سلام بنات كيفكم

معلش اعذروني فرطانة على الاخر

شام سلامتك شبها ايدك؟

سلامات بنات كيفك اشتقتلكم والله كانت عطلة حلوة وخاصة انو جوزي كان معي لانو حتى بالعطل بالعادة بيشتغل بس الحمد لله قضينا وقت حلو شو اخباركم بنات الله يجزيكي الخير يا رب نور على سؤالك عني وان شاء الله بتقومي بالسلامة مجبورة الخاطر ما بعرف نور يمكن انتي عندك بنت مو لا هي اول ولد معليش لا تواخذني بس والله اتخربطت ...ويجبر بخاطر فتاة كمان ويقومها بالسلامة وساجدة وكل الحوامل ويطعم ربي كل مشتهي ...شو مزون وينك شو صار معك منشان ابنك وشام كيفك وبقية البنات بطة وهيلين ولوليا وينك وعاشقة ...وكل البنات البقيانين سمعونا عنكم ...بنات في حدا منكم بفلوريدا ب تامبا او حدا بيعرف عنها شي ....

مساكم فل كيفكم يا قمرات هالمنتدى

الساجدة لله الله يعيني ويعينكعلى هالشغلة كأنو هي أصعب شغلة بالولد الله يمضيها على خير
هنودة الحبوبة عم قول ليش لحش قلبي تاريتك من حارتنا ياستي وأنا كمان الأصل من الميدان عايشة بالمزة متجوزة من 3 سنين وعندي ولد عمرو سنتين ومقيمة حاليا بالسعودية من مواليد 84 متل اسمي بالمنتدى شو بدي قلك كمان خلص مافي شي هي موجز عن وضعي الاجتماعي
شام طمنينا عنك وعن إيدك إن شاء الله تكوني تحسنتي
نور الدرب شو الأخبار لساتك ماكنة >>>>>>>>>>>>>> كلمة شامية أصلية
يعني بقصد شو أخبار حملك قربتي ولا لسا مطولة
black tulib أهلا وسهلا فيكي بيناتنا بدنا موجز عنك مشان نتعرف عليكي أكتر

وباقي البنات سلامي ألكون كلكون بدون ذكر أسماء

شو فتاة ما ولدت؟؟؟ الله يعطيكي العافية يا رب يا الله هانت،، والله الحق معك
المزة عادي يا قلبي أنا عندي لين عمرها 4 سنين وهلأ كمان معي بنوتة والله أعلم ولهلأ ما لقيتليها اسم حلو :) ،، عندك اقتراحات
شايفة يا مزووون لسة صامدة هههههههههههه ادعيلنا ،، قربت بس أسبوع بيخلص شهري

نور حبيبتي الله يخليك ياها يا رب والله ما بعرف في اسماء بنات كتير حلوة انا راح قلك شو الاسامي يلي بحبها بحب يا ستي هيا هي اسم بنت اخي تقبر قلبي بحب بتول ,غنوة,او غنى ,في كمان حلا وصبا ما بعرف بحب اسم البنات يكون ناعم واله معنىو اسم بنوتك كتير حلو ... انتي في شي ببالك... ابقي طمنينا عنك