بنات ساعدوني ما اعرف ايش اسوي

اسمعو بنات بدت قصتي من وانا عمري ١٠ سنوات عمتي مطلقه وعندها بنت و ولد طبعا أنا اكبر من البنت ب سنه و الولد اكبر مني ب شهر طبعا عمتي تزوجت وعاشت حياتها وعادي يجون عندنا كل اجازه المهم السالفه بدت ب عمتي الي بنفس عمري كنت امشي معها بل السطح وانا مطفوقه احب الرايح والجاي طبعا عمتي ب نفس عمري قالت لي وش رايك ب فلان تقصد ولد عمتي قلت عادي ليه قالت بل الله مو حلو وقامت تمدح فيه هنا أنا ما أدري أنا اعرف اني مطفوقه وأحب الرايح والجاي قمت حبيته من كلامها وكنت اسوي حركات غبيه الي أغطي وجهي كاني مستحيه لما يجي واضحك ب خبال كنت ورعه عاد اعذروني حتى الكل لاحض من حركاتي الغبيه ويضحكون علي طبعا هو عليه قل صح عليه حركات خبله يعني ويدندن ويناظر النجوم ويغني وكأنو يطقطقون عليه وانا ولا همني ميته ب دباديبو المهم قعدنا قعدت بنات أنا وعمتي وبنت عمتي اخته وكل وحده تقول من تحب معليش والله كانت قعدة بزران قسم المهم والله وعمتي تقول تحب ولد خالتها وانا اقول لهم اني احب ولد عمتي وأخته تقول تحب ولد عمها المهم ونقعد سوالف وضحك وطول الاجازه وانا اتأمل ب ولد عمتي و احاول اسولف معه وما كان يعطيني وجه المهم وتخلص الاجازه وهم يروجعون ل أبوهم وحنا رجعنا المدينه الي كنا نعيش فيها وتمر السنين وماكانو يجون لين مرت اربع سنوات هنا أنا كبرت وبدت تبرز ملامحي وانا صراحه جميله عيوني وساع وشعري وقتها طويل امي الله يحفظها ما كانت ترضى أقصه وكثيف المهم نرجع ل سالفتنا إلا وأخته تدق علي وتقول ترانا جاين قلت لها حياكم وسالتها كم بيقعدون عندنا قالت الاجازه كلها ثم سولفنا شوي وقفلنا طبعا أنا أتذكر حركاته وما صرت اهتم ولا احبه لان صراحه هو شين مره وانا كنت حابه اني ما اعطيه وجه زي اول وألحقه وين ما راح وبعدها ثاني يوم مشينا لل الديره والله و هناك تلاقينا أنا وبنت عمتي وعمتي وسلمنا على بعض ونسترجع ذكرياتنا القديمه ونضحك عليها عموما ومشت ذيك اليله على خير المهم وتمر ايام الاجازه وطول الوقت عمتي وأخته كأنو يلاحضون نضراته لي وانا ما كنت أعطي الموضوع اي اهميه لين جت اخته وارسلت لي ان في شي تبي تقوله ليه وكانت تضحك بل فويس نوت وقلت لها ايش فيه قالت نروح بيت عماني واقول لك قلت لها طيب طبعا أنا كنت طول الاجازه ما اعطيه وجه وكانت تصير بيننا eye contact وكنت انخرش بس امشي اليله وما أناظره واتاجاهله قد ما اقدر لان صراحه نظراته تخوف مره المهم رحنا بيت عمامي وشفتها وشفت عمتي وقالت لنا اخته ان اخوها يحبني هنا أنا حسيت في شي تحرك داخلي كان مشاعر قديمه رجعت رحت رديت عليها حبه برص لاني اعرف بيمسكونها علي لو قلت اني احبه بعد زي ما مسكوها علي اول وقعدو هم يسون حركات ويدفوني عليه ويضحكون وهو بس ساكت ما يقول شي بس يناظرني وانا صراحه كنت اخاف من نظراته وانخرش عموما مره من المرات كان المطبخ حق