بنات شورو على

السلا عليكم ورحمته وبركاته

بنات حبيت اطرح مشكله او بالاحرى ماراح اسميها مشكله لانها مو كبيره

بنات انا ساكنه فوق اهل زوجي

وعندي بنوته وحده بس

وابو زوجي يتشفق على حفيدته دايم يتصل يبيني انزلها له تحت وانا طبعا ما اقصر بس حسيت المسأله سمجت شوى لأنه مرة ابو زوجي بدت تسمعنى كلام انها متضايقه من جيتي لها كل شوي وبدت تقط حكي ماله داعي فأنا حسيت على دمي وصرت ما انزل كثير بس ابو زوجي يحرجني يقول دايم انزلي انتى والبنت وانا احس انه زوجته تتضايق منى ومن بنتى حتى مو من حبها لبنتى ولا تحب تلاعبها كثير

الشهاده لله زوجة عمي انسانه محترمه وانا اقدرها لكن اشوفها بدت تطلع اكاذيب على وتلف وتدور كله علشان تقطع رجلي عن جيتهم


وابو زوجي دايم يزعل اذ1 قال انزلي وانا اعتذر يقول انتى ماتبينا والله احترت

قولو وش الحل معها انا بالنسبه لي ما انزل لهم ويدي فاضيه دايم اسوي كيكه او حلا اوصينية فطاير

علشان ما احسسهم بالثقل بس مع ذلك احسها مو متقباه جيتي لهم

وش الحل في نظركم؟