للاسف تغذيتك انتي لهم خطأ
الصغيره اللي ماكلمت سنتين لها حليب خاص فيها ورضعتين باليوم
والكبيره خلاص المفروض انك فطمتيها تشرب الحليب العادي
وعصيرات كلها سكر طبعا ممنوع
اعصري لهم طبيعي افضل وارخص والفايده اكبر واعطيهم سناك بين الوجبات خفيف فواكه خضار يسد الجوع
وقولي لهم يع او شميها قولي فوت وع مو زين كخه واذا مسكوها وذاقوها بيتركونها من نفسهم وخليها
وبدليها بحليب لهم مراعي او جيبي لهم اكواب فيها رسومات وحطي لهم فيها حليب
واذا يحبون العصير عادي خلي زوجك يجيب كرتون فاكهة برتقال وانتي اخلطي بالخلاط الكبير حطي برتقالتين مع حبة تفاحه واذا تبين حبة موزه بدون سكر ولا شيء على علبتين مويه او علبه ونص وخليه يخلط زين
وحطي لهم بالاكواب مع مصاص وخليهم يشربون شوي والباقي خبيه لهم بكرا حطيه بالثلاجه واذا جاء اليوم الثاني دفيه
وغيري كل يوم نوع جديد عصير / سوي موز وحليب بدون سكر واعطيهم وهكذا
احسن من الصناعي اللي كله سكر ومرض
وغير كذا اكليهم وشربيهم واذا حاء وقت النوم جهزي الحليب المصاص ومويه وشربي هذي وهذي واعطيهم بعدها مويه ورقديهم / بيتعبونك اكيد بس استمري اسبوع اسبوعين والله ماعاد بيطلبون رضاعه وبترتاحين انتي
اهم شيء كل ماطلبوها تكونين حاطه فيها زي ماقلت وبتشوفين ردة فعله