بنات ساعدوني قولوا لي ايش الحل بهالمصيبة

السلام عليكم
بنات انا اعاني من مشكله تأزمت معي حيل الفترة الأخيرة
انا خلال الثلاث سنوات الماضية تعرضت لضغوط كبيره جدا ومازلت اعاني منها
المهم الفترة الأخيرة صرت عصبية بشكل لا يحتمل وانفعل على اتفه سبب 
من عصبيتي صرت اغلط على الناس بلساني ولااعبر احد 
قبل شوي غلطت على معلمتي ماسبيتها لكن تكلمت معها بانفعال شديد والحين هي زعلت ومو راضية ترد علي بالرغم من اعتذاري
انا اعترف اني اغلط ومااحس بغلطي الا بعد فوات الاوان 
وش الحل مع هالحالة والله قاعده ادعي على نفسي بالموت لاني ماكنت كذا كنت مسالمة ولا اؤذي الناس بلساني 
والمشكلة صار الاستفزاز بسهولة احد يستفزني واثور مثل المجنونة 
شوفوا لي حل يابنات 
وكيف اعتذر لمعلمتي وهل أراضيها بهدية