بنات سفري وسألفتي ادخلوا للاهميه مالي غيركم بعد الله

السلام عليكم 

اللهم بلغنا رمضان لآفاقدين ولامفقودين 

بنات أبغى أقول لكم سالفتي وأنتم احكموا 

بالله بالحق 

بنات إحنا أاتفقنا أنا وزوجي نسافر بسبب 

الخلافات إلي بينا ومنها نغير جو 

بنفس اليوم إلي بنسافر فيه اتصلت أخت زوجي 

تبكبك تقول أمي تعبأنه زوجي راح لهم ولقى 

أمه ماعليها طيبه بس فيها تعب قالها يلا بنوديك 

المشفى رفضت المهم أستاذنها وقالها أمي ترا 

حنا بنسافر دعواتك لي هذا إلي حصل 

المهم هذا الكلام العصر الأربعاء مع العلم يابنات 

أخت زوجي ذي كم سنه وهي بعيده عن أمها 

استقرت ذي السنه عندها وساكنه بنفس البيت 

بس منفصل بينهم جدار وخوها الثاني إلي أكبر 

من زوجي ساكن معها بنفس البيت عرفتو يوم 

زوجي قالها بنسافر هو كان نايم عندها بالبيت 

ولا كان عنده دوام بالفتره إلي سافرنا فيها 

كان عند أم زوجي هو واخته زوجته عند أهلها 

]انتبهو للنقطه ذي 

والله يابنات والله وأقسم بالله حنا مشينا الفجر 

الخميس وصلنا العصر يعني بس يوم عن أمه 

اتصلت الجمعه قالت الحين تجيني تقصد أنه 

ينزلها !!!! متصله عليه من جوال أخته تخيلوا 

قالت ابيك تجي توديني المشفى !! وهي عارفه 

أنه مسافر تبي تقلقه عشان ينزل أخوه عندها 

بس ماتبيه يجلس بالسفر والله يابنات قالها 

لجيت أوديك وايش بيسوي وسكت الخط بوجهه 

والله يابنات اتصالات هي وبنتها لوتشوفون بنتها 

منتفخه بس تبي مشاكل المهم تبي تنكد علينا 

السفره عاد هو يوم يكلم أمه يقولها أمي 

تقوله امك ماتت !!!! هاذي أمه إلي تقوله 

المهم رحنا وجينا وأنا كابته بنفسي والله يابنات 

إني طالعه من سجن ولا صدقت بالسفره ذي 

بس اسبوووع صار فيها الاتصالات إلي تسد 

النفس يوم زوجي راح لأمه تقوله انت مافيك 

خير وأنت وأنت هو قالي زعلانه منه وأنا موعارفه 
السبب اليوم تناقشت معه قلت امك وايش 

مزعلها عشانك سفرتنا لأن هذا إلي شايفته 

قال كلام وايش كثره يدافع عنهم مالومه مستحيل 
يطلع العيب منهم يطلعه مني ولامنهم صار جدال 

بيني وبينه بالأخير قال أمي ماتبي ذي التمشيات 

ماتبي الحرمه تطلع من بيتها !!!!!!!!!!!

يعني الحرمه عندها بس تحمل وتلد وتربي 

بس الشمس ماتشوفها احكمو واعدلوا وقولو 

لي الصدق بكل شئ قسم بنفجر من القهرررر