:)

اهلين حبيبتى نرو الدرب الله يزيدك شرف انشاءالله وشكرا كتير على ترحيبكون الى هون بالمنتدى والله انا عشت كل عمرى بالسعودية هى اول غربة وبعدين سافرت لادرس بسوريا فتغربت عن اهلى وهى تانى غربة بالنسبة الى لانه ماسبق وبعدت عن اهلى والغربة التالتة وهى هون بفرنسا بس الحمدلله طول ماانها بأحضان حبيبى الغالى ووجودكن الدائم انشاءالله ماحتكون غربة ,,

مرحبا يا قمرات يا سوريات .....:) لك تسلمولي انشالله ما أحلى هالجمعة الحلوة

لا تاخذوني والله أنا مقصرة بس كل فترة بدخل وبقرأ شو كاتبين (حشرية بعيد عنكم:hahaha: ) لا والله بس عن جد بحب أطمن عليكن لو من بعيد لبعيد...

شفت بمنامي أنو ساجدة بدها تسألني سؤال :42: عم بمزح طبعا بس هي الدليل أني متابعة لقيت ساجدة عم تسأل فاجيت طيران...

حبيبتي ساجدة بالنسبة لقصة الوزن, هذا يا ستي ما أنتي أول شي خطوط الطيران مالها علاقة أنا ما كنت مسافرة على السورية (على الكويتية) بس الشغلة يلي صارت هي أنه مو مسموح يكون في بالشنطة الوحدة أكثر من 30 كيلو يعني فيكي تاخدي أكتر بس بشرط أنه توزعيهن على شنطتين أو أكتر المهم 30 كيلو فقط بالشنطة الوحدة وكلللللللل يلي كانوا بالمطار كانوا عم يفضوا من شنطة لشنطة بسبب هالشغلة ومو تفكري بس يلي راجعين على الكويت لا كل يلي بالمطار بشكل عام بس أنا استغربت أنه بمطار الكويت كان معي 37 كيلو وانا نازلة على الشام وما قالولي ممنوع ولا خلوني فضي! مشان هيك جن جناني لما قال لي الموظف بمطار الشام بدك تفضي من الشنطة لحتى تصير 30 كيلو بس! وطبعا بالنسبة للوزن دفعني وزن بغض النظر عن قصة الشنطة لأنه كان معي 42 كيلو تقريبا بس نسيت قديش دفعت على الكيلو يمكن حسبولي 5 كيلو زيادة 29 دولار هيك بتذكربس موكتير متأكدة وأي سؤال تاني تكرم عينك بس اطلبي واتمني :) وانشالله تروحي وترجعي بالسلامة يارب وتقومي بألف صحة وسلامة يارب..

صحيح نسيت قلك مشان اشتراك الانترنت صار في DSL اذا بدك حسب معلوماتي بتدفعي دفعة لمرة وحدة 5000 ليرة يعني بهالحدود وكل شهرين بتدفعي 2500 وبدون فواتير تلفون بس وين المشكلة يا حزرك؟؟ أنه كل ماحدا بدو يركب بقولواله المقسم تبعكن قديم ما بيزبط حاليا بس بدن يزبطوه بقى ايمتى الله أعلم...أما الاشتراك العادي في بطاقة اسمها اية وبطاقة اسمها سوا وفي عن طريق المعلوماتية كمان وكلن تقريبا نفس التكلفة بس بطرق مختلفة.:22: .يعني البطاقة على أساس أنها دفع مسبق وبتفكري حالك اشتريتي تبع ال 24 ساعة باليوم لمدة شهر سعرها تقريبا 1500 ليرة بس اذا بتضلي طول النهار على النت بيطلع عليكي ما فتح ورزق فاتورة تلفون مع أنه هنن بقولوا أنه 6 ليرات على الساعة بس ما بظن لأنه كل يلي حوليي عم تطلع فواتير التلفون فوق ال 4000 ليرة + سعر البطاقة 1500 = 5500 يعني صار اشتراك ال دي س ل أحسن وأسرع بس ما عم يزبط على كل المقاسم! بقى نقي واختاري يلي بدك ياه..


