هلا ساجدة كيفك يا حلوة ان شاء الله الف صحة وهنا عالفطاير وسلامتك ما عاقلبك شر والله تغيير هالطقس خلا الكل عم يمرض انا كانت ملتهبة اذني وحلقي وهيك عا قولة الدكتورة بس انا حسيت انو القصبات ملتهبين كمان لانو كل ما سعلت سعلة حس روحي عم تطلع معها الله بيعين شو حسيت البني ادم ضعيف من شوية التهاب ولا مرض بينسطح الله يعفو عنا يارب يا ستي قليت البيتنجان للمقلوبة او منزلة اسود لانو بصراحة القلي بيضيقلي خلقي والله لو كنتي جنبي لعملتلك كبة تكرم عينك وبالنسبة للكوسا ما جربت احفرها وحطها بالفريزر سمعت انو لازم تشوحيها قبل ما تتفرز ولا عندك طريقة بتساويها فيها بالنسبة للكبة لكل كيلو برغل نص كيلو لحمة مفرومة ناعمة بدون دهنة اذا عنكن لحامين لبنانيين او سوريين قليلو لحمة كبة وبصلة بتطحنيها وبتحطيها ملح وفلفل عا حسب الرغبة بتصولي البرغل بمي باردة يعني بين تصويل وغسيل يعني شي ربع ساعة بس ليطرى بس مو ينفش لانو متى ما نفش راحت العجينة و بتقلي اللحمة المفرومة وتحطيلها بهارات وشوية صنوبر او لوز بعدين بتجيبي العجينة وبتحطيها بالبراد شي نص ساعة بتتماسك بعدين بتطلعيها وبتبلشي ترقيها بايدك يعني بتاخدي شوي من العجينة وبتحطيها بايدك اليسار و باصبعتك اليمين بتبلشي رق و بتسكري اصبعتك السبابة والابهام باليد اليسار مشان تتسكر من فوق بس تحسيها اخدت شكل الكبة حطي الحشوة ودوريها بايدك مشان تتسكر وبتكوني حاطة صحن مي صغير وممكن يكون في شوية نشا ومدوبين بقلبو وبتبلي ايدك كل شوي لحتى ما تفت العجينة وخلصنا وبتحمي زيت وبتقليها ان شاء الله يكون شرحي واضح اذا عندك اي سؤال قليلي واذا بدك تفرزيها فيكي تحطيها بدون قلي بس انا بالعادة بقليها وبعدين بسخنها بالميكرويف منيح بتتطلع كانو هلق مساواية وبنصحك اذا مو مجربة ولا نوع من انواع الكبة انك تبلشي بالكبة الصينية لانو متى ما ظبطت العجينة الباقي بيسهل والله يسرلك الخير يارب

اهلا وسهلا فيك ريح القرنفل ان شاء الله تنبسطي معنا باقي البنات وين هالغطة

بنات من ايا عمر ولادكم بياكلو لحالهم جاوبوني الله يوفقكم

أهلين يا جماعة

بصراحة مشغولة ما تآخذوني لقلة مشاركتي

بالنسبة لتحصير أكلات رمضان أو البيت بشكل عام مستنية الأسبوع الجاية بإذن الله

بعمل أكلة كبة مرتبة مناكل منها وبخلي كم وجبة بالفريزا

الكبة المقلية أو المشوية بس كبكبيها وحطيها بالفريزا كم ساعة لتجمد وتصير متل الحجرة وبعدين حطيها بكياس وسكريهم منيح

ولما بدك ياهم طالعيهم وهنن متلجين واشويهم او اقليهم بدون ما تستني عليهم ولا لحظة ....

انفضي عنهم التلج بس

اليبرق ما بحبه وهو مفرز بيطلع الرز مكسر .....

البيت اهم شي ساوي ونظفه وريح راسي شوي من التنظيف برمضان

ومشان نتعبد ونحنا نفسنا مفتوحة وريحة السجاد حلوة

ناوية اعمل شامبو للسجاد وحطله شوية عطر بالآخير مشان لما نسجد على الأرض تنفتح نفسنا

وكمان أغطية الصلاة تبعي بدي اغسلها واكويها كلها وعطرها كمان
والسجادات الصلاة وهيك شغلات .....

يعني منعمل جهدنا والباقي على رب العالمين

وكل عام وانتو بخير وصحة وعافية

ساجدة سلامة قلبك يا رب .يعليي صعبة الرشح والكريب بالحمل

اعملي ليموناضة كتير منيحة فيتامين C بإذن الله مفيد

معافاية وما على قلبك شر

ريح النفل أهلا وسهلا فيك أختي ....

في اخوات سوريات بالإمارات آية وعاشقة الحب ويمكن زنزون وفي كمان لكنهم بالشام على ما اعتقد

وميت اهلا وسهلا فيك

والله شاطرة ساجدة برافو عليك أنا ما لي حيل أعمل شي حاسة حالي
لوليا خلص انا مارح اعمل كبة انت ابعتيلي هيك أحسن هههههههه بتعرفي نحن عنا في محل بيبعك عجينة الكبة بس انت بتكبكبيها يمكن جربها بعدين انت عندك جهاز الفرم ولا كيف بتفرميها؟؟؟؟؟؟؟ وبتعجنيها؟؟؟؟
وبالنسبة لأكل الولد لحاله على حسب في ناس من هنن وصغار بيبلشو يعلموهن بس بتعرفي نحن عشان السرسبة بنطول بهالقصة أنا بنتي كل ما بدنا ناكل بدها تاكل لحالها كان عمرها 2 ونص يمكن أو 3 نسيانة بس شو هلأ بتقلي ماما طعميني وأنا عم علمها لحالها عشان لما يجي البيبي ما لح لحق شفت عمرها 4 سنين هلأ صار، من الأفضل أنك تعلميها لأن صارت كبيرة البركة الله يحميهن
ومضبوط شام أنا أمي بتفرز الكبة بنفس هالطريقة وأنا ناوية هيك أعمل إذا تنشطت بإذن الله
بس هلأ أكتر شغلة عم فكر فيها هي تنظيف وتعزيل البيت والله بيعين

اهلين نور يا ستي انا ما عندي فرامة بس بقلو للحام يعطيني لحمة كبة فبيعطيني ياها متل المرهم وفي نوع برغل ناعم كتير بساوي فيهم وبتطلع ظريفة ونحن نفس اللحام بيساوي عجينة كبة بس انا ما جربتها وتفضلي لعندي والك اطيب كبة

السلام عليكم يا بنات

شكلوا الكريب عامل عملتو فيكن و لا تفكروني مرتاحة منو لا و الله بالعكس كنت ببنتي هلأ إجاني أنا الدور

حابة قول لlolia
الله يسلم إيديك و يوفقك و يرزقك على قد نيتك و يجعل لك من كل ضيق مخرجا لسببين للمواقع اللي عطيتيني ياهم و لطريقة الكبة صدقيني و أنا عم بقرا طريقتك تخيلتك عم تعمليها قدامي
الله يقويكي يا رب