السلام عليكم ورحمه الله وبركاته
اخواتي...حبيباتي..
اليوم جبت لكم خطوات شغلي بالشمعدان
الله يسلمكم هذا اشتريته من فتره من لايف ستايل لونه ذهبي على نحاسي ومعتق شوي
ابي احطه بطوفه فاتحه شوي
وحبيت اغمق اللون ماله
المجلس عندي جدرانه بيج معتق
والاثاث درجات العنابي والبرتقالي والزيتي
ومدخله الذهبي معاهم
المهم
حبيبت ادخل هالالوان بالشمعدان واهم خطوه اغمج لونه
بسم الله نبدا
هذا الشمعدان قبل (كبير )
جبت الوان الاكريليك والفراشي وجهزتهم
بديت اصبغ الشمعدان بالبني الغامق بالطبطبه بالاسفنجه
وبعدين دخلت اللون الاحمر الغامق بالفرشاه مشيتها على بعض الاوراق بس...بشكل عشوائي
شوفو شلون صار شكلها
جبت اللون الذهبي معصاره (رب اوف) وهو يوضع باطراف الاصابع
ومسحت على بعض الاوراق بشكل عشوائي بعد
شوفو
وفي للشمعدان اكواب زجاج صغيره للشموع
ابيها تكون واضحه
رشيتها باللون الذهبي
شوفو صوره ثانيه بعد
وان شاء الله وعد اول ما اركبه راح انزل صورته يمكن بكره او اللي بعده
راح اصوره بالمكان المخصص له عشان يعطيكم الصوره كامله
تحياتي لكم..