السلام عليكم ورحمة الله وبركاااته
اسعد الله صباحكم بكل خير
:
:
يابنات انا انسانه غريبه مدري وراثه او طبيعه انتم شوفو واحكموو
قبل فتره بسيطه مات عمي الله يرحمه ويجعل مثواه الجنه وانصدمت بموته لاني كنت احبه وكان يعزني مررره
المهم يابنات اول ماجاني الخبر انصدمت لكن مانزل مني دمعه حتى في العزا الكل كان يبي يشوفني لانه
كان عزيز عليه صحيح موته اثر فيني من داخلي لكن شكلي مايقول اني حزينه لان الدمعه ماتنزل
ووالله والله يابنات حتى لما اشوف منظر حزين في التيلفزيون كل
اهلي يبكون ماغير انا اطالعهم حتى بنتي ياناس مره طاحت من
الدرج وجاها رضوض انفجعت لكن مابكيت،،
مرره مشكله لا وازيدكم من الشعر بيت والادهى والاعظم
انه اذا شفت منظر حزين وشنيع احزن وادعي لكن تجيني حاله ضحك :35: يعني على طول ابتسم خصوصا اذا شفت احد
يبكي حتى في العزا ياعالم يجيني ضحك مو بقووه لكن ابتسامه عريضه :39: لاتجرحوني وتقولون مافيني رحمه
لا مو كذا احزن من داخلي لكن شكلي ابدااا ابدا ابدا مايوحي بالحزن احاول اني اتذكر شئ محزن وبالقوه الدمعه تنزل
وبسرعه تنشف يابنات وش تفسرون حالتي بالله اللي تعرف علاج او شئ تدلني عليه وتعرفون احد بمثل هالحاله والا
بس انا اتوقع انه ابتلاء الله يعافيني ولايبتليكم :44:
الله يبعد عنا وعنكم الاحزان ويجعل عيوني تدمع من فرح يارب العالمين
(ريانة العود) @ryan_alaaod_35
عضوة فعالة
يلزم عليك تسجيل الدخول أولًا لكتابة تعليق.
توته الحدوته
•
اكثري من قراءه القراءن عشان قلبك يرق
عادي قلبي
انتي من اللي اذا انصدم
يتبلهم ولا يعرف يعبر عما بداخله
قد تكون طبيعيه ولكن من رايي ان تذهبي لطبيب نفسي يمكن مريتي بموقف ما افقدك حاسة التعبير
انتي من اللي اذا انصدم
يتبلهم ولا يعرف يعبر عما بداخله
قد تكون طبيعيه ولكن من رايي ان تذهبي لطبيب نفسي يمكن مريتي بموقف ما افقدك حاسة التعبير
انا زيك سبحان الله ماتجينى الصيحه الا بعد مرور وقت من الزمن يكون الناس شبعو صياح الا انا توه يطري على
احس انى مسبهه
احس انى مسبهه
مدري اعتقد في ناس طبيعتهم كذا بس ترى هذه من الطبايع اللي تتغير مو ثابته ... يمكن يكون في شي بحياتك مستحوذ كليا على تفكيرك بالتالي ماسار عندك موازنه في التعبير عن العواطف ... شوفي ترى العقل البشري لحد اليوم يكتشفون فيه أمور جديده ..وسبحان الله الإنسان لاشعوريا يستعمل حيل نفسيه لاشعوريا يتعامل فيها مع الحياة والوقائع والظروف .. وحده من أخواتي كذا في المشاكل او المواقف المفاجئه مثلا أحد أتزحلق قدامها أو شي من هذا القبيل تضحك لاشعوريا رغم إن قلبها رهييييف وحساسه ومو من النوع السخيف السامج بالعكس جدااا قمه في الأخلاق والأدب ...تدرين عاد ؟؟؟ أنا أعاني من شي مشابه وهو لما يسير مشاحنه في الكلام بيني وبين زوجي وحتى لو أكون أنا الغلطانه تلاقيني أضحك أو أبتسم رغم إنه بتصرفي هذا أجني على نفسي بس والله لاشعوريا بالذات لما يعصب زوجي ويسير يتكلم بصوت عالي تلاقيني بس بخبي وجهي لايشوف الضحكه هههههههههههههههه أستغفر الله حالات عجيبه ... بس سبحان الله ألاحظ إني أتغيرت في الفتره الأخيره تماما كذا من ربي
الصفحة الأخيرة