بنات .. شعري خلاص يبغى يطلقني الحقوا عليا هههههههه

السلام عليكم

كيفكم بنات؟ وكيف صيفكم؟ يلا انشالله تكونو مبسووووطين

هدي اول مشاركه ليا بالمنتدى

طبعا بقرا مواضيعكم من زمان وعارفه ومتاكده انو ماشالله عليكم بنات تنحطوا عالجرح يبرا .. من جد استفدت اشياء مره كتير هنا

اليوم حابه اقلكم مشكله بعاني منها

شعري:(

وااااه من الشعر اللي مبهدلنا كلنا .. شعري مو مررره معدوووم بس اتغير عن اول صاير جاف واطرافو مكسره وفيلو كدا طعجات من فوق .. مني عارفه ايش اعمل:eek:

طبعا ايام المدرسه كنت طايحه في السبعه الزيوت اللي كلنا نعرفها اللي هيا الزيتون السمسم الشمطري اللوز الحلو الجرجير جوز الهند والخروع ... هدا غير الحنا اللي ماما تعملي هيا كل فتره وفتره ومره بموية الكركديه ومره دم الغزال ومره بالبصل وزي كدا ... ومع هدا اوكي شعري فيلو تحسن بس ما احس انو بالمره مشي معايا وناسبني

برضو كنت بستعمل المايونيز .. وساعات احطلو عسل .. وبتقلي ماما انو هوا اللي ناسبني اكتر شي

بس بالنسبه ليا لسا ماوصلتت للشعر النااااااعم اللي ابغاه

بس جات فترف الامتحانات والاسابيع الاخيره من الدراسه اللي تسبقها انشغلت وصرت ما اهتم .. وجات الاجازه وشعري يطلب الرحمه .. صار بالمره نااااشف وتحسو مره مافيه حيويه

وبجد نكد عليا .. بس رجعت قلت خلاص لازم اهتم .. وهدا الاسبوع بديت .. حطيت اول شي حنه ومعاه بصل ... تاني يوم الزيوت السبعه .. اخدت يوم راحه .. ورجعت استعملت طريقه كتبتوها بالمنتدى ربي يسعدكم اللي هيا مايونيز وبلسم .. واليوم ريحت شعري ..

هوا اتعدل .. بس لسا مافي حيويه ونعومه ولمعان ... وبرضو موراضي يطول ..... انا حلمي يطول شعري لانو حاليا لنص ظهري ماشالله بس ابغاه يطول اكتر لانو يتلف طبيعي فيبان قصير:42: :hahaha:

( على فكره انا فروه شعري دهنيه .. وساعات بتطلعلي حبوب فيها وتتعبني من استعمال الزيوت الكتيره)

وهوا هدا اللي ابغاكم تساعدوني فيه

عارفه طولت

بس لاني ابغاكم تعرفو بالزبط انا بعاني من ايش

ايش تنصحوني اسوي؟

وبالنسبه للمحلب والحلبه كيف طريقتها ابغى اجربها؟

يلا بنات بليييييييييز قولولي ايش اعمل؟ انا حاطه كل ثقتي فيكم

وعلى فكره لفيت المنتدى موضوع موضوع .. ومني عارفه ايش اسوي لانو في اشياء بيحطوها البنات وشويا القى الردود كلها يشتكو انو مايناسب ويعدم الشعر .. فاكيد شعورنا مو زي بعض

بس ابغى شي انتو جربتوه وناسبكم ..

* بليييز ردو عليا لانو لازم اعدل شعري .. انا دحين بنووته جامعيه محد قدي لازم اطلع مرتبه وشعري عدل عالاقل:42: *

مايستفاد: ( عشان خاطر عيون اللي تبغى الزبده من هرجي الفاضي هههه)
1- ابغى شي يخلي شعري حيوي
2- يطولي شعري
3- ينعمو
4- ايش حاكية المحلب والحلبه
5- ماعندي شي بس حسيت انو 5 مايستفاد اكشخ من اربعه ههههههه

الله يعطيكم العافيه

وينولكم اللي ببالكم يارب

دمتم لمحبتكم