الساجدة
الله ييسرلك سفرتك لاتهكلي هم الله بيسهلها وبيهونلك أمورك
بالنسبة للشنتاية فدوبك بشنتاية صغيرة فيها أغراض بنتك الضروري لأنو شنتة وبيبي يادوبك تحسني عليهون ، فخلي غراضها بشنتاية صغيرة وقد ما بتحسني اختصري أسهلك وأريحلك
أما مشان الوزن فأنتي نازلة من السعودية بيسمحولك بـ 40 كيلو تقريبا وبيسكتو للـ 45
أما وأنتي راجعة بيسمحو بـ35 كيلو كحد أقصى هاد عالخطوط الجوية السعودية
أما بالنسبة لابني فهلكني ببداية الرحلة بالطيارة بعدين الله هداه ونام الحمد لله أنتي لاتخليها تنام قبل سفرك بفترة منيحة مشان تنعس وتمضي الرحلة نوم
هادا كل شي ومرة تانية الله ييسرلك وتوصلي بالسلامة
أي تذكرت مشان الانترنت فلا صعب ولا شي حتى مابدك اشتراك جيبي بطاقة أنترنت اسمها بطاقة آية
ودخلي معاوماتها عالكمبيوتر وبتشتغل على أيا خط تلفون لابدك اشتراك ولاشي
إذا تذكرتي أي شي تاني قوليلي لساتني جاية تازة معلوماتي جديدة

والله يا ساجدة ما عندي فكرة مشان الانترنت بالشام ولا الوزن لانو لسا ما نزلت ولا نزلة ادعو الله يفرجها علينا بنات يلي بالغربة شو تحضيراتكم للعيد انا لسا مو حاطة ببالي شي وبدي اسالكم في حدا سمع انو مبارح ليلة القدر ؟

مرحبا يا بنات
كل عام وانتوا بخير بدي إسألكن في حدا منكن عايش بأتوا- كندا لأني إن شاء الله سأكون من سكانها قريباً
حبيبتي الساجدة بالنسبة للانترنت متل ما قالت مزون بطاقة آية أو في شركة تانية ما بذكر اسمها وهي أسرع من آية بتشتري بطاقة ساعات بدون اشتراك ومع أي خط تلفون بتشتغل بس بدخل اسم المستخدم وكلمة السر وإجازة موفقة إن شاء الله

لوليا سمعت هيك شي بس الله أعلم وأنا ما بحب أعتمد على هذه الأشياء لأنو يقولون منام رآه شخص في الأردن وفسره له شيخ على أنه ذلك والله أعلم

مزون تسلمي لقلبي منشان هالمعلومات انا ان شاء الله نازلة على الطيران السوري والله يعينني على ....... والكمالة عندكم انا سمحوا لي وزن 40 كيلو وبالطيارة بقدر احمل 10 كيلو وزوجي كل دقيقة بيتوحم على شغلة خايفة يعذبوني منشان الوزن بالرجعة لانو صارت معي قبل اول زواجي كنت عروس عين الله حولي وحواليي هههههههههههههه انا ما رح نزل هالوزن هادا كلو معي بس منشان الرجعة خايفة والله الله ييسرها من عندو .....
بنتي اكيد ما رح نيمها مبارح كنت عند دكتور الاسنان والله رح تخليه ياسلم من كتر ما عفرتت جننتوا الله يحميها كانت حابة تكتشف اغراض العيادة عندو ههههههههههههه منشان هيك قلت رح تنحبس بالرحلة حوالي اربع او خمس ساعات شو رح تساوي بهالمدة .....
ومنشان الانترنت انا كنت حابة اعرف الاشتراك السنوي كيف بيصير لانو اكيد مو متل شركات هون كش برا وبعيد ههههههههههه.
لوليا الله يفرج عنك يا رب بجاه هالشهر الفضيل .......
سالي مشكورة على هالمعلومات وعندك لوليا بكندا ونور الدرب كمان والله ييسر لك <<<ما اكترهن العرب بكندا وحدة غيورة ههههههههههههههههههه ...
حلا الشام مرة قالت عن الوزن على الخطوط السورية وينها ؟؟؟؟؟؟؟؟؟؟؟؟؟؟