بنات شاكه اني حامل بس ما ادري

مساء الخير على الجميع
موضوعي غريب شوي
البدايه حملت في نفس شهر زواجي لكن للاسف ولدت في الاسبوع 26 واتوفى البيبي بعد 3 اشهر
بعدين جلست 6 اشهر حملت بالتاني والحمدلله جبتوا بالسلامه بعدها جلست سته سنوات ما حملت
وفجأه يوم زوجي بياكل موز وانا جلست ادور على مصدر الريحه النتنه طلع قشر الموز وقتها كنت متاكده ان الدوره حتيجي لان الامها واضحه وكانت متاخره 3 ايام
فاستغربت وشكيت قلت امكن حامل وحللت الفجر وزوجي نايم عشان لا يتامل كتير لاني سويت التحليل ومتاكده سلبي الا طلع ايجابي ماشالله وفرحنا كتييير
بعدها ب 3 سنوات برضوا محاولات ومافي حمل وبعدين جاتني جيوب انفيه شديده لدرجه الدكتور سالني اكتر من 4 مرات في حمل وانا اقول لا والمره الاخيره قلبي نغزني ما اعرف ليش واساسا باقي على الدوره خمسه ايام ورجعت البيت وانا افكر ممكن يكون فيه والله مدري ونفس الشي الصباح زوجي راح العمل وراجع مع الصيانه على الساعه عشره فحللت وهوا مافي عشان اساسا بدري لا يمكن يبان بس عشان قلبي نغزني قلت خليني اجرب وانا متاكده انو سلبي ويطلعلي موجب خفيف بس مره وااضح ماشالله والله ما صدقت وطرت من الفرحه وبعد ساعه رجع زوجي وقلتلوا اني حامل وما صدق وشاف التحليل وبرضوا مو مصدق وكان لسه باقي على الدوره فكيف بان قولتلوا خيره بسسب دعانا الله يرزقنا الذريه الطيبه المعافاة وعشان لا اخد الدوا في بدايه الحمل واتضرر المهم والحمدلله تم الحمل يارب لك الحمد والشكر وولدت قبل تمنيه شهور
المهم دحين باقي على الدوره سته ايام ليا اسبوع بالظبط غثياان في الصباح خفيف بس مضايقني ويجي احيانا في اليوم كم مره ويروح فقلت امكن من الجوع او هرمونات او اي شي وكمان عندي نغز غريب في اسفل بطني قلت امكن عشان قربت الدوره بس لمن اكون جالسه واقوم فجأه يجني الم اسفل بطني غريب ما اعرف اوصوفو بس زي القرص غير لمن احط الكحل احس عيني مو زي دايما شكلها كاني مريضه او نعسانه
والله شكيت طبعا ما باخد حبوب لانكم زي ما قريتوا باجلس بالسنين عشان احمل مره تانيه بس الله قادر على كل شي وامره كن فيكون
ايش رايكم بدي الاعراض ممكن حمل ولا يتهيالي يارب يكون حمل باذن الله الله يسعدكم اقراحتكم هل ممكن حمل او اراجع الدكتوره ممكن شي لا قدر الله