خليه يتزوج على الأقل ترتاحي من الضرب والاهانه ايش معك منه لا حقوق زوجيه ولا إحترام ولا حب 
وانتي عيشي لولدك وهو ملزم يصرف عليكم 

لا حول ولا قوة إلاّ بالله العلي العظيم ..
المشكلة مو في زوجك المشكلة فيك أنتِ .. أيه فيك أنتِ ..
الإسلام حد الحدود وأقام الشرائع وكفل لكل مسلم حقه .. وألزمه بواجبات ..
الإسلام ضمن للكل حق .. حتى الحيوان له حق ..
فما بالك بالمرأة فالإسلام حقق للمرأة كرامتها وحفظ لها حقوقها بل وميزها على الرجل وفضلها عليه في العديد من
الأمور والمسائل وأوجب العناية بها وأمر بالحفاظ عليها وساوى بينها وبين الرجل في الثواب والجزاء
فمن فرط في حقه فلا يلومنَّ إلا نفسه ..
الحل بيدك أنتِ ..
ارفضي واقعك اللي استسلمتي له .. وخذي موقف حازم وقوي .. وواجهي الصعوبات ..
مو المشكلة في أنه ما يضحك ويمزح .. شيء راجع له ..
ولكن أنه يضربك وتسامحيه هذا راجع لك أنتِ ..
ويقذفك بالكلام وترضي .. وما يكون لك ردة فعل .. شيء عجيب ..
لو مكانك ما أمسح الرسالة وأرسليها لنفسك وخذي عنوان المرسل وتقدمي بشكوى لأن عقوبة القذف بحسب قانون
مكافحة جرائم المعلوماتية هي السجن لمدة لا تزيد على خمس سنوات وغرامة مالية لا تتجاوز ثلاثة ملايين ريال أو
بإحدى العقوبيتن، في حال ثبوت جريمة "القذف". الصادر بالمرسوم الملكي رقم م/ 17 وتاريخ 8/ 3/ 1428 بناءً
على قرار مجلس الوزراء رقم (79) وتاريخ 7/ 3/ 1428هـ،
ما عندك ثأر لنفسك .. ومع هذا كله خايفة لا يتزوج عليك .. لا إله إلا الله ..
لكل فعل ردة فعل .. حتى في الجمادات .. وأنتِ مع كل حاجة تعرضتي لها لم تحركي ساكنا ..
لا تعتمدي على أحد في أخذ حقك اعتمدي على الله وحده .. « وكفى بالله وليًّا وكفى بالله نصيرًا » .
لا ترضي بهذا الواقع المزري لأن بتفكيرك إنك ما راح تقدري تغيريه
ألجأي لله أولا ثم لأي شخص أقوى منك إذا ما حصلتي أحد يأخذ حقك .. روحي اشتكي منه لدى جهات وسلطة
مختصة اللي تنصفك وتأخذ حقك ، لأنك لن تستطيعي تقويم مستواه ولن يتوقف إلا أن يشاء الله رب العالمين ثم
وقوفك وصدك للظلم اللي يقع عليك منه ..
ومع هذا خايفة لا يتزوج عليك .. أهنيك على هذا الوفاء اللي مو في محله أبدا .. الأولى والأحق وقفة الوفاء تكون مع نفسك ..
فيه مثل يقول .. قالوا يافرعون من فرعنك ....قال مالقيت أحد يردني !!!
الله يسخر لك نفسك ويسدد خطاك ويكتب لك الخير في الدنيا والآخرة ...

صادقه ام الحلوه 
تستاهلين كل الي صار لك  وين اهلك عزوتك اخوك ابوك عمك اهل الزفت زوجك وينهم ليش السلبيه ذي ع بالك شطاره وعقل الا والله غباؤ وتخلف
انتي الي تبغي الاهانه لنفسك ومتلذذه فيها 
وبعد ذا كله تغارين عليه
ماتبغبه يتزوج ولايغازل
مالت عليه لو انا باافتك منه ومن وجهه ولابفكر اغار على هالاشكال الحقيره
وبشرشحه بكل مكان بفضحه عن كل الناس بقولهم يضربني 
وحارمني وذالني خليه يتفشل ويستحي على دمه
لكن هو ماحصل الا وحده ساكته مهما سوى بها ساكته عشان كدا تمادى 

مافي ممممسن الا ف الصين !!!؟ الدول الاخرى مافيها مسن

شوفي حبيبتي يهينك ويقذفك ويضربك ويخونك وساكته.. تبارك الله وش هالصبر.. صرتي بدون كرامه.. مايشوفك شي.. خلي عندك ذرة احترام لنفسك وروحي لاهلك .. ولاتقولين مالي ظهر.. ليش مالك اخوان اعمام خوال.. حبيبتي ماقصدي اجرح فيك لكن وضعك صعب.. نصيحه روحي لاهلك واستخيري وادعيله عسى الله يهديه وعسى الله يمحي بنات الحرام اللي ناشبو الحريم برجاجيلهم من على وجه الارض..

بالتوفيق ياقلبي..