بنات ساعدوني والله اني ابكي على ولدي اخاف يصير طفل متوحد

السلام عليكم ورحمة الله وبركاته

مساكم الله بخير يارب وبعد الله عنكم كل سوء ومكروه يارب العالمين

حبيباتي الله يوفقكم يارب انا اكتب لكم هذا الموضوع وانا ابكي ودموعي تحرقني ماابي اكون قانطة من رحمة الله بس الطفل هذا علي غالي

ولد اختي اللي هو بنسبه لي ولدي

له اسبوع متغير ضيق صدري وصدر امه وابو وكل أهلي

صاير يدور بمكانه يوفق ويجلس يدور ويمشيء انادية مايعطين بال ماادري وشفيه
تنادية امه مايرد الا اذا مسكناه ولعبنا معه ينسى اللي كان يسويه ويلعب ويضحك معنا وتعرفون لعب البزراين كوار وضحك ويرجع زي حالته الأولى

ولد اختي عمره 4 سنين المشكله عندة تأخر بالكلام الكل قالنا عادي كل واحده تقول انا ولدي الين صار عمره 3 سنين ماتكلم بس الحمدلله يوم عدا الثلاث سنين تكلم وش زين كلامه الحمدلله

عدت الثلاث السنين ودخلنا الاربع ولا صار شيء كلامه تقل كلام طفل عمره سنه او سنه ونص يعني قليل ويعبر يقول اسمائنا يقول اللي يبي هو بس باقي الكلام زي الهنود خربيط

لكن يقول كلام مانبيه يقوله تقوله امه عيب خطأ يعني الكلمات اللي مو كويسه يسمعها من باقي الأطفال اللي اكبر منه ويشوف انها تزعج امه وتزعجنا يقولها ويرددها ولا يحط لها نغمه بعد من شدة القوة

ماشاء الله الولد ذكي ويفهم ويحب العاب البلايستيشن والعاب الجوال وحتى فيه بالنت موقع تعليم اللغه الانجليزية بسم الله عليه صار يعرف الحروف وينطقها معهم ويعرف الارقام الانجليزية ويقولها

الحمدلله يعرف نص الكلام مو زي باقي الاطفال اللي اصغره منه والله اقاربنا عندهم بزارين أعمارهم 3 سنوات كلامهم ماشاء الله تبارك الله بس وش فيه ولدنا

والحين يوم قطعوا ابوه وامه عنه البلايستيشن والجوال الولد تغير صاير يدور اذا مانتبه له احد واليوم زاد دورانه اخاااااااااااااااااااااااااف عليه يصيبه مرض التوحد

المشكله كله بسبب هالبلايستيشن من قطعناه عنه وهو الولد يسلهم (يعني يشرد شوي)
خايفه يصبح متواحد والله اني ابكي ابكي وش اسوي

انا خالته وهبلت باهلي كلهم ياررررررررررررررررررب يارررررررررررررررررررررررررب يروح عنه هالامر وايضحكون علي اهلي والله اتمنى اني اكون نكته ويتطنزون علي اهلي على اللي انا اسويه بس اشوفه طيب مافيه شيء


وديناه لحرمة تعالج طبيبة شعبيه قالت كله بسبب البلايستيشن اقطعوه عنه والجوالات لاتعطونه


طيب وبعدين اشوف اليوم يتقطع قلبي ودي اذبح نفسي ولا اشوفه كذا هذا ولدي وانا مجنونه مجنونه مالي عقل ياربيه

يارب برحمتك ارحمني ورحم امه وابوه

انا اقول كله بسبب ابوه من دخلت البرد وابوه مايطلعه برا البيت وجابله السوني عشان يلها فيه وامه جابت بنت بصيف وحنا ماتغيرنا معاملته معه ولا يذي اخته بس ابوه كان معودة يطلع ويدور فيه قبل لاتجي البنت يوم صار البرد مايطلعه ولا يمشيه زي اول

وش اسوي ياناس ساعدوني ولدي اللي هو ولد اختي والله كان ولد زين ولا فيه اي اشكاليه ويلعب مع باقي الاطفال وامس يوم وديناه للحرمة الطبيبة الشعبية كان فيه اطفال ويوم شافهم يلعبون بالتراب ركض وراهم وصار يلعب معهم

طيب الحمدلله حلو طيب وش اسوي ماابيه يصيبه التوحد

ساعدوني تكفون الله يجبر فيكم ويسعدكم بالدارين ويحفظ لكم أطفالكم من كل شر

وش اسوي وش اقول لامه وابوه

واللي ماتدري تكفون الله يخليييييييييييييييكم لو دعوه تكفون