مرحبا كيف الحلوين ؟؟ والله اشتقتلكن كتير بس
ما بعرف ليش صايرة كسلانة بلمرة يعني كل اسبوع اسبوعين لحتا افتح الكمبيوتر مرة وبسرعة علماشي
والله لا تواخزوني او حتا تكونوا نسيتوني
رح حاول ارجع افتح معكن كل يوم
بس بنتي مجننتني كتير بدها تضل ا24 ساعة برة البيت
وعم حس الوقت كتير عم يمرق بسرعة
واليوم قريت عن هيلين ونور عيني جنان عن الفطم
انا الحمد لله بنتي تركت صدري من لما كان عمرها 6 شهورواخدت القنينة وما حسيت فيها
بس لا تخافوا لانوا الولاد طالما عم ياكلو جبنة او بن او اي شي فيه كالسيوم مو ضروري يشربوا الحليب شرب
او حتا دخلولهن الحليب كتير بلاكل او بلحلوا متل الكيك اوالرز بحليب او المهلبية

وسلام للكل

هلا بتر فلاي تسلمي قلبي ان من زمااااااااااان >>انا مولوده هنيك اصلا 84 وتجوزت هنيك وانا كمان بحبها كتير خصه انو صارت بلدي التاني واكيد تأقلمت واتطبعت فيهم كمان
وانا ه بأمريكا ياقلبي مو بالسعوديه >>>>>> الله يردنا لأهلينا على خير وربي يوفقك ويسهلك امورك انتي وين هلأ اختي؟؟

جودي تسلمي قلبي والله يرحيك على طول يارب

انا اليوم طول النهار ما عطيت بنتي صدري وطلعت وما رجعت لليل بس شو صدري>>>>حيتور كتلة حجر لاني ما قدرت اعمل فيه شيء بره بس لما رجعت عطيتها تشرب ونامت
تسلمو وان شالله راح اعمل هيك كمان بكره؟؟

شو ين البنات الباقيه؟؟؟؟؟؟؟

اهلين بنات كيفكم لا تاخذيني نور تاخرت بالرد عليكي يا ستي بالنسبة للفطام انا اول شي فطمت بنتي من رضاعة الليل صار كل ما بدها حليب اعطيها مي او طنشها شوي لحتى تعودت انو ما في بالليل بعدين صرت خففلها الرضعات بالنهار بدون ما تحس يعني شربها حليب بالكاسة قلها متل اختك يا عيني صرتي كبيرة يعني مثلا اذا بترضعيها 4 مرات بالنها استبدلي وحدة بكاسة الحليب هيك لمدة كم يوم عاحسب تعلق بنتك بالرضاعة وخارج البيت ابدا ما في رضاعة بيجوز تلاقيها تعكر مراقها ومراقك بس بدك تتحملي لتخلصي من هالشغلة وبعدين الرضعة التالتة استبدليها بشي شغلة مثلا اكلة بتحبها بنتك لانو هلق ماشاء الله بهالعمر بتكون بتفهم وبتقدري تحاكيها وهيك شوي شوي بتلاقي الله يسرها لهالشغلة حاولي طولي بالك بيجوز بهالفترة تعصبي انت وياها وبالنسبة للحليب المتجمع بصدرك حطي breast feeding padلحتى ما يتلوتو اواعيك ووقت تكوني بالبيت فوتي عالحمام وكبسي عليه لحتى يطلع الحليب وما يضايقك انو ظل بصدرك ان شاء الله كون افدتك والبنات ما قصرو

نور الدرب وفتاة سورية وينكن تركتو موضوعونا وسنترتو بموضوع الحوامل اشتقنالكم
الساجدة ان شاء الله تكوني مروقة بالشام
مشرفتنا الغالية وينك ما عم تبيني اشتقنالك
بترفلاي الله ييسرلك حملك ويسهل عليكي يارب

هيلين ماشاء الله عليك شطورة نظفتي بنتك عقبالعندي انا ماعندي نفس ابدا اني نظفها هلق الله يقدرني ويخلصني من هالموضوع وييسرلك فطام بنوتك
مزون شو اخبارك واخبار ابنك ان شاء الله تمام
جودي شو اخبارك واخبار القطة الصغيرة
لولو اهلين فيكي اشتقنالك وين هالغيبة
بطة طمنيني بلشت تعلم اللغة التركية الله ييسرلك امورك اشتقنالك ياحلوة
ان شاء الله ما كون نسيت حدا سلامي لكل البنات صحيح عاشقة ما رجعت من سوريا وزنزون وينها مو مبينة

اهلين لوليا
ويوم الاثنين باذن الله بدي روح على كورس لتعليم التريكو قلي زوجي قعدتك بالبيت ما عاجبتني ابدا وعقلك صار متل الصندوق المسكر بدك تسجلي بهالكورس وتحركيلي عقلك شوي
فان شاء الله الاثنين بدي روح شوف وضع الكورس وين محله وكيف الوقت واذا كان بناسبني رح سجل فيه منه بتعلم ومنه بسمع اللغه التركيه وبركي بينطلق لساني فيها شوي لاني بعرف من اللغه التركيه منيح بس لساني مانه منطلق فيها محسوبتك دائما بالبيت قاعده بس اذا بدي جيب شي للبيت ( اكل - شرب ) بطلع منه وهلا بالشتويه لاطلعه ولا دخله برد كتير ومطاعم او كافيتريا عائليه مافي هون كله شغل شباب ولا انا ولا زوجي بنرضا نقعد بهيك محلات

عندي الشبابيك بالبيت كلهم بدهم تغيير السنه الماضيه متت من بردي ومضيتها مرشحه ونقول لجارنا المستاجرين عنده ان الشبابيك عم تدخل هوا يقول ما فيهم شي لحتى من يومين جاب زوجي عامل وخلا جارنا يطلع وشاف بعينه وسمع باذنه ان الشبابيك عطلانه بدها تغيير
فالله يعيني على اللوشه اللي رح التاشها

يالله سلامات

اهلين بطة برافو عليك انا كمان حابة اتعلم خياطة بس المشكلة وين بدي اخد معي البنات وخاصة نحن عنا البرد يعني تلوج وسقعة مو حيثما الله يقويك ويسهلك امورك يارب وهالماجرين في منهم الله يهديهم شو بيطنشو يللا ان شاء الله تمرق هالشتاء بدون رشح وكريب