بنات ساعدوني مرت اخوي اللي ما تستحي على وجهها طقتني وامي واقفه معاها ساعدوني

بنات طلبتكم بردودكم انا مالي الا الله ثم انتم تساعدوني وش اسوي
بنات تخيلو بقول لكم السالفه والله جد شي يقهر
ذاك اليوم كان عندي زوجي جايني على غداء طبعا" توني عند اهلي لان ملكه والزواج بعد كم شهر وجيت الصاله اخذ من عند امي رقم المطعم عشان نطلب
ومرت اخوي كانت ناويه في ذاك اليوم تطبخ وسمعتني وانا اقول لامي ابي رقم المطعم بطلب من برع في احد من خواتي يبيني اطلب له قالت امي لا
وتوني رايحه المجلس الا تنادي وتقول هي انتي ابي اتكلم معاج من غير ادب قلت لها انا نعم خير وتقوم وتقول لي سكت لج بما فيه الكفايه وتمد يدها علي وتزنطني بالشيله واقول لها بموت تقول احسن موتي افتك منج وتجي امي وابوي يبعدونها عني والله يا بنات ارقبتي صار لها خط احمر وانجرحت من الوسط من الشيله وقامت تعورني ارقبتي وعلى طول امي قلبها قام يعورها واقوم انا واقول لها ياللي ما تستحين والله يا بنات انقهرت وبعدها راحت عند اهلها اسبوع
واخوي يقول لي ادري انها غلطانه بس خلاص ما لج شغل فيها ولا اتواجهينها تبين تخربين بيتي
قلت له انا اخرب بيتك من اللي بدأ
وبنات تدرون شنو السبب تقول ان انا اعلي صوتي على ريلها اللي هو اخوي وانا ما اعلي صوتي بس اتكلم معاه لمن يغلط تخيلو يجيب طاري زوجي ويتحرش فيني طبعا" ما راح اسكت له وارد ادافع عن زوجي محد بيرضى صح والا لا والسبب الثاني ان اهاوش بنتها لانها شيطانه ما اهاوشها الا اذا سوت شي غلط والبزر يهاوشونا اذا غلط ومدت يدها علي تقول ليه ماتبي من اكلي عشان انا بطبخ بتطلب من برع ليه اكلي في شي تخيلوووووووو
عقلها صغير ولا تقولون صغيره عمرها 27 سنه الحمدلله والشكر
والله يا بنات منقهره وامي تقول لي خلاص لا تكلمينها انتي تدورين المشاكل بنات امانه لو اي وحده فيكم بمكاني بتسكت مستحيل احس اهانه بحقي سكت لها هي الغلطانه وتبيني اسكت ما يبوني اواجها حسبي الله ونعم الوكيل من هي عشان تمد يدها
واللي قاهرني امي معاها ويوم قلت بكلمها قالت لي لا بس عشان خاطر اخوي وانا بنتها مالي خاطر
تخيلو اليوم قلت لاخوي
عشان كلمت اخوي قلت له بتواجهه معاها قالي تدورين المشاكل وامي قامت تغلط على زوجي بس تبي تقهرني عشان قلت حق اخوي بكلمها وزوجي والله ما يقصر مع امي وامي دايم تغلط عليه مع ان هو ماله ذنب بالموضوع بس عشان كلمت اخوي تبي تقهرني تكلمت عن زوجي
بنات والله مقهوره مع ان زوجي كلم اخوي عالموضوع بس بأسلوب وذوق ومع هذا ما احترمونا
والله بنات مقهوره امانه لو ما اعتبركم مثل خواتي ما قلت لكم ابي ردودكم
يا بناااااااااااات لي حق والا لا
ولو وحده فيكم بمكاني شتسوي