اخواتي اللي راحو لسوريا شلون عرفتو المناطق الحلوة والتنزة <عن طريق شركه سياحه والاوشلون > ومشكورات حبياتي على كثرة الاسئله

في البداية اشكر كل من دافعت عن اخت لهافي الاسلام بغض النظر عن جنسيتها وأحب أن أقول
لك عزيزتي باني اعيش في السعودية وانني سورية الا أن لباسي لا يتغير سواء هنا او هناك ولو مقدار انملة وبصراحة انا اذهب الى البحر ولكني ابتعد عن تلك التي فيهاالمايوهات( والتي غالبا ماتكون مكتظة بالاغراب وليس اهل البلد) اماسبب بعدي فهو لا من اجل الغيرة على زوجى بل خوفا من الله في رؤية العورات سواء النساء او الرجال ,اذا احببت رؤية البحر فاسالي عن الشواطئ التي لاتفرض لبس المايوه وتاكدي انه يوجد منها الكثير اتمنى لك اجازة موفقة

بنات خلاص ما ابغى الموضوع ياخذ منحى اخر

لو سمحتوا ارجعوا للطلب واستفيدوا وبس

ما اسمح لاحد يتهاوش في موضوعي

مرحبا ميس واسيل

رح تنور سوريا بتشريفك :27:

يمكن انا كـ سورية , مابعرف شو المناطق اللي بتجذب الاخوة السواح وبيلاقوها جديدة وغريبة , لكن كوننا بنات اكيد كلنا بنحب السوق
البنات ماقصرو , وفعلا هذه احلى الاسواق في دمشق , الصالحية والحمراء والجسر الابيض (الشارع اللي على امتداد شارع الحمراء وهو تقريبا سوق للمحجبات ) ,

الحميدية : ضمن حارات الحميدية في اسواق الها عدة اسماء متل "سوق البزورية للعطارين " و سوق النسوان" و سوق اسمه " سوق اتفضلي " و" سوق العرايس " و " سوق الحرير " :D , انا بحب اشتري الاكسسوار من هنيك :32: .. بتلاقي شغلات حلوة وبتجربي الجو الدمشقي الاصيل والحارات العريقة , رح تلاحظي ان البياعين هذه المنطقة لطفاء ولسانهم حلو وبيدللو الزبونة كتير :27:

بالنسبة للمطاعم ,,
خارج دمشق
بلودان : مطعم مورا , اظن انه مابيفتح شتاء بس بالصيف
مطعم جدودنا " تقريبا من اعلى المناطق في بلودان "
ولا تنسي تشربي من مياه نبع بقين في منطقة بقين , ماء ثلج عذب وبارد وبيرد الروح , تذكريني طيب :D

في دمشق :
مطعم " ابو العز " في الحميدية مشهور , اي حدا بتسأليه بيدلك على مكانه .
المطاعم اللي على طريق المطار كثيرة .
بنصحك كمان بمطعم " الخوالي " هو في منطقة اسمها " مدحت باشا " , بيت على الطراز الدمشقي عمره مئات السنين , جددوه وعملوه مطعم ..

اما المقاهي
مقهى النوفرة شهير جدا " بيقعدوا فيه الرجال اكثر "
وفي كتير مقاهي حلوة في حارات منطقة " باب توما " قصر النرجس , على البال الخ الخ الخ

عندي اقتراح حلو يمكن تحبيه :
ليش مابتجربي حمام السوق ؟؟ شي متل الساونا لكن على طريقتنا
اذا رايحة مع جوزك او اخوانك انصحيهم يروحو على حمام نور الدين الشهيد " للرجال " , وفي حمام للنساء اسمه حمام الورد , انا بصراحة مارحت لكن اللي راحو كتير بيقولو انها تجربة حلوة وجديدة ..

بالنسبة للفنادق 5 نجوم
الشيراتون
الميريديان
فور سيزينز " اظن لسه ما افتتح "
فندق الشام اللي قالو عليه الصبايا كمان حلو

المناطق الطبيعية :
الساحل السوري جميل جدا
مناطق صلنفة وكسب ودريكيش روعة في الجمال
وطبعا جبل قاسيون في دمشق في المساء من احلى المناطق اطلالة بانورامية على الشام :40:
لكن ديري بالك اذا مقررة تشرفينا بهاد الوقت المساء في المناطق المرتفعة لسه في برد :o

بتمنى كون افدتك , لكن امانة لو زرتي اي مكان قلت عنه وصادف انك ماحبيتيه الله يخليك لا تحقدي عليي :mad: ,
انا بتمنالك اقامة سعيدة في ربوع الشام واذا عندك اي سؤال بأمر عيونك :27:

غزاله

تسلمين يا عسل على الرد والمعلومات الموسوعه اللي افدتيني بها

تئبريني :)

<<<<<<<<<<<<<<< وش دخلكم اتركوني اتكلم مثلهم خلوني اتعلم شوي :icon33:

عقبال ما ازور الشام كلها ان شاء الله واقولكم تجربتي فيها :icon28: