سبحان الله وبحمده

أنا رأيي عكس البنات مع إحترامي الشديد لهن .. رأيي أنك تسوين نوعين حلى قهوة ولو حابة جيبيهم جاهز وطولي فترة القهوة هذا إذا كانوا معازيمك جيتهم بعد صلاة العشاء تطولين فترة القهوة وماتحطين شاهي وفطائر إذا خلصت فترة القهوة بعدها بشوي قدمي عصير ويكون العصير مدته قصيره بحيث يأتي العشاء بعد العصير على طول وعلى العشاء ممكن تحطين 3 أنواع صلطة عندك سلطة الرمان مره لذيذه بس يبي لها شغل من بدري وشلطة سيزر بما أنها أسهل السلطات وتبولة ترى طايحين فيها على العشاء مع كبة وملفوف محشي زي ورق العنب هو مع محاشي ممكن تطلبين المحاشي وطبعا رز ولحم طبق أساسي وجريش ومرقوق ...يكفي هذا ورتبي أكلك في صحون مرتبه وصفيهم بطريقة منسقة وحطي مشروبات غازية بس مهوب ببسي وسفن لا غيري خذي راوخ تفاح وعنب الجديد وخوخ مثلا وفيه شركات ثانيه تقدرين تأخذين منها إذا مالك رغبة في راوخ ..والحلى حق العشاء أنا أرى أنه ماله داعي ..وبعد العشاء قدمي الشاهي الأخضر والأحمر ونعناع وإذا برد زنجبيل . وبالعافيه
ملاحظة : أقترحت عليك ماتقدمين الشاهي ومعه فطائر بعد القهوة علشان مايشبعهم عن العشاء وينوكل عشاك ومايروح في الزباله ..

سوي بسبوسة الجالكسي وتشيز كيك مع القهوه وفطاير وبيتزا مع الشاهي والعشاء رز ولحم او عشاء من برى وسوي السلطه الخضرا المعتادة ومعها سلطه فتوش وسلظه زبادي وسنبوسه وورق عنب جاهز...وغازيات ومويه وفاكهه والحلا كريم كرامل ومعها نوع حلا ثاني ...وبس يارب تكون احلى عزيمه وربي يييسر اامرك ويحقق لك غاية مرادك

شوفي ياحلوه أنا اول ماجوني جبت حلا من برى صحن مشكل ومع الشاهي فصفص ابيض بس عشان العشااا طبعا كان الرز من براا وسويت سلطة الزبادي بالخيار ومتبل الكوسا والباذنجان والحمص وصينية السويتز بالخضر والمنتو الكذاب والبطاطس المدخن وورق العنب جاهز والحلا من النخبة حلا الرمان ومؤسس الشامواه وحلا ثالث من عندي وكللللها سويتها قبلها بيوم جهزتها الا سلطه اخر الليل اللي من بكره جيتهم واتمنى اكو وون افدتك

اذا كان العشاء من برا مفطح وهيك حطي جنبها سلطات سمبوسه وكبه وحلى عشاء
واذا كان م البيت سوي صواني صينية شاورما ومكرونه باشميل وخضار بالباشميل وايدامات
وسلطات وفطاير بالدجاج والجبنه وبيتزا هذا الي بالي الحين
وع القهوه سوي نوعين حلا والمنتدى مليان حلويات

استغفر الله واتوب اليه