
تشخيص الدكتور الجديد للحالة :-
لك سنين صغيرين في الفك العلوي بين الاسنان الأمامية والأنياب
ويقول أسنانك السفلية متقدمة مما أدى إلى أن تصطك بالأسنان العلوية
لذا ما عندك إلا طريقتين للعلاج :
الأولى :- برد الاسنان السفلية << أنا رفضت بحجة قابليتها للتسويس بسرعة .
الثانية :- تركيب تلبيسة على السنين الصغيرين في الأعلى ليكبر حجمهما
<< رفضت وقلت لا السنين سليمين وما فيهم أية مشكلة إلا صغر الحجم
وأنا عادي ماني متضجرة راضية بأسناني وأحجامها >>
من هنا ضاع الدكتور معي وقال فكري وكل مرة أفكر وارجع واصر على رفضي
أهو مل وأنا مصرة ع الرفض
ترك لي فرصة للتفكير الخميس المقبل
لكن أنا بصراحة محتارة بالحيل :
لأني ما أدري كيف بترجع أسناني السفلية بهالعلاجين
يعني وش اللي بيتغير عشان ترجع
الموضوع طول شوي والدكتور مل مني بالحيل من كثر ما ألغي هالمواعيد >>
من يرشدني الله يعطيه العافية .
ولا أخفيكم سرا :- أني أجريت تلبيسة في هذا المجمع " مجمع أرام "
وانكسرت و اندهش الدكتور من هالشئ
وقال غريبة قلت اجل لو انها في الأمامية وش كان بيصير .
<< صراحة الدكتور مستغرب وتفاجأ اكثر بعد ما درى أني سويتها في المجمع نفسه
قال بصراحة ما أقدر أجزم لك أنها ما تخرب هنا زاد اصراري على الرفض >>
عندي موعد الخميس الجاي 13/6 الله يعين ردو علي وش السوات
أبي تجاربكم مع البرد و التلبيسات
س/ هل تتكسر التلبيسات مع الأكل كتفاح أو غيره
خصوصا أنها ستكون لسنين أمامين بجانب الانياب ؟
س/هل تسود اللثة بسبب هالتلبيسات ؟
س/ وهل فعلا صحيح أن السنين فقط يلبسان من بين الاسنان الأمامية جميعها
أقصد هما البارزين من بين الاسنان الأمامية بلمعتهم
من وين يطلع الجمال عشان يقول تجميلية
وبخصوص البرد للأسنان السفلية من الأمام :-
س/ هل هو بالفعل يسوس الاسنان ؟
س/ لو كنتم في مكاني وش اللي بتختارون هل التلبيسة أو البرد ؟
ومن مشكلتها مثل مشكلتي تسردها الله يوفقها ولها مني الدعاء بظهر الغيب
انتظركم لا حرمكم ربي الأجر
إيجابية بأخلاقي @aygaby_bakhlaky
عضوة جديدة
يلزم عليك تسجيل الدخول أولًا لكتابة تعليق.
انا مسويه تلبيسه في الناب الامامي بس مااعرف عن المركز الي انتي بتسوينه
لاماتنكسر مع التفاح بس انا احاول عند الاكل مااتكي عليها لاني اخاف يصير فيها شئ
وبتلقين اللون يختلف ترى عن الاسنان الباقية لانه تلبيسه سبحان الله غير الطبيعي مع انهم يقدرون يجيبون شئ شبيه بلونه
البرد ماعندي خبره عنه
الله يعينك
لاماتنكسر مع التفاح بس انا احاول عند الاكل مااتكي عليها لاني اخاف يصير فيها شئ
وبتلقين اللون يختلف ترى عن الاسنان الباقية لانه تلبيسه سبحان الله غير الطبيعي مع انهم يقدرون يجيبون شئ شبيه بلونه
البرد ماعندي خبره عنه
الله يعينك
الصفحة الأخيرة
ولكن اسأل ربي أن ييسر لك الخيرة ,, ويبعد عنك الحيرة
ويارب يجون اخوات عندهم علم بالموضوع ويساعدونك
وبالتوفيق يارب