بنات شوفوا مشكلتي وكيف حياتي مع زوجي😢

السلام عليكم
كيفكم صبايا
يابنات مشكلتي م اتوقع لها حل ابدددد 😢😢😢💔
انا ليا 9 سنوات متزوجه وعندي اطفال.. اكره زوجي كره فضييييع .. مررره مااحبه ولااحترمه ولااخدمه


اكره تواجده معي ف البيت وانبسط جدا اذا طلع .. من اول ايام زواجي للحين ماعمري حبيته ابدد او ارتحت معه ..
هو الله يسامحه كان بخيل معاي اول زواجي ويضغط علي في اشياء ولايراعي وضعي بعد ولاداتي بأطفالي ..صبرت سنين ولاعاد قدرت اتحمل الوضع ذا
رحت لاهليورفضت ارجع له نهائيا .. حاول كثير يرجعني بدون تدخل احد لكن ماعطيناه مجال لا انا ولااهلي .. الين جاء ابوه وامه وتأسفوا واعتذروا للي صار من ولدهم وبرضوه رفضت
انا ماعاد ابغاه ابددا لكن عطانا وعود وكلام ووو
ورجعت له ونفس الشعور واكثر اكرررررررهه بالمرررره ماكلمته ولاعطيته وجه
هو صراحه تعدل شويتين لكن الشعور اللي فيني زاد مو عشان بخله بس
لا انا صرت اكره شكله وحركاته وطريقة كلامه اذا سولف معي .. ابيه يقفل السالفه ويسكت ..
والله اني اجرحه دايماً من ناحية لبسه وشكله وصوته
وانتقده واتكلم عليه كثييير ولااطيعه وارفض اخدمه
ابداا ماعمري غسلت ملابسه اوكويتها هو يعتمد ع نفسه
اكره كل شي فيه يابنات شعور داخلي مؤلم والله ابككي اكثر الايام مو بكيفي
حتى اني اتسبب في اي مشكله او موقف بسيط بس عشان اتكلم عليه واقول طلقني وريح نفسك وريحني يرد يقول لي تعوذي من الشيطان واصحي !
وهو العكس صار يتمسك فيني اكثر ويهدي لي ويحاول يفرحني بأشياء بسيطه صرت اخجل واستحي منه يومين كذا وارجع زي اول



والله اني خايفه من ربي يعاقبني من معاملتي لزوجي وعدم طاعتي وخدمتي له ابككي يارب فرج همي كيف اظل طول العمر معاه




وانا بصراحه لولا خوفي من مجتمعي ونظرة الناس للمطلقه اللي تزيدني جرح ووضع عيالي كان خلعته وارتحت من هالشعور الموجع