بنات ساعدوووووني في تصميم صاله صغيره

أختي ،، الشرح مو واضح كثير
ليتك ترفقين صور للصاله مع المخطط لنتمكن من تخيلها أكثر

حبيبتي انا رسمت لج بالاوتوكاد مخططين واحد لونته والثاني ليحين مالونته دقايق واحمل الصور واحطهم لج

هذي اول واحد حبيبتي المشكله ان العرض صغير شوي فاحس ان بتتعبين في اختيار الاثاث لازم تختارين اثاث صغير شوي اوكي انا قسمت لج الصاله قسمين تفصل بينهم عتبات اذا كان مافي مجال تضيفين عتبات على صالتج مو مشكله تقدرين تستخدمين سيراميك لونين مختلفين عشان تعطين الاثر الي تبينه وفوق العتبات فيه جلسه صغيره وطاولة طعام
الرسمه الثانيه سويتها بكونتر حق الاكل احين باحملها وباحطها لج:)

سوري حبيبتي على التأخير بس رحت اصلي لان ماصدقت المدير طلع عشان اصلي في مكتبه لان ماعندنا مكان حق الصلاه في الدوام :( كلهم اجانب ومو مهتمين فينا
المهم حبيبتي هذي ثاني رسمه او بلان تقدرين تقسمين الصاله حق قسمين ب بارتشن وول او جدار وهذي سهل تطلبينه جدار مؤقت واتوقع مو وايد غالي يعني يفصل بين الجلسه وكونتر الاكل جدار فيه قوس يعني مفتوحين على بعض ولكن في نفس الوقت تحسين ان الصاله مقسوومه مدري اذا قدرت اوضح لج
وسامحيني على القصور تره انا قاعده ارسملج بالدوام وانا مهندسه معماريه يعني تخصصي اكثر شي في الخرايط والواجهات اكثر من التصميم الداخلي بس حبيت احط لج دزاين حق الصاله
المشكله انا مافهمت وين الابواب بالضبط بس اذا قدرتي تقولين لي باسويلج دزاين ثاني

ووو بس :26:

لوز و كنار حبيبتي والله تسلمين على الافكار الحلوه عجبني التصميم الاول و ان شاءلله بحاول انفذه في المساحه الي متوفره عندي
بس لو تشوفين في التصميم الاول عند وين اتني حاطه المكتبه هناك باب الصاله فا ما يصلح احط مكتبة تلفيزيون هناك و عند وين اتني حاطه شجره صغيره على السراميك البني هناك يوجد باب لدخول غرفة النوم

بس التصاميم حلوه الغاليه و بحاول اصمم التصميم الاولى و انشاءلله بعد ما تخلص بنزل لكم الصور لان يبيلها فتره شرين تقريبا لما اجهزها
و السموحه