بنات ساعدوني هل المشاكل الي بيننا سببها عين او حسد😔

السلام عليكم بنات
انا زوجي طيب ويحب عياله. في اشياء يسويها طبعا تنرفزني مثل كل حرمه تغار ع زوجها وتريد فلوس او مشاكل عاديه بسبب التقصير في الحياه اليوميه.. لكن يوم ويومين فالاسبوع يصير طيب وثلاث ايام يعصب وخاصه اذا مفلس! طيب ليش يعصب علي شو المطلوب فلوس مني؟! وهو ما يعطيني حتى مصروف ولا اي شي والاكل فبيت اهله ع حسب ذوقهم واحيانا يعطونا قليل. وانا ما اقدر اطبخ فبيت اهله. المهم. لما يفلس توصل مشاكلنا لدرجه يريد يطلقني واحيانا يعق على كلام يجرح او يقول لي روحي بيت اهلج!! المهم انا اسكت واصبر عشان عيالي ويرجع بعد كم يوم يتحول لطيف ويشتري اغراض لعياله وعصير وحليب وهكذا. وبعد كم يوم يرجع لحالته😔وهكذا لمده كم سنه؟ شو حالته عين او طبيعي او حسد؟ وشو الحل ارجوكن قلبي يعورني واحس نفسي منهد حيلي وكرهت الحياه