دار الحافظات منتشرة في جدة اكثر من 73 دار
هي جمعية خيرية ريعها لوالدة صاحب السمو الملكي الامير ثامر بن عبدالعزيز
في الصباح روضة وتمهيدي اول وتمهيدي ثاني للاطفال بنين وبنات سن قبل المدرسة 4و5و6 سنوات
تعلمهم قران واذكار واحاديث وارقام وحروف المعلمات اغلبهم حافظات للقران
الرسوم 1000ريال للترم الواحد // والباص في ذهاب وعودة // ذهاب // عودة ورسومة من 500الى 1000 حسب بعد طبعا السنة والترم نص المبلغ
في المساء تعليم الكبيرات والنساء بصفة عامة افتكر من سنتين الجزء ب20 ريال السنة دي ما سألت
المواقع في الصفا اللي عند الجدعاني مقابل لمسجد السعادة من الجنب اسمها دار الحافظات 43 ورقمها ( اثنين سبعة واحد اثنين ثمانية ثلاثة صفر ) يارب ما يشيلوا الرقم

في الصفا عند نادي الكهربه الظاهر دار الحافظات 33 ما اعرف الرقم
في الصفا عند مسجد بني هاشم قريب من اسواق طيبة ومستشفى العيون ما اعرف رقمهم

وفي النزهة والمروة اكيد فيه أسالي في المسجد وراح تلاقي لانو في كل حي موفقة

دار الحافظات بتعلم قاعدة نورانية
والتسجيل من بداية الترم عشان تستفيدي ويستفيد الطفل اما اللحين باقي 4 اسابيع وراح تدفعي الرسوم كاملة مو هذيك الاستفادة استخري وسجلي الترم الثاني موفقة

جزاكم الله الف خير

طيب في حي البوادي اوشارع قريش انا شفت دار حافظات في احد يعرف عنه اي معلومة يفيدني بس ابغى لنفسي موللاطفال افيدوني متى دوامهم ورسومهم الله يجزاكم الجنة

فيه كمان في مسجد الربوه
دار تحفيظ اسمه دار ام سليم للحافظات
مسجله بنتي فيه روضه السنه كامله ب 1500
وفيه كبار ب600 رووووعه انصحك فيه كثير اعرفهم مسجلين فيه
برسلك على الخاص رقمه بس اتوقع ان التسجيل من اول السنه لانه مستويات
بس اسالي