بنات ساعدوني وانصحوووني ولدي الصغير حركته كثيره والنوووم ما ينامه

السلام عليكم ورحمه الله وبركاته

بصراحه انا لي فتره طووووويله ما حطيت لي موضوع بس امس طفح الكيل عندي

عندي طفل بسم الله عليه ما كمل سنه ،، كثير حركه .. حركاته اكبر من عمره والكل ينصدم منه ماشالله عليه ،، ولهالسبب بطلت اشارك بالتجمعات لاني ما اقدر اقول ايش يسوي واخاف عليه من العين ،، وصرت بس اقرااا :44: مع اني احس انه حركاته نقمه مو نعمه استغفر الله ولاااني مستانسه عليه ،، ابغاااه زي البقيه بس هو معيي الله يصلحه ..

الخلااااصه يا بنااات من كثر حركته انه يسوي كل شي سوااه بالنهار بنومه من صياح وكلااام وتصفيق ويقوووم كل نص ساااعه بدون مبالغه ،، لا ينومني زي العالم والناس ولا يخلي ابوه ينام والامر زاااد عن حده ..

ولدي لسا يرضع طبيعي مني والحين جالسه احاول اني ادخل له حليب صناعي لاني بفطمه عالسنه بس مو راضي يستطعم الحليب والحين نام من كثر البكاا وانا معانده ما بعطيه صدري وابغاه ياخذ الحليب من الرضاعه ،، لا رضع مني ولا رضع حليب صناعي ،،
ودي افطمه بالتدريج مو كذا فجاه لاني بالعاده افطم فجاه بس بعمر اكبر ،،

وفوق كذا لما ينام ينام جنبي ،، لاني تعبت وانا كل شوي اقوم واشيله من سريره بالليل وارضعه وارجع انومه وما ينام يتنرفز من سريره ويصير يبكي ومن ينحط بسريري حتى لو انا مو نايمه عليه ينام بسرعه ،، وحده من الخوات نصحتني اني اشيل جهه وحده من سور السرير والصقه بسريري ،، ينام بسريره ويجي ينام فوقي او جنبي او عالمخده او حتي ينط لين جنب ابوه وينااام ويعصب عليناااا ومبهدل الدنياااا ،، يكون شبعااان ورضعان ويبغى كل شوي يرضع ،، ويترك صدري ويجلس يصرخ ويصرخ ويصرخ ..

انا تعبااانه يا بنات ،، هل اذا فطمته وبدا يرضع من الرضاعه بيهدا وبينام اكثر ،، واذا رجعت السرير وسكرته وخليته ينطق يبكي ليين ينفجر بيتعود ينااام زي البني ادمين ،،

ناس تقولي يسنن ،، هو طلع سته اسنان والحين مافي شي لا منتفخ ولا حراره الحمدلله ،،

ساعدوني بناااات انا تعبااانه تعبااااانه معاه الله يصلحه ،،