بنات ساعدوني كيف اتصرف مع ادارة مدرسة بنتي

بنات حوا السلام عليكم عساكم بالف خير سامحوني كترت مشاكلي وطفشتكم بس والله من جد استشيركم عشان انا اقتنع بارائكم المشكله باختصار تخص بنتي رنيم وهي في تمهيدي في اكبر مدرسه اهليه في بريده بدون ذكر اسماء والمصيبه الكبرى انها على مستوى المملكه المهم اني انصدمت من نظام المدرسه اقصد انها اصلا مافيها نظام اول اسبوع في الدراسه كنت متابعه وعجبني جدا الوضع يعني قالولي ماعليك اختاري الفصل التبغيه ونحط بنتك فيه وكمان المدرسه وساوا كدا مع كل اولياء الامور وكانو يلاعبوهم ويعلموهم ادعيه ويساولهم برامج ترفيه يعني مسابقات تلوين صلصال ولا النظافه ياسلام عالكانو يساووه الطفل ماياكل غير لما يغسل يده ولا يطلع مع ولي امر غير لما يغسل يده وانا كمان اخلي مع بنتي على طول جيل معقم كانت المدرسه دائا تذكرها وتقولها خرجي الجبل حقك ومسحي يدك لكن فجاة يابنات اتغير الوضع لا في غسيل يد ولا اهتمام بنظافة الطفل ولا حتى فطوره يعني اتخيلو البنت كل يوم والتاني تيجي فطورها ماخلص تقول لي ياماما واحنا ناكل المدرسه تقول خلاص كفايه هيا نطلع على الفصل طيب يابنت الحلال والاطفال اللى لا حول لهم ولا قوه رحت كلمتها ونبهتها لهدي النقطه قالت طيب ماعليك واتعدل الوضع كم يوم ورجعت ريما لعادتها القديمه وتاني شي خلاااص مافي برامج ترفيه ولا شي اكتشفت ان نظامهم اليومي يروحو الصباح الساعه 7/15 يجلسوهم كللللللللللللللللهم يعني حوالي 70 او 80 طفل في غرفه اسمها غرفه المشاهدة هي فيها تلفزيون بس للاسف ماهي اسم على مسمى لانهم مايشاهدوا فيها شي ماعمري رحت وحصلت فيلم كرتون ولا حتى اناشيد ولااااااااااا اي شي على طول مقفل المهم يجلسوا في الغرفه الين الساعه 7/30 يطلعو على فصولهم يدرسوا الين 9 وبعدين فسحه المفروض انها نص ساعه بس الله اعلم هم ياخدوا قد ايش المهم يرجعوا من الفسحه يدرسوا الين 10 ونص او11 وهنا يبدا العذاب اتخيلو يابنات يرجعو يحطوهم كللللللللللهم في الغرفه مره ثانيه وحضرة المدرسه تحط الكرسي على باب الغرفه في الهواء الطلق وهاتك ياكلام وضحك مع زميلاتها طبعا ماتقدر تجلس جوا الغرفه لانه العدد كبير وطفش وكتمه وريحه وقرف وهدي عاد انا شوفتها بعيني والله على مااقول شهيد اتخيلو مايهون عليها حتى تفتح المكيف المهم يستمر الوضع على حاله اقل شي ساعه ونص لان اغلب الاباء ياخدوا اولادهم على صلاة الظهر او بعد الصلاه بحكم العمل انا صراحة ماسكتت خصوصا ان بنتي ضاق صدرها وكرهت المدرسه تقول لي ياماما اطفش مانساوي شي غير نجلس في الغرفه المهم انا رحت معاها من اسبوع واتكلمت مع الدرسات لاني ماحصلت المديره هي ماشاء الله على طول غايبه والله يابنات اول مره اشوفها من اول السنه كانت يوم الاربعاء الماضي المهم انه اخر شي بعد كلاااام كثير قالو لي خلاص لماتحب تطلع نطلعها تلعب طبعا الطامه الكبرى انا ماقولت لكم عليها ان عندهم حديقه كبيره وواسعه مره ومليانه العاب من كل شكل ونوع المهم صار لنا كم يوم اسال البنت تقول طلعوني بس يابنات موعاجبني الوضع تقول يقولولها اجلسي على الدرج الين ندخل اصحاب الغرفه وبعدين روحي العبي عشان لايشوفوك ويقولو نبغى نطلع بالله فين ضميرهموكمان البنت تقول لي انا اجلس لحالي في الحديقه والالعاب وانا صراحة خايفه عليها يابنات طيب دلوني ايش اساوي يعني انا لما اتكلمت ماكنت ابغى اظلم احد ولا افضل بنتي بوضع معين يعني هم مو هاين عليهم يساو نظام لدي المدرسه بالله ايش اساوي كيف اتصرف انتم قولوا