صحي متل ما قالت بطة لك وينكم ليه متكسلنين ...ان شاء الله تكونوا بالف خير ومزون ما بعرف اذا وصلتك الرسالة على الخاص ما عاد سمعت منك شي وسلام لبقية البنات خلينا نسمع منكم

سلام يا بنات كيفكم الله يجزي الخير يلي سالوا عني ويلي ما سالو كمان
شام حبيبتي سلامة قلبك طمنينا عنك انت وبطة ولكل الحوامل الله يسهل اموركم ويقومكم بالسلامة

اهلين صبايا
هلا لوليا وين هالغيبة والله ببالي طمنينا عنك
بطة مضبوط يا حلوة ريحي حالك والشغل ما بيخلص وطمنينا عنك لا تنسي ويسلمو على التذكير وكلامك صح قبل ما فوت بشهري بيوم واحد وقعت وصار يجيلي الطلق وكانو رح يولدوني وأكتر شغلة أكلت همها اني ما كنت مجهزة شنتايتي بس شنتاية البيبي بس الله ستر الحمد لله ولهلأ ما ولدت :)
وما رح انساكي من دعائي يا بطة أنت وحلا الشام وكل مشتهية يا رب
فتاة سورية انت وين شو ولدت؟؟؟؟
هنودة وهيلين الله يعافيكن السعلة كتير غليظة إذا علقت، كله أجر وعافية بإذن الله
المزة شو أخبارك هالإيام ؟؟؟ قال عندكن عطلة
رورو ولالا وشام ونور عيني وآية وساجدة ونايس سميل وعاشقة وبترفلاي وزنزون ومزون وفتاة شامية وعاشقة الشام وجودي وبدور و سالي ووفاء وريمي وشام ياذا السيف وسما أيجيبت ولولو وأم أنيسة وقمر الشام وسندويشة نوتيلا وحلا الشاااااااااااااام والباقي كلكن وينكن طمنونا

كيفكم بنات

ماشاء الله نور ما تركتي حدا ....الله يعطيك العافية

انا تعبانة وهلكانة بس حبيت سلم ...دعواتكم بقي لي 3 ايام وبخلص شهري وما شكله لافي طلق ولا شي شكلي رح اخذ بالاخير طلق اصطناعي .....بيني وبينكم يمكن احسن انا مدري شو صاير لي خايفة من الولادة المفاجئة كانو اول ولادة لي الله يهديني ...و اكله هم هالاولاد ووين بدي اتركهم بس وقت بتصير الشغلة جد الله بسهل ان شاء الله ......لا تنسوني من الدعاء

صباحكم ورد وفل وياسمين
كيفكون يابنات جميعا شايفتلكون في كسل عام بالجو يوم بتلاقو الكل متنشطين وكاتبين ردود ويوم بتلاقو الكسل مسيطر عالجو ومافي ردود جديدة
المزة تسلم إيديكي وكتير انبسطت برسالتك وبعتلك رد عليها
بطة الحمد لله يلي تحسن ضهرك وعقبال مانطمن عليكي أكتر
نور الدرب شو أخبار البيبي إنشالله مالك مستتقلة الله يتمملك على خير
هنودة احكيلي عنك شوي خلينا نتعرف عليكي لأني تكسلنت فترة ويمكن أنتي بلشتي معنا بهالفترة
فتاة سورية الله يقومك بالسلامة أنتي وكل الحوامل
لوليا كيفك وشو آخر أخبارك صرلك زمان ماطليتي علينا