بنات ساعدوني والله ابكي كل ليله

حبيبتي وش الخوف اللي فيك ريحي نفسك من التفكير بالولاده عشان تتسهل وتولدين بسرعه وشيلي هالافكار من راسك وكلام الحريم اللي ماله داعي الولاده الم كم ساعه وترتاحين بعده وبتنسين بعد الالم لما تشوفين طفلك بين ايدينك واتوكلي علي الله اولا واخيراا والله يقومنا بالسلامه يارب......

الله يتم حملك بخير وييسر ولادتك يارب
بالنسبه للولاده انا انصحك ماتفكري فيها كثير
وكل ماجاتك افكار عنها حاولي تشغلي نفسك باي شيء
لان التفكير بيتعبك
وكلي امرك لله
بالنسبه لالالم يختلف من وحده لثانيه يعني لاتاخذي كل الحالات انها نفس حالتك او اللي مر على غيرك بيمر عليك
انتي ادعي الله انه ييسرها لك ويقومك بالسلامه
وحتى لو كان فيها الم تاكدي انه بيكون كفاره لك
توكلي على الله
ولاتخافي

حبيبتي انتي..
ليه كل هالخوف
ترى صحيح الم وتعب واقوى شوي من الم الدوره بس ترى يمر بسرعه تنسين الألم لما تشوفين البيبي انتاجك الأول
لاتقعدين تفكرين بالولاده والتعب
فكري بالبيبي واغراضه وايش بتسوين وتفعلين وتجهزين
وخلي دااايم لسانك رطب بالدعاء وذكر الله والاستغفار
ترى ممكن تولدين في اي وقت ممكن اليوم بعد
خليكي ريلاكس وعادي
اعتبريها مثل الأبره يوم تاخذينها المها موجود موجود بس بسرعه يخلص وتنسينه
و بعدين وشدعوه تولدين بالسياره
اول ماتحسين بتعب روحي المستشفى انتي بكريه ماراح ينفتح عندك الرحم من اول شي..
الله يهون عليك وعلينا ويسهلك ولادتك يااارب

يا حبيبتي هونيها وبتهون انشالله

صدقيني الولادة احلى متعه في الحياه صج انج تتألمين وقتها بس والله من اول ماينزل الياهل انج تنسين هالالم اللي مريتي فيه سبحان الله كانج مامريتي بولا شي وشوفة ولدج وقتها تسوى الدنيا باللي فيها

حبيبتي استمتعي بهالايام اللي انتي فيها لانج بنعمه مايحس فيها اللي اللي محروم منها


الله يهون عليج انشالله وتولدين وكلنا كنا نفسج وكانا ولدنا وايش حلاتنا وما نتأدب على هالالم ونرد نحمل ونربي مرة ثانيه ههههههههه



ونصيحتي لج اقري كل يوم قبل لا تنامين سورة مريم او في اي وقت فضيتي

والله انها شي عجيب حق تخفيف الم الولادة " اسألي مجرب " اللي اهو انا

ووقت الطلق عليج بالاذكار ولاتصارخين كل ما حسيتي بألم قولي يالله

واذكري الله واستغفري وقولي دوم اللهم لاسهل الا ما جعلته سهلا وانت تجعل الصعب ان شئت سهلا

والله يهون عليج انشالله

واذا بغيتي ايشي انا بالخدمه

لا تخافين ياقلبي الولاده مو مثل ماهي موصوفه لك


البكر كثير من الحريم يكون سهل يعني تنامين كثير اثناء الولاده يعني تغفين شوي وتصحين كذا الا ما تولدين

الله يقومك با السلامه