نور الدرب كيفك حبيبتي اشتقتلك.....:26: شو أخبارك وانشالله الحمل تمام معك؟ انشالله يارب تقومي بالهنا وتجيبي أحلى صبي تام الخلقة والعافية امين يارب

مشرفتنا شام تسلميلي انشالله كذا مرة هميتها لأشكرك على الأناشيد والتلاوة النادرة وماكنت أكتب بس والله انتوا بالقلب ودعيتلك أنتي والكل من قلبي الله يتقبل يارب

سلامي للجميـــــــــــــــــــــــــــــــــــع بدون استثناء وانشالله بعد رمضان بكون في وقت أكتر للتعارف

شدو الهمة يابنات مو صفيان شي لرمضان يارب يغفرلنا ويعتقنا جميعا من النار..أنا كنت مفطرة بس مبارح رجعت صمت يعني الحمدلله بلحق كم يوم من العشر الأخير الله يتقبل صيامنا وقيامنا ويعينا على طاعته امين يارب

تسلميلي يا حلا والله القلوب عند بعضها وتشتاقلك مكة يا رب والله يسمع منك ولك مثل ذلك آمين

مرحبا يا حلوين كيفكن وشو اخباركن ؟؟؟
والله العظيم اشتقتلكن بس من يوم يلي اجيت من السفر بتاريخ 10-9 ولهلق ما ارتحت الله وكيلكن
اول ما اجيت من السفر ضليت انا والشغالة نعزل 3 اربع تيام:3_13_12: :3_13_11: :3_2_8v:
وبعدين قلت لحالي لازم دهن البيت قبل العيد وكمان راحتلها كم يوم

وشوي وفات علينا رمضان الله يعيدو علينا وعليكن بلسلامة
وطبعا طبخ ونفخ وعزايم :7_2_103v:
وبنتي ما عم تتركلي وقت حك راسي
وما بتنام الا تنيمني قبلها
ولا تنسوا المسلسلات يلي ورا بعضها والحلو انها كلها سورية :rolleyes:

انشاء الله بعد العيد بتنتظم حياتنا وبنرجع للمواعيد الصح وبقدر شوفكن كل يوم
والله يغفرلنا كلنا يا رب
وسلام للكل:42:

صباحو بنات ..
ان شاء الله بردلكن ياها بالافراح يا رب .....
واهلا وسهلا بكل يلي انضموا النا من سوريا اومن غيرها .....
بيوتي ما كتبتو لاسمك بالانجليزي لاني تهاملت هههههههههههه انا بباريس وان شاء الله بس ارجع من السفر باذن الله بنتعرف على بعض اكتر .........
حلا الشام بقول لك بجاه هالشهر الفضيل وباسم الله الاعظم الذي اذا دعي به اجاب واذا سؤل به اعطى واذا استفرج به فرج يمن عليك بالذرية الصالحة السليمة المعافاة عن قريب بجاه حبيبو محمد انت وكل مشتهية > زنزون < وكل واحدة نفسها بولد يا رب لك ريتك تقبشيني انت وكل واحدة ردت علي وجاوبتني تسلموا لي شو مذوقين يا رب .....
ومعك حق انا هادا يلي اكلة همو اكل الهوى يلي بالمطار هنيك والفزلكة يلي مالها طعمة .... دخلك ما سرقوا منك المفتشين يلي قاعدين على باب الطيارة شئ قنينة عطر >>>>> واحدة محروق قلبها لانو صارت معي بس طلعت اذكى منهم قال وقت وصلت على باب لالطيارة اول ما اجيت على باريس بيقول لي واحد باينتو مو من الشام من لهجته انت معك قنينتان عطر وهذا ممنوع > هي حطي تحتها مليون خط قال ممنوع <<< لازم اعطيه واحدة ويلي قهرني انو القنينتان عطر اجنبي يعني غالي وحوينتها فيه لانو كان ناحو شئ عشرين قنينة عطر وكلو اخدهم بنفس الطريقة وبعدين بيتقاسموها هو ورفقاتو ..... المهم قلت لو ليش ممنوع قال هيك ممنوع وحتروح على الطيارة قلت يا بنت ما بدها حمات قنينة منهم وكسرتها بسلة المهملات والتفتت عليه وقلت له هلق انحلت المشكلة وحملت حالي ورحت اي حسيتو رح يحمل شئ قنينة ويضربني فيها من غيظو مني ههههههههههههههه...( بنات مو ملاحظين انو كتران حكي يمكن طقوا عقلاتي على السفر ههههههههه)
المهم انا متاكدة انو رح يرتفع ضغطي من الوزن والشناتي يا رب ييسرها ...
ومنشان الانترنت اي شو عايشين بالعصر الحجري لا حول ولا قوة الا بالله ...
جودي صارلو زمان هالقمر ما بان يلا بكرا برجع ان شاء الله وبورجيكم نيهاهاهاي هههههههههه ..
بنات ادعوا لي السفر بعد بكرا السبت الله ييسر بجاه حبيبو محمد ..........