بيتنا الي بل الديره يبي له تصليح شي بل مواسير خربان ما أتذكر بس اللهم كسرو البلاط ولا نقدر نطبخ ونسوي اكل ف رحنا بيت عمامي كم يوم لين يخلصون التصليح ف وانا نازله من السياره والله ما انسي ذيك الحضه هو كان جالس على الباب ووقف يناضرني ويبتسم وانا ناظرته وشمقت ودخلت البيت ومن بعدها صار يحاول يسولف علي وانا أتجاهله لين خلصت الاجازه وهم راحو واحنا رجعنا لل مدينه الي ساكنين فيها ومره من المرات كنت قاعده اسولف مع اخته وتسولف علي انه مزعلها وقتها أنا كنت قريبه منها مره وقلت لها خن نسوي اكاونت ونسبه فيه والله و سوينا وسبيته سبات تضحك يا القرد الاعور ليه تزعل خويك طبعا أنا بينت بل الحساب الي سويته اني ولد واني اسبه عشين خويه زعلان منه وانا وهي كنا مو صاحيات أبدا ف هو رد علي وقال ليه ليه أنا وش مسوي عشين تسبني ويضحك ورحت أنا قلت اسمه الربواعي كامل مع القبيله والفخذ هنا هو انخرش وانا عددت عدد خواته واخوانه من أبوه وأمه وعطيته عنوان بيتهم طبعا اخته تعيش مع جدتها وهو يعيش مع عمه المهم هنا قال من انت و وش تبي مني وكيف عرفت اسمي الرباعي رحت أنا قلت اقسم بل الله انك ما تستحي وليه تزعل خويك ومعلوماتك ذي اخذتها من ولد عمك طبعا قلت اسم ولد عمه الي هو عايش معهم المهم هو حشرني بل كلام طبعا وقتها هو كان عند اخته وضرب ولد عمه الي أنا قلت اسمه رحت أرسلت قلت له ليه ضربت ولد عمك تراه مو أنا وحطيت الفيس الي يضحك طبعا الكل يدري اني قريبه من اخته وكل عماهم يعرفوني حتى جدتها تكلمني يعني لهل الدرجه كنت قريبه منها المهم راح قال ايوه عرفت من انتي يوم قال كذا أنا قلبي طاح ب سروالي وقلت أنا وش دخلني من البدايه رحت على الطول كتبت أنا فلان عطيته اسم من راسي قال من فلان قلت خويك معك بل مدرسه واخذت اسمك الرباعي من الكشف و اما معلومات اهلك هاذي عرفتها من ولد عمك وهنا قام يضحك وقال اجل من الي زعلان مني قلت له والله يا فلان ما اقدر اقول ولو تبي الصدق حنا شله عيال عددنا ٥ وكنا مطقطقه عليك قال من انتو وقام يضحك قلت حنا معك ب نفس المدرسه اما اي صف ما اقدر اسف وبلكت لاني خفت صراحه لاني بودي نفسي ورا الشمس المهم بعد فتره كذا قلت كل شي ل عمتي الي ب كبري وهنا قالت لي هبله انتي ليه سويتي كذا قلت لها والله كنت سهرانه وما ادري وين مخي كان وبعدها اخته معد صارت تكلمني كثير لأنه هو اتهمها انها تكلم وراح عمه خلاه يعض الارض على كلامه على اخته وأمهم درت ب سالفته هو وش قال عن اخته وهاوشتها ان لا تكلمني آخر اليل لان ممكن يشكون بها مع اني أنا بنت عمها وما فيها شي عادي المهم وتمر الأيام وتجي فكره غبيه ل راس عمتي الي ب كبري وتقول هم نخرفنه طبعا مو أنا الي كلمته لان مو محرم لي وهي عادي وكنا نبي نضيع وقت طبعا أخذنا صور بنت أجنبيه بس كانّها عربيه صاروخ البنت ارض جو جميلة جدا المهم وتروح وتكلمه وهو قال لها من انتي