بنات سوال عن مكينة الخياطه

اذا بتتبعين الكاتلوج اكيد تكون سهلة جدا
انا عندي جاسمين مرة روعه وخفيفة فيها غرز تطريز كثيرة
اتعلمت عليها بسهولة وسعرها 500ريال

وموفقه

إذا تحبين الخياطة موت فأنت لازم تجيبين مكينتين واحدة للخياطة وإستخدمي سنجر القديمة إللي في الأفلام الكويتيه والسعودية عرفتيها السوداءترها حلوة جدا في الخياطة وتطلع مرة مضبوطة والتطريز برذر وعلى قد الحال سنجر

مشكوره أختي لمسة ملاك على الرد والله يوفقك لما يحبه ويرضاه

فاطمة ملابس انا احب الخياطه بس مو موت لاني ما اعرف فيها شي بس ودي اتعلم كل ما شفت المواضيع الي في عالم حوء تحمست
بس اختي المكينه السوداء كم سعره
لكن مافيها تطريز يعني احس مكينة التطريز اوفر يعني خياطه عاديه وتطريز الاثنين سواء وجزاك الله خير على ردك ووفقك لما يحبه ويرضاه
سوال كم سعر المكينه العاديه السوداء وشكرا

حبيبتي
المكينه القديمه اعطالها اغلى من سعرها
لازم تشوفين وحده نضيفه لان الحين مافي هل موديل جديد من الشركه صارت قديمه حيل لازم تاخذين مستعمله
وانا من راي تاخذين وحده فيها خط عدل وفيها تطريز
حبيبتي التطريز جدا سهل
يعني مجرد رسمه وتبرمجين المكبنه على نوع التطريز وتمسين عليه مثل الخياطه العاديه بس شوي ابطاء لان فيها تطريز يعني خيوط وايد
واسعارهم مختلفه بنوع المكينه ومواصفاتها
يعني مثلا هنا بهولندا ساعات يحطون مكاين ماركات عاديه لكن كل شي فيها كامله وسعرها بالكويتي تقريبا 20 دينار كويتي لان ما اعرف عمليه السعوديه
وفي طبعا توصل الفين ايرو

انا بحط لج موقع هولندي شوفي فيه الاسعار بصوره تقريبيه وموديلات كثيره
وانصحج اذا كنتي مبتدئه لا تاخذين مكينه جديده وغاليه
لان الي تستعمل المكينه اول مره بتخرب المكينه اكثر من مره بدون قصد طبعا
لكن مع الممارسه بتتعودين على المكينه انشالله

http://www.matri.nl/naaimachine-lockmachine-aanbieding.html



ما في مكينه حديثه مافيها خياطه عاديه وتقريبا اقل شي 6 انواع تطريز



انشالله اكون ساعدتج بشي