السلام عليكم
اهلين فتاة شو اخبارك؟ :)
الحمد الله على السلامه .. والله خوفتيني حسبت صاير شي موضوع او حدا مسويلك اشي بعيد الشر عنك وعن اولادك ياقلبي..
المهم انا ماني شايفه بالموقف اي مشكلة يعني عادي جدا واصلا يعني اذا كنتو شايفين الوقت ضيق بلاش من الروحه كلها ..
وكونهم ماساعدوك او ساعدوك هي مو شغلتهم ياقلبي لما الوحده بدها تسكر معناتو صار وقت البريك تبعها او صار وقت الشيفت تبعتها بمكان ثاني ..
واذا سمعو لكل زبونة ولكل ظروفها صارت الدنيا سايبه..
انتي بدك تلحقي ولادك
هي عندها موعد دكتور
هداك بدو يلحق الباص
وهذا اهله عما يستنوه
الخ الخ الخ
يعني شي منطقي انه التانيه تقولها لاتساعديها لانه مابدهم يفتحو باب اذا انفتح ماله نهايه ويجيو يقولو ساعدتي هالزبون وماساعدتيني عرفتي كيف ياقلبي..

بعدين من قال ناه ترك الاغراض بالعربيه ممنوع!!!
عادي لا ممنوع ولا شي بس المهم انه تقولو لهم

بتذكر مرة اول ماجينا كندا رحنا اشترينا اغراض من سوبر ماركت ب300 دولار يعني تخيلي عرباي ملياااااااااااااااااااااااااااااااااانه اكل واغراض بعدين جينا نستخدم كرت البنك ماعرفنا كيف هههههه وكنت انا واختي واخوي كلياتنا طابين عالغربه جديد مو فاهمين الخمسه من الطمسه..
بالاخير تركنا العرباي بحالها وقلنالهم انه سوري ماراح نشتريهم..
وطلعنا من السوبر ماركت عما نفطس ضحك على منظرنا ^_^

االمهم روقي وحصل خير ومافي مشكله الموضوع جدا عادي ومافيه اشي بيزعل :)

تسلموا عزيزاتي على الرد

الصراحة انا في البداية تضايقت وقلت لزوجي يمكن الي عملته بترك العرباي كان غلط وخفت الصراحة اكون اسأت للاسلام بهاي الشغلة "" قولوا لي وقفت على هاي ....""

بس بعدين خلص هديت وقلت لزوجي ان الحق معها متل ما قالت رغودة كل انسان له مشاغل ولو كان الحق عليها انا ما كنت سكتت لها لكنه مصر ما يروح لهنيك مرة تاني الظاهر متل ما قالت الاخت de lyon شافها حجة بسبب المصاريف ههههه

على فكرة اختي de lyon تسلمي على كلامك الحلو وسلمي لي على رفيقتك الثانية ...ضحكتيني كتير على قصة التوقيع ولو تصدقي التوقيع هذا عقدتي ...كل سنة بغير توقيعي وما عم يعجبني اي واحد وبالاخير استقريت على ان اكتب اسمي بالكامل كتوقيع ...لما بروح محل وبدفع بالكرديت وبكتب اسمي بالكامل بحس حالي جدبة "يعني هبلة" ههههههههه

اختي فتاة سوريه,اللي زعل بالموضوع كله تعرفين شنو انك ما عندك رخصة سياقه مثلي انا و خصوصا بامريكا,لو كان عندك الرخصه ماصارت هالحكايه من اولها .
عندي فكره بنات شو رايكم اللي ماعندهم رخصة سياقه بامريكا نشجع بعض و نعملها و نتخلص من دلع الازواج.؟
سلام

الاخت فتاة سورية ..اولا الحمدلله على السلامه ...ثانيا شو موضووعك مع السواقه انا ماعرفت ياليت اعرف يمكن اقدر اسااعدك :) :)

بعدين انت ما سويتي اي غلط بالعكس لو اي وحده مكانك ممكن تتصرف بنفس التصرف في مثل هالموقف الزوج ينتظر ( وانتظارهم دايما على احر من الجمر ) وموعد الاولاد ووصول الباص ..
بعدين كان بامكان تلك اللي عند الكاشير اتسااعدك وهي ابدت الموافقه لكن الغلط على صااحبتها اللي شوشت عليها وخلتها اتغير رايها فما عليك من منهم ...

لكن اسمحيلي زوجك ماله حق يستعر او يرفض انه يوديك ...لان هالموقف عاادي جدا وومكن انه يحصل لاي حد ...وان شاءالله هو يغير رايه وموقفه ...:arb: :arb:

اهم شىء انك دايما وفي اي طلعه تحسبين للوقت وتخلين وقت اضافي احتياطي تحسبا لمثل هذه المواقف ...:09:

فكره حلوة ...وياليت انشووف الحلول ....:arb: :)