بنات ساعوني احس فيني حاله نفسيه

بنات ارجوكم اسمعوني انا حابه افضفض لاحد انا اول ماتزوجت عشت بعيد عن اهلي وكنت حاسه بالغربه وزوجي حنون وطيب ويحبني بس العيب فيه انه دائما يحب ينرفزني لدرجه اجلس اصيح عنده ثم يقول انا امزح معك حاولت اتاقلم على الوضع لكن مو معقول دايم يمزح معي لو مزحه مايجرحني كان عادي اصبر واقول طبعه. لكن مزحه يجرح كرامتي. انا انسانه نظيفه ومرتبه ولله الحمد احول دايم اسعده بلبسي وبطبخي لدرجة اني اشتري ملابسي الخاصه وملابس النوم اذا رحت لاهلي حتى اذا لبستهم عنده افاجئه واحب كل يوم اغير له في الاكل وهو ياكل مبسوط ومع هذا مو مبين في عينه اذا حب ينرفزني ينقدني في طباخي وفي شغلي مع انه يدري اني راعية شغل وترتيب.
ويشوفني دايم احاول اسوي اشياء في بيتي تضهر جماله.
مو بس النرفزه اللي اشتكي منها عصبي يعصب على اتفه الاسباب اذا فقد شي يبغاه ومالقاه قام يصارخ علي ويتهمني بالفوضويه مثال يابنات مره فقد مقص الاظافر وهو موجود عنده لاكن مادوره زين قام يسالني عنه وهو في قمة الاستهزاء في مثل اللي يقول تعالي يالمرتبه جيبيه لدرجة انه اذا طلب مني اجيبله شي والله يابنات اني ادوره وانا في كامل توتري لو هو قدامي ماشفته مو خوف منه ماادري وش اللي يجيني صراحه هذي اعاني منها كثير .
ومره كنت اسمع شريط اناشيد ولما خلصت حطيت الريموت على الطاوله لما شافه رماه وضرب فيه الجدار قال هذا مو مكانه هنا حطيه جنب المسجل .مع انه ريموت يوضع دايم على الطاوله.
بنات والله تعبت احس حطم فيني كل شي زين بحياتي هذا اللي قلته غيض من فيض.
اعشق الطبخ واعشق الاعمال الفنيه لكن ماالقى اللي يشجعني بالعكس دايم يحطمني ويقول ماعمرك صلحتي اكلات حلوه مع ان كل اكله اصلحها اصورها بالجوال ويشهدوا علي اهلي وجيراني.
بنات شكلي ثقلت عليكم بس والله حبيت افضفضواللي عنده حلول تفيدنا الله يجزاها خير