بنات ساعدوني من ولدت قيصري في مستشفى الملك فيصل التخصصي بالرياض

امس الربعاءكان عندي موعد مع دكتورتي مها النمر الي في التخصصي قالت لي البيبي وزنه كبير وانتي توك في الاسبوع 38 للافضل تقرري تسوي قيصري عشان سلامة المولود مايتعرض لاختناق وسلامة الام. زوجي اييدها وقال لي جسمك ما يتحمل الافضل لك قيصري المشكلة ماعندي علم وش اسوي وهل اطلب تخدير نصفي اوكلي وهل العملية تالم اكثر من الطبيعي ؟والله ضايق صدري من التفكبر وكثر الهواجيس لاني باتنفس في بيتي وشايلة هم العملية وشغالتي لسه ماجت تجمعت علي من كل جهه تكفون ادعوا لي ان الله ييسر امر عمليتي قرروها 2مايو،،،، واسئلتي للي سووا قيصري في التخصصي كم جلسوا من يوم بعد العملية اذا كان التخدير كلي او نصفي ؟وعشان احمي نفسي من الشمم باذن الله وش اسوي؟والجرح وش احط عليه عشان يلتأم بسرعة ؟والي ولدت ولد قيصري متى افضل يوم اطهره فيه،، يعني الطهارة تبغى الام نشيطة شوي عشان توالي ولدها لان ماراح يكون عندي احد في النفاس؟وسمعت عن كورسية القيصرية متى البسه من وين اشتريه؟وهل اليوم الاول من العمليه الوحدة ماتأكل شي ابدالى ان تتم 24ساعة لان اختي ناويه تجيب لي مشروب عشبة الحزا الي يخفف من المغص ؟ وهل فيه اعشاب ممنوعة منها الي والدة قيصري ولا تستخدم الاعشاب كأنها والدة طبيعي؟الله يسعد الي ترد علي والله ادعي لها من كل قلبي 