وكيف عرفتي حسابي وحنا اخترنا اسم للبنت وكان اسم البنت الخياليه مريم وقلنا ان حنا كنا نشوفه يوم يطلع من المدرسه وانا حلو وهو اقبح منه ما قد شفت المهم راح قال وش يضمني انك بنت حنا رحنا ونزلنا صورت الاجنبيه بس تجنن راح قال الي بل الستوري انتي رحنا ردينا ايه طبعا الي ترسل له عمتي مو أنا راح قام يدلعها و يقول مريومه وسالها لو عندها سناب طبعا حنا هنا قلنا لا والف لا لازم نبلك خلاص ضحكنا راحت ردت عليه وقالت لا سنابي برافيت وما أضيف إلا صحباتي راح هو معد رد وزعل انها ما عطته سنابها وبنفس اليوم بل اليل جتني حاله غريبه قمت ابكي قهر انه ما يحبني اقسم ب الله اني ما اني صاحيه واليوم الثاني أرسلت لي انه قال أنا ببلك علاقه حرام كل ذا عشان ما عطته سنابها هو حرفيا مستشرف المهم بلكنا وانا كرهته كره فضيع وقلت ل عمتي اني بكيت وهي انصدمت عبالها اني تخطيت وقامت قالت تبكين على ذا وارسلت صورته أنا هنا يوم شفته حسيت ب قرف انه جدا قبيح ما يستاهل دموعي أبدا طبعا اخته كانت تشبكنا وانا كنت أهاوشها واقول ترا أنا ما احبه ولو قلتي كذا مره ثانيه بزعل منك ومرات تدق بل كلام تقول انها حلمت ان اخوها تزوج حماره وهي كذابه ما حلمت ولا شي بس دق من ورا التريلات ولا والمره الثانيه قامت تقول حلمت انها أرسلت لي حرفه وانا رديت عليها وقلت بنت ولا ولد قالت ولد وبلكتها وراسله لي انه ليه بلكتيني قلت لها اول شي ليه تكذبين انتي ما حلمتي وثاني شي واضح قصدك وتراني تخطيت من سن جدي لا تجيبين طاريه عندي راحت قالت كنت امزح معك يعني واضح قاصدتها وانا صراحه وبديت ألاحظ حركات الغيره عليها وش ما اسوي تنقد عليه وتروح تسويه حرفيا شوي لو تقولون ابعدي عنها ما اقدر لأنها بنت عمتي اولا وثانيا لاني طلعتها من حاله اكتئاب وكانت تسوي سليف هارم وكنت أساعدها تتخطى هاذي المرحلة لين تخطتها وانا اعتبرها اختي الصغيره بس هي ما تصدق على الله اسوي شي تقوم تحاول تبين انها احسن مني وانا اقوم استغرب الي ايش فيها ذي حتى مرات اقول لها سالفه عاديه كمثال اني نحفت كم كيلو وصار وزني بل خمسينات تروح تقول عادي أنا وزني بل أربعينات ولما اقول كرموني واكون مستأنسه تقول طيب وش اسوي لك المفروض ما تفرحين لأنها بس ورقه يوم قالت زي كذا رحت على طول طلعت من المحادثة ومعد رديت عليها لين مره قالت لي ترا الاجازه ذي بنجي عندكم الي هي هاذي الاجازه قلت لها طيب طبعا هم ما جونا صار لهم ثلالث سنين قالت لي ترا بتغطى من اخوك تقصد اخوي الي عمره ٩ سنوات قلت لها كيفك مع اني اشوفه لسا صغير عادي راحت قالت وانتي تغطي من اخوي تقصد اخوها رحت أنا ما رديت عليها أنا أصلا ما أتغطى بس حجاب ما البس نقاب بس هي تلبس نقاب ومناشبتي اني أتغطى عن اخوها وهاذي الفتره صرت ما ارد عليها كثير وصرت احاول قد ما اقدر اني اخلي علاقتي فيها رسميه جدا انصحوني وش اسوي لو جو عندنا وكيف أتعامل معها